2009年1月21日星期三
今日Ken哥回到公司，比我發現佢個背包有ｄ野掛咗係度，
好鬼靚呀，佢個朋友去完東京迪士尼送比佢嘅手信呀！
文迪你今年去日本的話，記得幫我買呀！
2009年1月21日 星期三
楊小B快將與我們見面@Mingming
2009年1月16日星期五
Mingming同老公去完產前檢查，上咗我公司，
因為我有ｄBB衫比楊小B，佢順便嚟攞囉！
原來仲有一個月就到預產期喇！
Mingming個肚又真係大咗好多喎，醫生話佢知楊小B現在有3.3kg呀！
睇怕要生巨B，佢都驚到時要開刀呀！
祝楊小B快高長大！身體健康！精靈活潑！
2009年1月20日 星期二
一月份生日會@Ken哥
2009年1月13日星期二
今日部門+NatNat請Ken哥食生日飯，Ken哥話要食小菜，
本來話去"榮興"，但又覺得佢依家失水準，唔係好想喎！
原來食家肥康未去過"金源"，一於帶佢去評吓分先得！
食家雖然病病地，都話有料到喎，食得過！價錢又實惠！
2009年1月14日星期三
今日先至係正日，弟兄姊妹們緊係會為Ken哥慶祝一番啦！
佢話自己叫炯祥，所以揀咗"祥記"，佢又真係好識揀喎！
輪到佢今日病病地，唔多願出聲，成個飯局即該唔夠生氣，
悶到要扮神探！
悶到未齊人都要影相！
悶到ｄ野食都麻麻地！至愛紅燒排骨都唔夠味!
好彩有另一話題！
話說上年聖誕節，隻衰婆同我講收到一份聖誕禮物，
NDS遊戲機一部，我即刻問佢邊個咁大手筆，係唔係男性？
衰婆係都唔講係乜水送，淨係笑笑口！
姊妹們，你地話係唔係事有QK!
2009年1月19日 星期一
屬於自己@新相機
2009年1月11日星期日
頂唔順喇，終於有屬於自己嘅相機！
一直我都無屬於自己嘅相機，以前用嘅都真細妹換機，我就用佢部舊機，
用得唔好嘥嘛！但係部舊相我真係搞佢唔掂，都唔明自己點解會咁樣，
傻瓜機一部，都唔知點解會影到ｄ相鬆郁蒙？
最重要係身痕囉，知道今個月會有Bouns嘛！
係唔係好熟面口呢？！
係呀，我之前問我細妹攞部新相機用過，我覺得好好用，
ｄ相又影得靚，所以就買咗同一款喇！
今次仲係去兩張4G咭，不過個相機套就無原裝，比咗個LX3 ，太多空位喇，
都保護唔到部相機，為有問細妹攞個套啦，點知佢就比埋個靚靚Mickey套過我！
多謝晒！
卡旻ｅ：請問有冇Panasonic TZ15呀？
豐澤：有，HK$2,700
卡旻ｅ：有乜野送呀？
豐澤：相機套裝、8G咭
卡旻ｅ：都出咗咁耐，可唔可以平ｄ呀？
豐澤：最平喇，靚機好難會咁快跌價呀！
卡旻ｅ：咁我諗諗先，唔該！
卡旻ｅ：請問有冇Panasonic TZ15呀？
百老匯：我地無Display, 等我Check Check先，有HK$2,780，不過要訂貨！
卡旻ｅ：咁，唔該晒！
卡旻ｅ：請問有冇Panasonic TZ15呀？
國美：無喎，斷咗貨，唔再生產喇，介紹第二部你啦！
卡旻ｅ：唔使喇，唔該！
卡旻ｅ：請問有冇Panasonic TZ15呀？
中原：有
卡旻ｅ：幾多錢呀？
中原：HK$2,680
卡旻ｅ：有乜野送呀？
中原：保護貼、相機套、迷你腳架、電池、4G咭，仲有哈哈笑精品
卡旻ｅ：有冇得平ｄ呀？
