2008年10月23日星期四
NatNat話約咗MingMing食晚飯，緊係要預埋我啦！
自從係今年書展有內幕消息知道MingMing好似有咗BB，
就好期待佢親口話我知，8月11日見過佢一次，
但係佢又話唔講得住
終於等到今日喇！
MingMing話要去尖沙咀Domon食拉麵
我緊係唔係至在食啦，只係想睇吓佢'駝'仔情況，
佢話腰骨痛，行路都要慢慢行，2009年2月14日係預產期，
好開心係B仔嚟呀！
祝楊生、楊太及楊小B，2009年情人節快樂！
2008年10月31日 星期五
2008年10月22日 星期三
北海道賞花美食自駕遊2008@ Day 9 再見北海道
終於到咗最後一日喇，最後沖廁 － Outlet Rera
好近機場，但係文迪話上次Miss GPS帶錯路，嘥咗好多時間，
所以我地都係一早起身食早餐，點鬼知又鬼死咁順利喎！
掛住Shopping都唔記得影張到此一遊呀！但係又無乜野買到喎，
Minlge諗住幫佢ｄFriends買好多野，點知一樣都搵唔到，
佢就買咗一對波鞋比自己，又買咗一個銀包比佢老豆！
係Food Court食埋Lunch先至去還車，臨別秋波，叫個海鮮丼啦，
點鬼知超難食，仲要等到Mingle差不多食完碗烏冬我先至有得食，激死！
跟住見到文迪佢先至話我聽呢度ｄ咖喱好味，更加激死！
佢話計咗數，每人仲有￥5000淨，食飽拿拿淋睇吓仲有無野買到先，
2:30pm就要去還車，Mingle比人捉住做問卷調查，還定有時間，就幫吓人啦，
內容係問吓我地對係日本租車方唔方便，有ｄ乜野要改善之類，
好人有好報喎，做完訪問送咗我地一包白朱古力米通呀！
去到札幌千歲機，好多人呀，有幾個旅行團都係今日返港，
好彩咁早去Check-in，唔係排隊都有排排呀！
Check完in仲有時間，又係Shopping啦，唔係有乜好做！
係小樽食唔到布丁，見到機場有得買，就買嚟試吓啦，
我就覺得麻麻地，點解有咁多人好好味呀？
16:40先可以登機
等到Mingle呆呆地
到喇到喇，我架CX581到喇
Mingle嘅高纖餐
8點半終於返到香港機場啦，點知有個神秘人嚟接我地機，佢係邊個？
咪就係「鸚鵡」囉！
落機果陣就1號，已經聽到有人講會掛8號，等攞行李果陣就改咗3號喇，
點解我件行李仲未出現呀？
最後都要成12點先返到屋企！
北海道賞花美食自駕遊2008@ Day 8 找戀人
跟兩次旅行團到北海道，都無去過白之戀人公園，今之一定要文迪帶我去一趟。
估唔到經過2007年食品過期事件都無影響到入場人次，不愧為朱古力的大哥大！
這個花園不算太大，但設計精緻美麗，每小時還有音樂木偶表演！
我地無去到試甜品Buffet，只係買咗兩件糕餅試試，又真係好好味喎！
在小樽八角屋遇到香港人夫婦介紹我們到札幌啤酒博物館，
我們也順道參觀，還品嚐了啤酒！我們試了兩款味道，
還有餅乾及芝士附送，對我來講，Classic的比較易入口！
（因為我唔係唔鍾意飲酒呀！）
Shopping時間到喇，我們先到ARIO，這個商場超大，
只預留一小時Shopping Time原來係唔夠呀！
再到Sapporo Factory買過，Shopping限時限刻實在不暢快，所以決定與文迪分手，
我與Mingle不再跟車了，這樣文迪就發生了小意外，
都係時候醫醫肚，搵到間韓國燒烤店，不過我地無食燒烤！
Mingle要咗吉列蝦蛋飯
我就要咗牛肉石頭飯 ，味道都唔錯，不過碗蛋花湯就．．．．
食飽睇吓仲有乜好行，原來這個場唔係好啱我地行，決定走人，
去停車場睇吓文迪走咗未先，噢！咁快走咗呀！
為有自己去ESTA，睇完地圖，就在札幌駅，唔係好遠，
都係一個地鐵站，決定行過去，問咗兩個路人，終於找到ESTA，
先到¥300店，搵吓有冇啱心水家品，點知原來間舖超細，無收獲！
再到拉麵共和國參觀，不過就食唔落麵，齋睇！繼續Shopping，行到腳軟！
本來今晚預咗到狸小路食Shabu Shabu放題，跟住就去碌Ling，
後來去到超市，就改變主意，不如自己買野係酒店房間Shabu Shabu啦，
係超市行咗一round，最終揀咗煎餃子、特級和牛、普通肥牛、生菜、海蝦，
跟住就搭地鐵到薄野駅，先到狸小路買埋手信，
就返酒店準備開餐，太攰喇，所以無去到碌Ling。
煎餃子、特級和牛、普通肥牛、生菜、海蝦
普通肥牛都唔弱呀！
海蝦都好甜！
睇吓Mingle食得咁開心就知好味啦！
訂閱：
文章 (Atom)