一月份生日會@Ken哥

2009年1月13日星期二

今日部門+NatNat請Ken哥食生日飯，Ken哥話要食小菜，

本來話去"榮興"，但又覺得佢依家失水準，唔係好想喎！

原來食家肥康未去過"金源"，一於帶佢去評吓分先得！

食家雖然病病地，都話有料到喎，食得過！價錢又實惠！

2009年1月14日星期三

今日先至係正日，弟兄姊妹們緊係會為Ken哥慶祝一番啦！

佢話自己叫炯祥，所以揀咗"祥記"，佢又真係好識揀喎！

輪到佢今日病病地，唔多願出聲，成個飯局即該唔夠生氣，

悶到要扮神探！

悶到未齊人都要影相！

悶到ｄ野食都麻麻地！至愛紅燒排骨都唔夠味!

好彩有另一話題！

NatNat已有男朋友？

 

話說上年聖誕節，隻衰婆同我講收到一份聖誕禮物，

NDS遊戲機一部，我即刻問佢邊個咁大手筆，係唔係男性？

衰婆係都唔講係乜水送，淨係笑笑口！

姊妹們，你地話係唔係事有QK!