2009年5月10日星期日
上個月細佬問我有冇興趣去東平洲, 佢老細係佢老婆個舅父, 係工聯會買咗飛叫佢一家一齊去玩番日, 咁佢舅母又叫埋我去喎, 我話咁奇怪, 又關我事!
原來佢舅母同佢講:「你家姐對你對仔女咁好,不如請埋你家姐去啦!」唉!呢個細佬無人提佢點會咁識做呀!
我都去過一次東平洲, 仲係過夜果種, 諗諗吓都有十七八年喇!
本來有旅遊巴去到馬料水碼頭,但係就要係元朗上車, 因為係元朗工聯會搞, 所以集合地點都係元朗囉, 但我地住上水覺得坐東鐵去大學站方便d, 起馬可以瞓晏d嘛!
從船上望向東平洲, 島嶼平坦得像一張大浮床!
東平洲位處東北的大鵬灣, 地圖上叫作平洲, 但為免跟大嶼山東面的坪洲混淆, 故一般人都改稱它東平洲。
先來吃碗甜滑的豆腐花!
不消三分鐘已經買了一大煲喇!
東平洲以頁巖聞名; 頁巖是水成巖, 在水底形成後被推上地面, 經多年風化, 終露出其與別不同的紋理。
由於時間關係, 我地只係去到更樓石呀!
跟住再坐船去吉澳食海鮮餐喇!
導遊話成個吉澳只係得榮記士多做團體餐喎!
這個海鮮餐就真係麻麻地, 八個餸加白飯白粥任你食!
最出名手打墨魚丸, 食落無乜味道, 這個迷你扇貝仲有沙呀!
海鮮唔啱食唔緊要, 隔離舖就有茶果&糯米滋任君選購!
當然唔少得海味啦!
吉澳行咗一陣就要準備上船返馬料水結束這個健康之旅喇!
係碼頭見到隻小艇, 大家被它的名字吸引, 唔通係名正言順載你過大陸?
東平洲與吉澳沿途風景
啟程時兩個精神亦亦!
回程就瞓到留口水!
回程實在太攰, 我地決定跟旅遊巴到元朗, 可以瞓番一陣, 順便食埋晚餐先歸家!
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
沒有留言:
張貼留言