一個人的午餐@漁場台風

2017年1月21日


路過見到唔使排隊就入咗試食，平時都有十個八個在門口等位架！可以剛開門，所以未有人龍，我入座後剛好滿座！食飽飽後就見排長龍喇！好彩早去食！

叫咗魚介豚骨焙煎黑芝麻沾麵，麵份量好多呀！個沾汁內有數舊荀片及2舊叉燒，黑芝麻好香，值得推介！👍👍👍👍👍👍👍👍

服務好貼心，見我吊腳，即送上膠箱腳踏，咁就食得舒服好多啦！

跟住約咗細E去花墟買年花，佢好快就睇中咗2盆，我又無睇啱心水，先幫佢抬返屋企先啦！
跟住再去AEON買糖果！

好耐無去黐餐，多謝姐姐整印尼粟米餅比我食，好好味道呀！多謝細e招待！