我地又懶唔想自由行，就睇下有乜團啱玩！
睇到美麗華呢個韓國賞紅葉團好鬼正，其中2日半係自由活動，其餘就帶你去賞紅葉，真係啱晒我地啦！
團費又抵喎！$2499，網上報名仲可以-$150，加埋稅項$493，再加小費$500，買套票都差不多價錢啦！不過就要坐濟洲航空，無飛機餐都唔緊要，但只得15KG寄倉行李就慘D囉！所以買野都幾忍手架！ :P
跟團最驚係唔成團，今次都差D成唔到團架！多得我班同學仔囉！
佢地知我去玩，又話要跟埋去，佢地諗都唔諗就報咗團喇！ :))
因為無去開茶會，所以唔知個團有幾多人，到出發果晚先知原來得8個，我地已經估6個啦！
仲有就係2母女，佢地真係多得我地先出到發呀！
可能現在太多自遊行喇！已經好少人報團，8個都成團，唔知有冇錢賺呢！？
香港個領隊係0靚妹一名，我地估佢都係第一次帶韓國團，因為每個參觀地方佢都好似我地咁好努力影相，同埋佢好多野都唔清楚，要靠韓國導遊帶領！
好可惜今次紅葉唔多，所以無乜靚景影到，不過我地食得好開心，想食的都食到，好滿足呀！第一次同呢班同學出外旅行，好彩無乜事發生，佢地仲話要約定我下次一齊去玩喎！ =))
