晚餐@瓏門小廚

2016年4月30日

細細妹與細妹夫搞掂晒D野，梗會嚟湊番兩位千金加請食飯啦！

大細妹就介紹我地去食平靚正晚餐啦！呢度食咗$2xx，真係好抵食呀！

跟住仲要去埋麥記食飯後甜品，細妹夫話買一送一，唔食又好似對唔住自己咁喎！

下午茶@水上人魚蛋粉

2016年4月30日

難得落聯和墟，諗住去群記食豬手啦！點知賣鬼晒，為有過對面食粉麵啦！

跟住帶佢地去聯和墟體育館放下電！

早餐@佳運茶餐廳

2016年4月30日


今早又要做人肉速遞！

因為細細妹與細妹夫有D事要辦，所以要幫佢地湊女，我一個人邊搞得掂，同佢地食完早餐即時過大細妹度一齊玩啦！

就係咁先有幸買到好耐冇食過阿婆缽仔糕呀！

Lunch@浪人日本料理

2016年4月29日


出咗糧食餐好d！

今日搵埋 Bingi & Peggy去試新店，雖然呢間野都開咗好耐，但我地都係第一次去！

最搞野係12:00左右打去book位。

我：請問今日1:15有冇位?

哥仔：有，你過嚟啦！

咁就收咗我線！我懷疑自己係咪打錯電話，點解連問貴姓都無咁奇怪！

食物品質與價錢都好過藏人及焱川呀！係遠咗少少囉！

Lunch@翠華餐廳

2016年4月28日


今日與叻叻&小玲食Lunch
不過我做咗大嘥鬼，係無胃口定份量太大呢？

一個人的午餐@大叻越南牛肉粉餐廳

2016年4月27日

好耐無幫襯呢間越南店，今日醒起佢，梗係要食佢至好味炭燒香茅豬/雞扒啦！
不過今日燶咗少少呀！

一個人的午餐@車仔麵之家

2016年4月26日

約一個月前食咗易手後，今次質素好了很多，可能當時剛剛上手未能掌握一些技巧，現在應上了軌道喇！沒有失去舊老闆的味道呀！

Lunch@三六九上海飯店

2016年4月25日

With Kitty, Coey & Natalie，上星期佢地已經約定要食呢間喎！

新鮮出爐@粒粒朱古力紅莓杏仁鬆餅

2016年4月24日

黐餐@銀咖哩

2016年4月24日


下午就要到學校返柏緯放學，所以就到學校附近搵食，柏緯梗係去佢至愛飯堂之一銀咖哩啦！

黐餐@德記茶餐廳

2016年4月24日


晨早送外賣，因為要搵D野比大細妹，梗係呃一餐啦！
呢度係柏晞至愛食早餐的地方，每次都係叫同一套餐，百吃不厭喎！

飯後甜品@草莓芝士蛋糕

2016年4月23日

今晚食乜餸

2016年4月23日


煎蓮藕餅
老少平安
白芍菜心
老黃瓜紅蘿蔔章魚扁豆赤小豆煲瘦肉湯

飲茶@行樂軒燒鵝海鮮酒家

2016年4月23日


真難得與細妹夫在星期六飲餐茶！

Mariana退休派對

2016年4月22日


又一同事退休喇！曾經與她合作過，覺得她改變了許多！
初相識時是位訓導主任教導，當時真的有點害怕，相處後，原來是順得人呀！

Lunch with Nat & Pan@薔紅特色茶餐廳

2016年4月21日

今日又係約咗佢兩位呀！因為應承介紹PanPan去食燒雞，雖然遠咗D，但真係好食又抵食呀！咁大隻我地都食得晒呀！勁呀！ :D

Lunch with Nat & Pan@德如茶餐廳

2016年4月19日

我都好耐無去幫襯喇！不過 Nat & Pan就一星期最少去一次，所以今日我就搵埋佢地一齊去食喇！

我最鍾意食佢家鄉炒飯，不過今日就無叫到！ :D

3個人叫咗粒粒豬扒飯、時菜班腩炒麵、2碗例湯 (西洋菜豬骨湯)，其實已經食得好飽，但 Nat 又話想食奶醬多喎！今餐 Total $143，係唔係好抵食呢！

新鮮出爐@紅莓乾阿華田脆脆小蛋糕

2016年4月18日

食飽飯無無聊聊想整餅！ =))

唔知係咪無將牛奶回溫，所以放涼後回縮又無爆面呢？

Lunch@演藝學院自助餐廳

2016年4月18日

今日又約咗HR兩小花 Bingi & Peggy 一齊Lunch！

餐廳是自助式，先落單，取餐湯、餐包、飲品及甜品，跟住比錢就可以返埋座位等主菜送上來！

我試咗個咖哩牛腩飯套餐$65餐飲轉橙汁+$3，唔太辣牛腩有D林有D實，今日仲有學生表演JEZZ，我就唔係好識欣賞，仲覺得一D嘈！ =))

