中山一天遊

2010年10月10日

今日我地大大細細十個人參加咗星晨旅遊ga中山【蟲草大閘蟹花雀宴】1天推廣團, $48大小同價+$50小費

《暢遊：四季果園(送木瓜)、裕安人家(包遊船)、西子園、水雲嶺、蒙古村》


邊個話今日係好日, 十全十美真係好難呀~~
晨早起床已經見到個天灰灰地喇~~

7:45am就要係羅湖口岸入境大堂出口集合呀~~
今次未上次去東莞果次咁多人, 可能今日早d啦~~
衰婆Circle兩母子+Bo Bo三條友仔遲大到呀~~
足足遲咗半粒鐘, 比同團班師奶炸晒型呀~~

搭咗差不多兩粒鐘車程就到咗嶺南水鄉裕安人ga四季果園
今期係木瓜任食, 呢個木瓜確唔錯, 又甜又多汁喎~~

食完木瓜就帶我地去坐船遊覽景河, 因為落雨, 大家都要好小心落船,
船頭阿叔話落雨條河先至咁污濁, 平時會有人係度游水捉魚架~~
船尾阿姐就一路撐一路唱山歌, 有d歌詞聽得唔係幾明, 不
過大概都係話歡迎我地呢度遊覽, 同埋介紹河邊風景,
有團友話係客家山歌喎~~

遊完船河, 就每人送一個木瓜, 大中細任你揀,
不過全部都有報紙包實, 唔準拆開嚟睇架~~
我揀咗個細, 唔想攞咁重呀~~ 返到屋企叫老豆媽子食,
味道無現場果d咁好食, 應該係唔同品種囉~~

跟住就去蒙古村, 我地以為嚟呢度係睇牛羊, 點知原來係Sell野~~

敖包山~~
城市人約會很方便，但在茫茫草原上，除了草、四散的牛羊馬群及蒙古包外，就只有一個個敖包山。蒙古人以此作草原上防止迷路的地標、男女相會點或祭祀地方，敖包山也是人與神溝通的發訊站，蒙古人許願、祭天都以此為媒，就像他們的時代廣場。


用碎石堆成的敖包山，又稱腦包或鄂博，在蒙語裏就是「堆子」的意思。以白石最少疊成三層的敖包，一般都建在草原上凸起的地方，頂層插上滿滿的柳條，寫着梵文經幡的五彩旗。

落車影得幾張相就要我地入蒙古包聽當地人介紹佢地d產品

先來一個迎賓儀式, 蒙古人表演唱歌, 還送上哈達給我們其中一位


跟住仲請我地飲馬奶, 呢個馬奶鹹鹹地有少少酥味,
盛載的杯子好特別, 外邊是不會辣手的~~

RMB$10有3串燒羊肉, 味道不錯, 只吃了一串真的不夠喉囉~~

每人買了3樽RMB$100牛初乳片保保骨啦~~

買完野, 又到食飯時間喇~~
東湖漁村

【蟲草大閘蟹花雀宴】
蟲草滋補湯~~
查實係蟲草花豬骨湯, 不過都幾好飲~~
風味客家鹹雞~~
d人成日話上大陸一定要食雞, 因為有雞味喎, 呢一隻又唔覺有雞味喎~~
五彩醬爆東山羊~~
我地以為係牛肉, 超好味~~
香燜滋補水鴨,
鴨有點UN, 味道不錯~~

肉鬆煸翡翠~~ 豆超甜, 正~~
椒鹽金秋花雀~~ 都唔知食梗乜~~
豉香陳皮西江魚~~ 鮮甜~~
飄香香煎琵琶翅~~ 原來係煎蛋角~~
神灣菠蘿包~~ 都唔係菠蘿餡~~

當紅石岐乳鴒~~
非常入味, 唔係咸果隻, 如果熱辣辣一定更好食~~
金秋原隻大閘蟹~~
Mingle的大閘蟹估唔到細細隻都咁多膏喎~~
碧綠田園疏~~細細個先至食過呢d潺菜
時令水果~~清甜西瓜

康荍超搞笑, 見Mingle食鴿頭, 佢又話要食喎~~

食完飯, 雨繼續落, 越落越大呀~~
跟住去西子園, 呢度係澳雪蘆薈產品銷售中心
呢度d產品一d都唔平, 120g牙膏都要RMB$20
所以銷情麻麻囉~~

RMB$20一碗蘆薈雪耳燉川貝糖水~~
只得兩三粒蘆薈, 仲話係跟香港老x家配方,
冇甜味, A貨即是A貨~~

最後一站水雲嶺~~
等咗幾分鐘車先有位雲南姑娘上車, 佢好鬼搞笑, 佢話自己係雲南人,
所以唔係幾識白話, 都係嚟到呢度, 左鄰右里教識佢客家話,
佢話人就叫一隻隻, 狗就一條條, 雞就一個個, 都唔知係咪整鬼我地,
笑到大家死死吓, 到介紹茶果陣, 佢講嘢真是抵死又風趣, I like it ~

呢位姐姐講到口水乾, 佢都知道叫香港人買茶葉真係好鬼難,
佢就解釋佢地買咗d茶葉扣除開支就係將d錢捐去雲南比d娃娃(小朋友)讀書,
如果買滿RMB$300仲會有證書一張, 可以同雲南娃娃通訊呀~~
茶葉我就唔買喇, 為咗做善事, 所以用RMB$20買咗一盒水蜜桃乾~~

百零蚊玩一日, 淨係食個餐都抵啦~~