台北捷運之旅 Day 1 鼎泰豐

２００９年３月２７日星期五

酒店擾攘完，又係時候去醫肚先喇！鼎泰豐－我地嚟喇！

講明今次係捷運之旅，我地緊係去坐捷運啦！由酒店行去市政府站大概十分鐘，途經台北市政府大樓，隔離有個「勞動藝術文化園區」，今日天氣又唔錯喎，緊你第一時間影底台北１０１先啦！（因為氣象局預測未來兩天都係陰天有雨）文化園裡面有兩件機器人作品，及五件孔明椅作品，我就無乜文化喇，如果你有興趣就去呢個網址就會有詳細介紹！

http://www.bola-elife.taipei.gov.tw/big5/content/Content.asp?cid=911

行呀行，終於去到市政府站喇，呢個捷運站好細，一ｄ都唔似香港地鐵！

去到忠孝敦化站搵到３號出口，明曜百貨直行一個街口就見到鼎泰豐喇！

嘩！整乜鬼咁多人呀？要等幾耐呀？我地仲要去動物園喎！唔理咁多，攞咗籌先算啦！好彩，原來都係等兩個冧巴啫，姐姐仔仲比咗Menu我地揀定食品，不到５分鐘就叫我地個冧巴喇！又會快成咁？唔通出面ｄ人全部都係等外賣？

快！快！快！我地時間緊迫呀！動物園５點鐘就關門呀！紅油抄手、紅燒牛肉麵、蝦仁蛋炒飯、菜肉蒸餃、2客小籠包、仲有赤荳鬆糕做甜品，文迪話食物保持水準，依然咁好味，仲話佢老公都係嚟呢度食咗小籠包之後，就喜愛咗鼎泰豐喎！呢餐連埋加一要NT$1210，算唔算抵食呀？

下一站：台北市動物園（木柵動物園）

 

台北捷運公司

http://www.trtc.com.tw/c/index.asp

 

鼎泰豐(忠孝店)

地址：台北市大安區忠孝東路四段218號

http://www.dintaifung.com.tw/ch/area_a_detail.asp?AreaNO=38&AreaCountryNO=76