十一月份生日會@鳳城酒家

2008年11月10日星期一

 

 

又係生日飯局，珞媽、瑪姬、KY & Mingming，欠咗個麗莎，

因為佢要到日本公幹，所以今次無出席，欠我一餐喔！

生日食飯係藉口，其實大家都係想見吓楊小B媽咪果肚有幾大！

所以就吓佢地，約咗太子鳳城酒家！加上上次去蓮香樓時，

珞媽話鳳城個焗西米布甸好食ｄ，咁就要試吓啦！

 

 

炒鮮奶好好味，蝦多士太多油喇！

上湯炸粉果又係好正喎，唔知乜野豆腐都唔錯！

唔知點解我咁鍾意食生菜包？有得食又有得玩？

炸子雞最後先加，佢地話生日要有骨落地先至好，等咗好耐都未到，

其他枱遲過我地落單都食晒，叫佢取消上甜品啦，部長簽紙OK，

點知就有人放低碟雞喇，為有食埋佢囉！好彩都幾好味！

焗西米布甸終於出場喇，珞媽話銅鑼灣果間好樣好多，

不過都好食過蓮香樓，勝在唔係太甜囉！

 

 

楊小B媽咪出場喇！楊小B要努力呀！大隻ｄ呀，你媽咪鍾意大隻佬！ 

無聊鬥肚大！