中原：最平喇！
卡旻ｅ：隔離送8G咭喎！
中原：（按計數機）我可以送兩張4G咭，不過就要HK2,700
卡旻ｅ：好，我要一部
我覺得中原有誠意ｄ，所以都係幫襯佢！（細妹果部都係中原買）
本來哈哈笑精品係送地毯，我唔想要，所以屈佢送兩個水樽囉！
2009年@第一個工作天
2009年1月2日星期五
唔好以為老細放假就可以放鬆吓，原來唔係！
佢放假前就交低晒要做呢樣要做果樣，呢樣又話要出，果樣又話好趕！
如果唔係張6仔唔生性，我就唔使咁慘啦！
好彩今日有人請食Lunch，心情都好D！
本來訂咗去富臨飲茶，點知去到先知我地個Booking No.唔係我地喎！
問個阿姐咁點先，我地五個人明明有訂位，依家又變咗無位喎！
個阿姐忙到七彩，淨係叫我地等等，大姐呀！Lunch Time九百幾人等位，
要等到幾時呀？我地為有轉馱啦！阿Ken以9.8秒跑去喜萬年，
叫佢個契妹比張枱過我地，嘩度又係鬼死咁多人，好難有位喎，
最後佢個契妹比咗員工尾枱食飯個位置過我地，如果唔係都唔知等到幾時！
好似文迪佢地咁，訂咗枱都等咗成半粒鐘先有位，到時好多點心都無啦！
花姐仲搞野，訂咗枱又遲到喎，人家緊係比唔到枱佢地啦，
叫芳芳幫佢地攞定蛋撻仔先，唔攞定真係會無得食！
叫咗第一輪點心，想食果ｄ都食唔到，不過有得食都好彩喇，
SaSa都不知食得幾開心，祥少話食得差不多，要去B仔記球場練射籃，
都唔知有乜好練，班後生仔都唔練，你ｄ老將練得咁辛苦為乜？！
Ken哥好似唔夠皮，仲想叫個炒飯食，我地齊話唔好預我，搞到佢都唔敢叫！
最後都要講句
多謝
2009年1月16日 星期五
年尾午飯@又係金源小館
2008年12月31日星期三
2008年最後一日喇，Ken哥話要同我地姊妹們去食餐好，當然係AA制啦！
上次祥少帶過我去食，覺得呢度唔錯，姊妹們又話好想試，所以決定去金源喇！
Ken哥，文迪，芳芳，SaSa，Coey & 卡旻ｅ，點解得咁少人，
因為好多人都放咗假囉，所以得番我地6個囉！
今次唔食手撕雞，試吓隻炸雞，都係手撕雞好食ｄ，其他小菜都係好好味，
最重要係海底椰南瓜露加湯丸
有Ken哥同我地食飯係最開心！
五隻嘩鬼@雲泉仙館
我唔係停Blog，只不過一月份係我最忙的月份，又要出"社情"，又要出"職業博覽"，又要出"人間熱線周年報告"，全部都話要農曆年前做好喎！幾乎屎尿都唔得閒去痾呀！就大家見諒呀！
2008年12月14日星期日
媽子話呢期雲泉有菊花展，見今年新年無去到食齋（我地好多時農曆年都會去果度食吓齋），所以就約吓細佬妹有無興趣喇！
個個都話好好好，淨係得老豆同強少要開工去唔到！
呢度ｄ齋菜都唔錯嫁，其實我地最鍾意都係ｄ白粥，又滑又綿，
最重要係任食，掛住食唔記得影相！（每款都係$65)
食飽飽就去睇菊花喇！今期條龍好勁呀，仲有隻鳳呀，隻翅仲會郁郁下！
嚇人的花仙子，柏晞見到掉頭走！
荷花池無荷花，只得凋謝了的荷葉，突然發現釣魚翁，
我亦給他發現，只影得一張相！
表妹你去咗邊呀，快ｄ過嚟一齊影相啦！
見到石雕發晒癲，係都要同'隆隆'影相！
影這個最搞笑，用了4部相機都影唔齊5隻嘩鬼的樣子！
實有一個唔聽駛！
訂閱：
文章 (Atom)