北海道賞花美食自駕遊2008@ Day 6期待八角魚

2008年8月18日（再續）

 

 

在橫丁內找到八角屋，見到靚仔主人，拿拿淋問佢有冇八角魚食，

他指指冰櫃，我有點失望，因為我以為是活生生的！

 

 

在一番街見到屋台村就係我地目的地!

 

好容易就找到八角屋，這裡貼了很多相，找找有冇熟面口先！

有呀！又係“和味無窮”

 

一支咁細嘅小樽啤酒￥300 ，三個人飲，好似孤寒咗ｄ喎！

Mingle，條魚死都比你玩番生喇！

 

八角魚刺身連炸魚皮￥750

 

鹽燒八角魚￥750& 海螺刺身￥880

 

海螺最好味，炸魚皮好過鹽燒，鹽燒又好過刺身，原來我地期待的八角魚唔係咁好食啫，

點解【和味無窮】極力推介呀？唔通我地又唔啱時候？

在等食其間，有兩位香港人拿著與我們同一本的旅遊書到這裡，見到自己人，

緊係會寒暄兩句啦，我們極力推介海螺刺身，超好味！

結賬時，我們說要Discount，靚仔居然扮唔明，我為有用紙寫上『割引10%』，

靚仔繼續扮唔明，只做手勢可影相，我們為有叫埋老闆娘一起拍過照啦！

 

文迪兩公婆話要再去食《和樂》，話頭先食唔夠，

我與Mingle就話想搵搵其他食肆，大家分道揚鑣，約好時間回酒店食蜜瓜。

 

我與Mingle周圍逛逛，附近多數是關門的，最後終找到一間居酒屋，

推門進入，店內有兩位男士，老闆娘好愕然，說了一堆日文，

我地緊係好明啦

，Mingle用身體語言表示搵野食，佢又講一堆日文，

後來明白，原來佢地就嚟收舖（其實都唔係好夜呀，九點令鐘之麻），

所以無乜野好食，只有刺身及刺身定食，我們只叫了刺身及生啤。

老闆娘用簡單的英語＋日文＋身體語言問我地去過邊度，

我即刻拿出旅遊書，指指點點，她看到介紹美英富良野時，

即做了一個交叉的手勢，表示已過時，

看到旭川動物園就

，表示一定要去！

 

 

點解次次叫刺生食都係蝦、三文魚&魷魚￥1580生啤 ￥200

回酒店等文迪兩公婆回來食

函館老闆無介紹錯，清甜，爽口，真係後悔無帶一個返香港呀！

 

好過噚晚果間好多呀！平靚正！