黯然銷魂飯

 2020年12月18日

昨晚醃定叉燒，今日有得食！😋😋😋

腸仔包及芝士肉鬆

 2020年12月17日

今晚玩下造型包，整完4個腸仔覺得唔對路，簡簡單單完成餘下4個早收工。😂

提子核桃包🍞

 2020年12月11日

見到剩咗少少提子乾及核桃，一於清咗佢。

氣炸單骨雞翼

 2020年12月8日

個個都話呢隻《日清》醃雞粉好得，我又要試下！

芝士蛋和牛漢堡包🍔

 2020年12月8日

肥死你午餐！

大細妹介紹呢隻鹿兒島黑毛和牛漢堡扒，又真係幾好味喎！一田特價$99.9/5件十分抵食，後悔買得少。

臘鴨髀煲仔飯

 2020年12月3日

今日凍咗好多，最暖胃的梗係食煲仔飯啦！

芝士牛肉漢堡包🍔

 2020年12月2日

肥死你早餐！

早前在凍肉店見到呢隻漢堡扒，唔使$50有4件，咁平又買來試試。

煎時牛酥味十分重，整間屋都聞到，但食時又唔係好覺，配埋個蜜糖芥辣醬又唔錯喎！

芝士滑蛋鹹牛麥包

 2020年12月1日

肥死你早餐！

荷芹炒臘肉

 2020年11月29日

媽子話要食，老豆點敢唔煮！

芝士小餐包

 2020年11月27日

今次試下用氣炸鍋，170度10分鐘，見個面已經成型，但底部有少少濕，所以就翻轉200度5分鐘，原來都得喎！

肉桂核桃包

 2020年11月23日

點解咁難得靚㗎？

割得淺又發唔開，割深少少又發到咁樣衰！😏😬

提子肉桂捲

 2020年11月12日

小玉叫我整提子包比佢食。又係提子包好似冇乜好玩，試下加啲肉桂唔知好唔好味呢？

雜莓包

 2020年11月9日

整蛋糕個色變水泥，剩餘半包急凍雜莓 整麵包又估唔到咁出色喎！

會唔會係同雞蛋唔夾呢？

花膠冬菇栗子炆雞中翼

 2020年11月8日

今日想食栗子炆雞翼，早上在冰箱攞定包雞中翼解凍，又見到有已發花膠及冬菇，一於攞埋出嚟解凍，等 #老豆廚房 煮比我食。

雜莓鬆餅

 2020年11月8日

早前買咗包急凍雜莓，心諗用嚟整 #Muffin 個色應該幾靚仔，點知溶咗雜莓就知奶野，出咗好多水份，撈落粉漿後好似 #水泥 😂😂😂

A貨B仔雞翼尖

 2020年11月7日

原本呢包雞翼尖係叫我大細妹整麻辣雞翼尖比我食，等咗成個月佢都未得閒理我。

哼！我自己整香辣蒜蓉雞翼尖囉！

#下次整雞翼啖啖肉

提子十穀包

 2020年11月5日

早前在《大生》買咗包十穀粉，懶係好健康咁，又試下整麵包好唔好食先！

蒜蓉豆豉炆排骨

 2020年11月2日

想食乜同老豆講就會煮。

豆沙包

 2020年11月1日

上次整驢打滾剩咗豆沙，今日就清埋佢！

造型仲未掌握到，繼續努力！

煉奶花生醬麥包

 2020年10月21日

想買粟米糖漿，點知買錯純糖漿。唯有用來整麵包啦！

＃究竟要錯到幾時

竹蔗茅根紅蘿蔔馬蹄水

 2020年10月20日

星期六好好比咗自家種竹蔗過我，老豆就話秋高氣爽，最啱煲個滋潤湯水啦！

麥方包🍞

 2020年10月19日

諗住整定麵包聽朝早餐有著落！

3小時後夠鐘出爐，打開一看，救命呀呀呀！我又唔記得落酵母呀呀呀！

＃腦退化越來越嚴重

香蔥芝士包 & 芝士肉鬆包

 2020年10月13日

沒有大風大雨的 ＃浪卡 帶來1天假期。😍

＃兒時玩伴 姊妹們隨即開工搓包，看到她們交功課咁開心，搞到我都有啲手痕。😅

媽子要求鹹包，本來只做香蔥芝士包，但媽子叫我用埋1/3罐豬肉鬆，咁就做了兩款包喇！

提子麥包

 2020年10月11日

美儀&好好整朱古力包，我冇朱古力，唯有整提子麥包交功課啦！🤭

葡萄核桃麥包

 2020年10月5日

經過高手好姊妹美儀教路，終於切到齊齊整整方包喇！🙏

一直怪錯把麵包刀，原來係我自己錯方法，之前我將麵包出爐後1-2小時就會切件，每次都切得不公正，得到高手教路放一晚才切件真的確不同！🤭🤭

驢打滾

 2020年10月4日

//QQ又帶點黏性的糯米裹入豆沙捲成螺旋狀後再滾上炒香的黃豆粉。因為狀似驢子在黃沙滾滾的黃土裡打滾，所以就有了這個可愛又耐人尋味的名字。據說早期可是京城宮廷御用的小點呢，後來成了北京人配茶閒嗑的經典小點心。//