佢地兩個就叫咗龍蝦汁燴海鮮意粉，佢地話都唔錯喎！

新鮮出爐@黑芝麻戚風蛋糕

2016年4月17日


好耐無整戚風蛋糕，今日執野見到個兩年前買落6寸戚風模，見有時間就開工啦！

外型好似得，但內容好似爭少少，有D濕濕地咁！

Dinner@金翠餐廳

2016年4月16日

行完葵涌廣場話唔夠皮，又話要去花園街行下，唔使湊女就喪行，攰死人咩！ :))

兜咗個圍就去食埋個晚餐先歸家啦！

諗起太子附近有間平價餐廳，一於順便試個童年回憶！
可能現在太多美食，完全食唔番果種味道！
但價錢就真係好平！$7x一個套餐，抵！
但又唔會再嚟幫襯喎！ :D

細細妹要咗個紐西蘭肉眼牛扒$74、我當然要個美式什扒懷念吓啦！ :D

下午茶@唯一麵家

2016年4月16日

細細妹話想去葵芳廣場行街，咁我放學就約埋一齊去行下囉！

去到梗係要食個下午茶先有力行街街啦！ :D

細細妹想食酸辣湯，見到呢間野有得食就入去食啦！

酸辣湯水餃+凍飲$46、香茅豬扒+豆漿 $33，兩樣都唔錯呀！

增值@君戶鍋貼大王 (灣仔)

2016年4月16日

今日又周圍搵食，落車見到呢間野，又去試下啦！點知又中伏了！ :((

腸粉$10，又唔有冇3條、燒賣$6 (6粒)，但呃咗我1粒、熱豆漿$7，淡到的個甜！

好彩暫時完成課程，唔會再有機會幫襯佢！

團購@龍華酒店

2016年4月15日

ADA在一個月前見到呢個團購話好抵，4人餐每人都係$100左右，約齊4人成團就去食啦！

$338四人餐+茶介$33.8

最近在網上見人狂插，又話食物唔得，又話地方污漕，又話服務唔好，真係有d驚！

可能我第一次食又覺得OK喎！乳鴿&雞粥都唔錯，其他就一般啦！如果用原價食就真係唔得囉！ :D

但就一D唔老實囉！好彩影低張團購紙，明明寫住"服務費及茶介" $33.8，竟然想多收$32茶錢，我地無咁易比你呃喎！

應該好多人都唔知另再收了茶錢，當時問個侍應點解另收茶錢，佢都即走咗，跟住我地要求叫經理，佢仲細細聲講晒粗口囉！

一個人的午餐@麥當奴

2016年4月14日


睇到呢個美式手撕雞堡廣告幾吸引，今日就來試食，套餐$38，轉厚切薯條$4。

圖片只供參考，大家都會明啦！

但呢個又幾好味喎！不過就辣咗dd喇！

洋蔥圈梗係無廣告咁大圈啦！估唔到又幾脆喎！

4個為食鬼@倫哥私房火鍋

2016年4月13日


6人同行1人免費，$268/位，星期五/六/日/假期前夕+$10/位，另收加一服務費，只收現金‼

上星期比蛋撻見到有呢個優惠，拿拿林約齊人，又比佢訂到位，咁就成團啦！

今咗今日，竟然比2個位放了飛機，我地咁為食，無咗優惠都要去食啦！

今次你我第二次幫襯，上一次食過確唔錯！

今晚老細話轉了食法，原本的鮑魚&蟶子皇佢整熟比你，但我覺得都係鍾意自己滾囉！

食飽飽，蛋撻為咗要儲今期7仔印花，主動請我地食飯後甜品呀！ :X :X

Lunch@翠華餐廳

2016年4月12日


祥少今日返嚟教書，順便約埋叻叻食個晏先開工啦！

都好耐無去翠華食Lunch，發現多咗呢個精選午餐，一大碗麵加炒蛋及一大塊吉列魚柳再加飲品$62，睇落有D貴，不過食完唔使再食下午茶囉！

Lunch with 花姐@曼谷泰菜

2016年4月11日

花姐去英國探個仔，順便玩咗兩個星期，日日在FB追佢遊記，四圍去周圍食，佢竟然瘦咗！
原來去到英國就冷病咗呀！

佢今日返工話比手信我，咁梗係約埋食個Lunch啦！ :D

Chef Top 玫瑰鍋@豉油雞

2016年4月10日

尋日發現屋企有幾支豉油雞汁，需要清清貨，尋晚整咗瑞士雞翼，剩咗大半支，今晚用埋整豉油雞囉！

新鮮出爐@魚柳包 (直接法)

2016年4月10日


今日本來去和記探公公、婆婆&舅父，點知天文台話二、三小時後會狂風暴雨，所以取消今日行程啦！

係屋企無無聊聊，又開始手痕，記得上次買咗盒魚柳，一於整定個3點3歎下先！

飯後甜品@梳乎厘

2016年4月9日

上星期食過番尋味，今日又要Encore喎！

今晚食乜餸

2016年4月9日

今日無乜時間，整得簡單D！

瑞士雞中翼
白芍菜心
齋叉燒齋鵝

Lunch@殿糖級

2016年4月9日

午餐約咗大細妹&兩個肥仔！
甜品店有飯麵食，甜品舊年與M CLUB去食過，都算唔錯！
今日試下午餐，芝士咖哩雞扒焗飯&白汁雞扒焗飯都OK，馬來西亞咖喱牛筋腩就爭dd！
跟住叫埋個牛奶綿花冰，滿足的一餐！

