吃過魚翅湯後，我地便乘的士（五個人坐四人的士咁都得）到威尼斯人酒店，我地先到賭場的service counter申請membership card，據職員說, 成為會員後，只需要在賭場玩樂一小時或以上便可取得當天的免費船票，此外，在酒店內消費更可享有折扣優惠，怪不得Anna叫我地記得去申請，其間SASA張申請有點問題，嚇得SASA緊張，話自己係良好市民，第一次嚟呢度玩，無犯過事喎，其實係人地電腦有問題，搞到SASA虛驚一場！
Joyce同芳芳就去賭場博剎，我地三個就四圍參觀，威尼斯人真係好鬼死大，行到我地三隻野腳仔軟，差不多七點我地回到賭場玩老虎機，以前的老虎投入硬幣，拉下手臂，如果中了獎就會有硬幣跌下來，發出聲響，另旁人羨慕！現在的，投入紙幣，按下按鈕，如果中了獎，需要按下取錢按鈕，它就會嘔出一張紙，請你到 counter取回贏取的金額！所以我覺得沒有以前的好玩呀！我地每人用咗四十蚊試玩了兩款老虎機，我贏了三十一蚊，佢兩個就輸掉了！
七點半左加便轉乘的士（今次分兩部，因為酒店門口不能再博蒙了）到蔡瀾介紹的六記粥麵晚飯，六記位置偏僻，用了六十蚊的士才到達，店外店內都擠滿不少食客，我們亦好不容易才等到店外的小枱子 。
我們點的都是推介，有水蟹粥（我覺得好食過盛昌）、滷水雞腳豬腸（雞腳夠淋，豬腸無異味）、錦滷雲吞（兒時回憶）、豉椒炒蜆（本人不好，不願致評）、炸米通鯪魚球（外脆內軟）、蝦子麵（淡口好味）、蠔油菜心（一般）。大致上係OK，蔡瀾無介紹錯！
食飽飽，我地就行咗幾個街口先搵到巴士站，前往目的地"永利"，落車地點係"新葡京"，外形好靚呀！
過對面馬路就係"永利"喇！
我地先係去睇"吉祥樹"！金碧輝煌，好鬼正！又精彩！拍案叫絕！
當然都會入賭場見識吓啦，Joyce同芳芳繼續博剎，我地三個每人玩咗廿蚊老虎機就走人，睇埋門口個"音樂噴泉"就坐的士返酒店喇！
第一天正式完結
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
沒有留言:
張貼留言