咁啱又見到谷友將 ＃朱Sir食譜 《芒果糯米糍》改成這份美點，梗係買材料玩下啦！

我這個份量做了2卷，一卷即食，軟糯超正，另一卷放一晚雪櫃，看看會否變硬。

捲得唔靚仔，下次糯米皮可以厚一點，應該會捲得容易靚仔。🤭

芝士小餐包 (低溫發酵)

 2020年9月20日

昨晚整定個低溫發酵麵團，今日就可以出街吃喝玩樂，明天就有早餐食啦！🤭🤭

黑糖粟米核桃麥包

 2020年9月15日

唔知係咪我中途打開過來睇，搞到個頂凹咗！🤔

抹茶午餐肉包

 2020年9月11日

是日3點3！

葡萄乾全麥包

 2020年9月9日

因為買咗包1kg全麥麵粉，每次用100幾10都有排用，今日就試下唔溝高筋麵粉，睇下效果如何。

係就係矮仔咗啲，但內部組織可以接受，不過媽子就唔係咁鍾意麥味太重。🤣🤣

榨菜肉絲湯米粉

 2020年9月5日

摷下雪櫃有乜材料，就地取材。😂😂

豬肉鬆麵包 (波蘭種)

 2020年9月5日

波蘭種的質地幾似湯種，好軟熟，又唔使煮，不過發酵時間就長少少。

上次整的歐包外脆內軟，今日就試下整豬肉鬆包，自己大約預250g麵粉份量，明明分兩個，但又要塞在一個兜內，搞到外型鬼咁肉酸！🤣🤣🤣

薏米檸檬水

 2020年9月3日

見到細細妹煲薏米檸檬水，可以祛濕、清熱，啱晒我啦！

問佢點煲，佢話買包生熟薏米煲完待涼後加檸檬汁就係咁簡單！

葡萄乾歐包 (波蘭種)

 2020年9月3日

見到 #海沙媽媽 呢個食譜❌無蛋❌無奶❌無糖❌無油，仲要用埋全麥粉，梗係要試下啦！🤭🤭🤭

洋蔥粟米鹹牛肉包

 2020年8月29日

繼續練習包餡包，包得唔平均，唔夠靚仔！😅😅

雞扒豉油王炒麵

 2020年8月29日

無啦啦想食炒麵！！🤣🤣🤣

紫蕃薯核桃麵包

 2020年8月24日

今次買了越南紫蕃薯，但係都係麻麻地，唯有又要做麵包啦！好軟熟，正！😋😋😋

黑糖提子麥包

 2020年8月22日

提子與麥包好似好襯咁，而我又未整過麥包，今日試下溝少少睇睇個效果先！🤭

紫菜肉鬆鬆餅

 2020年8月19日

有人問 #WFH 都可以整蛋糕？

其實整 #鬆餅 #Muffin 唔使1個鐘就有得食，非常簡單！😜😜😜

榨菜肉絲湯銀針粉

 2020年8月18日

炒銀針粉食得多，今日整個湯食，濕濕地易入口。😋😋😋

提子丹麥包

 2020年8月15日

冇意中比我發現朱Sir YouTube 有我至愛丹麥條，咁啱我又買咗好好介紹的巨峰提子乾，梗係第一時間試整啦！

看似簡單，但我就捲得好肉酸囉！🤣🤣

炒貴刁

 2020年8月15日

上星期買餸見到呢包超力出品的馬來炒貴刁，$6咁平就買來試下。

涼拌手拍青瓜

 2020年8月13日

天氣又濕又熱，整番個涼拌手拍青瓜醒下個胃先！😋

原來一隻指天椒都好鬼辣呀！🤣

薑黃麵包

 2020年8月11日

星期六經過龍豐，見到有幾個南亞裔男子擺檔賣家鄉食品，我就幫襯買咗樽薑黃，聽人講好有益。

除咗聽過薑黃可以整咖哩之外，其實就唔知仲可以整乜🤭

🤔試下整麵包唔知得唔得？

出爐個色好靚呀！😍

芝麻醬冷麵

 2020年8月10日

立秋之後都咁熱，又要整個冷麵歎下先！

香煎鹹魚豬肉蓮藕餅

 2020年8月9日

昨天我負責去買餸，見到有蓮藕就想食煎藕餅，買好材料就交比 #老豆廚房 啦！

材料：

蓮藕 3小節
碎豬肉 $10
鹹魚 1舊

做法：
1. 蓮藕去皮刨絲（我有幫手呀）
2. 碎豬肉加入糖、雞粉、胡椒粉、紹興酒、魚露、豉油、粟粉、油，拌勻醃半小時
3. 加入鹹魚碎拌勻
4. 準備煎前加入適量粟粉，搓成波波型
5. 以中火煎至兩面金黃即成