增值@英記食店

2016年4月9日

今日去番街市幫襯英記，見到有魚柳+蛋治+飲品$26，無諗過蛋係咁薄囉！
魚柳又細片喎！早知食番$29果個餐啦！ =((

又呃一餐@順景茶餐廳

2016年4月8日

今日阿妹話要考敬我&叻叻，要請我地食LUNCH喎！
為免小妹妹使咁多錢，就揀咗間茶餐龐，以前都食過幾次OK架，點解今日咁難食架？！
搞到我要過隔離買定飯後甜品及下午茶囉！

Lunch@三六九上海飯店

2016年4月7日

今日容姐約食飯，叫埋叻叻&阿妹去食上海野，呢間飯店都好耐歷史，今日試咗D新餸！
湯醬百業&湯三鮮，又幾好食喎！唔使次次都係上海粗炒&獅子頭啦！ :D

Lunch@莎巴馬來西亞餐廳

2016年4月6日

今日臨時約HR兩位小花去食LUNCH，大家都唔知食乜好，為有邊行邊諗！
最後揀咗去食馬來西亞，$75+10% 有湯、主菜、飲品及甜品，大家Share食都食唔晒呀！

椰香乾果雜果仁蛋糕

2016年4月4日


有朋至英國回港探親，整咗呢款蛋糕比佢歎！
佢地兩公婆真係好錫我架，每次回港都送好多禮物比我，多謝晒呀！

今晚食乜餸

2016年4月4日


今晚得我同媽子食晚飯，咁整個香煎豬扒喇沙河粉佢歎啦！

Lunch@城記飯店餐廳

2016年4月4日

今日係兒童節，但原本香港好多小朋友都唔知！
咁又係，又唔係公眾假期，佢地更加唔會知有呢個節日啦！
(p.s. 雖然今日係公眾假期，但係清明節假囉！)


約大細妹及兩位靚(肥)仔去晏，未試過係街市食蒸飯+點心，所以去試下囉，普普通通！
叫咗鳳爪排骨飯 ($22) + 四寶雞扎 ($17)，飯有D硬，排骨好鬼實，又無原盅蒸飯果種香味喎！
四寶雞扎就抵食過酒樓果D，大件夾抵食！

柏晞叫咗楊洲炒飯 ($32) + 7 UP ($6)，連佢至愛炒飯都食唔晒，就知掂唔掂啦！
好像沒有炒過咁，一Ｄ都唔香囉！

柏緯叫咗牛扒火腿炒蛋飯配黑椒汁 ($36) + 凍華田 (凍飲+$1)，一分錢一分貸，三十零蚊有牛扒食仲想點喎！

咁樣賣廣告！

姪仔落Order@朱古力蛋糕仔

2016年4月4日


尋晚收到浩倫 Whatsapp 話星期二想請同學仔食之前整過的朱古力蛋糕仔，問我有冇時間整，呢個3小時內必可完成，咁就襯出街前整咗先啦！

與細細妹行街街

2016年4月3日

今日細細妹唔使湊女，叫我陪佢行街街！

先在上水佳運茶餐廳食果早午餐先！$29有咁豐富係唔係好抵食呢！

飯後甜品@梳乎厘

2016年4月2日


肥仔緯話上星期在餐廳食好貴，叫我整比佢食喎！

好耐無整過，幾驚唔成功呀！ :D

今晚食乜餸

2016年4月2日


清炒佛手瓜
薯粒炒牛柳粒
香煎魚肉豆腐
香煎腐皮卷
蝦米蒸蛋

Lunch with Natalie@龍鳳冰室

2016年4月2日


放學後好肚餓，搵埋Natalie食埋先返屋企！

明明有下午茶，但覺得唔抵食，所以叫正餐，點知食唔晒，做咗大嘥鬼呀！ :D

增值@薔紅特色茶餐廳

2016年4月2日

今日繼續在灣仔搵早餐食，諗起附近有間茶餐廳在午餐時間試過都好得，一於去試下個早餐掂唔掂！

OK喎！又平又抵食！又多一間可選擇喇！

阿姐生日飯局@Outback Steakhouse

2016年4月1日

祝阿姐生日快樂！身體健康！越食越Fit！越來越靚！

阿姐係3月份生日架，但要約到4月先約到佢囉！

今次約埋多多&阿馨同阿姐食個生日午飯！

近近地就揀咗公司對面的Outback Steakhouse，一睇餐牌，乜加咗價呀！仲要加成$10咁鬼多，不過都大份夾抵食，後來先知無加到價，原來講我知星期五六日係貴$10架！ :P