美食博覽大豐收

2009年8月15日星期六

好幾年無去過美食博覽, 今年文迪挑起我條根, 先約佢兩公婆&芳芳去瑞興中心果間鴻星食茶, 再過對面會展迫迫迫!

今年分咗幾個展館 - 美食博覽(展覽廳1及3E)、香港國際茶展(展覽廳3B-C)、國際現代化中醫藥及健康產品展覽會暨會議(展覽廳1A)、香港貿發局香港潮流精品展(展覽廳3F-G)

我地先去香港貿發局香港潮流精品展(展覽廳3F-G), 相信呢度會無咁迫! 

 

BB涼鞋$60一對, $100兩對, 啱晒康荍著, 買!

趣智小文具$5一件, Cute, 柏緯一定鐘意, 買!

磨沙沖涼手套$10一隻至啱我呢d粗皮膚洗, 買!

行完潮流精品展(展覽廳3F-G), 就過隔離香港國際茶展(展覽廳3B-C), 無乜野茶咁使, 乜都買唔到, 跟落一樓國際現代化中醫藥及健康產品展覽會暨會議(展覽廳1A), 唔夠時間, 所以直去美食博覽(展覽廳1及3E)

明列子$30一包, 兩包$50, 加水攪暈就好似西米咁樣, 不過就多咗粒黑色物體,
脆脆地好得意, 加味就可以食, 隔離C9又想要, 平$5, 買!

正宗度小月古早味肉燥$50一罐, $90兩罐, 聽聞好好食, 同文迪一人一罐, 買!

黑橋牌牛肉乾$40一包, $100三包, 文迪要咗兩包, 抵呀, 買!

出前一丁米粉$50一套, 為咗個環保袋, 買!

鴻星脆脆銀魚$50六包, 臨走都係唔抵得, 買!

鴻星北海道毛蟹, 自從北海道食過之後就愛上牠, 舊年優質堂八折後都要$400,
呢度$140一隻, $250兩隻, 6點後$200兩隻, 未到6點已經減價,
Size都係細少少, 買!

賤物鬥窮人, 咁就使咗幾百蚊!

 

美食博覽
2009年8月13-17日
香港會議展覽中心
入場費$25