自家煮@蒜頭浸米醋

2010年4月2日

Body Check之後, 各方好友知道我有三高(膽固醇、三酸甘油脂、尿酸)之後, 大家就介紹不同方法比我, 要我把三高踢走, 同事N就給我一樽蒜頭浸米醋, 同事N話係天然美容專家李韡玲介紹的, 好像能醫百病似的, 只要在搜尋器上打蒜頭浸米醋就有好多文章說這個好處呀! 我飲了兩星期, 只在早餐後飲, 感覺良好呀! 人也覺得輕鬆了, 都唔知係咪心理作用, 所以就開始自己浸喇! 實行早晚繼續飲!

材料 :
四百七十三亳升的日本米醋一瓶, 蒜頭粒一斤去衣 (一斤蒜頭大概有3條, 一條有3粒)。

炮製的方法很簡單:
把米醋分裝兩瓶 (每瓶二百三十六點五亳升), 把蒜頭粒平均的分別放入兩瓶醋內, 封篕, 放在陰涼的地方, 浸四十日後才開始飲用。

服用方法:
每次一大茶匙, 倒入杯中, 用溫水或涼水稀釋飲服, 如怕味太濃, 亦可加入其他飲料, 我最鍾意加入湯水中, 早餐及晚餐後各一次

溫馨提示:
服用後, 會有口嗅呀~~ 記得食口香糖或飲杯濃茶呀~~ 

 

同事N話一定要買日本米醋, 佢係SOGO買$30-$40,

我就專登去到屯門吉之島, 點知無得買喎,

後來見到這樽$19.9的純米酢, 我估是一樣吧!

蒜頭漲價很厲害, 以前$5就有三條, 每條有三粒, 今天需要$5一條呀!

 

兩樽醋, 做了四樽,

自己一樽, 一樽大細妹, 一樽細細妹, 一樽Mingle,

有好野梗係要分甘同味啦!

 

第三天就出現藍色狀況, 這是正常現象呀!

 

藍色越來越多了

一星期後開始變綠色

兩星期後更深色

終於到了20日喇, 還有少少綠色,

問過同事N是沒有問題的, 所以我開始飲喇, 連蒜頭也吃埋呀!

醋有點酸, 蒜頭有點辣, 後來上網再查資料, 原來浸得越耐才會變甜呀~~

 

18/4去大埔吉之島發現這樽$26.9的米酢,

就是同事N購買的日本醋呀, 我亦買了一樽浸我的第二樽蒜頭米醋喇!

第二樽醋在第二天已經出現藍色呀!

呢樽浸出來的味道沒有什麼特別囉~~

 

後來有同事告訴我, 蒜頭不新鮮, 所以20日後還是綠色,

若是新鮮的, 在第10日後, 綠色是會漸漸退卻的, 呈現金黃色才對呀~~