燒雞翼！我鍾意食！

２００９年２月２７日星期五

好耐無去BBQ喇！講咗幾個月先至約到人去燒野食，開心死啦！

燒烤地點唔係郊野公園，而係芳芳家天台，方便嘛！

去得芳芳家，緊係唔少得打麻雀啦！

SaSa、文迪、Coey妹妹&嘩估都請咗半日假，因為芳芳話帶我地去珍寶海鮮坊飲茶，我咁大個女都係第二次去呀！

先去到鴨利洲Join埋芳芳同佢個大仔阿龍，就坐BuBu仔到珍寶海鮮坊喇！

今日唔知做乜鬼，係樓下等咗成半粒鐘先有車，急死人咩！

芳芳介紹我地食最正墨西哥义燒包，果然一流！

仲有Coey妹妹至愛鳳爪排骨飯啦！

食飽飽就坐返船返芳芳家喇，好奇怪，點解唔係坐BuBu仔，坐大船喎！

原來芳芳話同我地遊吓船河先喎，隻大船係免費接駁香港仔至珍寶海鮮坊專船，去到香港仔果邊就可以轉乘BuBu仔過番去罵利洲，每位個八。

過番鴨利洲，芳芳話要買今晚燒烤嘅海鮮，我至鬼真就係行濕泣泣街市，所以就跟阿龍上樓先，SaSa聽到就即刻話要上去打麻雀先，就係咁，我、SaSa、文迪&嘩估就跟咗阿龍上樓先，留底Coey妹妹陪芳芳去買野喇！

上到樓，芳芳老公歌皇睇緊戲，佢話一陣有野做要出街，仲話今晚返嚟同我地唱K，試吓佢部靚靚卡啦OK喎！

都未打完一圈，芳芳&Coey妹妹就返到嚟喇，芳芳搞掂ｄ鱔就落場打麻雀，

文迪這個副手為有讓位啦，轉行同阿龍打機

Coey妹妹對打機無乜興趣，只係想唱K，咁就要等歌皇返嚟先得喇！

打咗八圈，贏咗百零蚊！

開始BBQ，燒雞翼！我鍾意食！

芳芳今次好似咸咗d喎！係唔係有心事呀？

 

Coey妹妹無聊影夜景，點知芳芳話自己都唔知原來屋企望出去係咁靚，我地緊係笑佢啦，淨係識望住果１４４隻，點會留意其他事呀！

十點半喇，正準備回家，Coey妹妹終於等到歌皇返家喇，由於歌皇大部份都係老歌，Coey妹妹好難先搵到一首飲歌－－F4－－流星花園主題曲！

歌皇亦唔執輸，唱咗首黃品源－－你怎麼捨得我難過

一係唔唱，比歌皇唱就唱唔停，好可惜太夜喇，我係灰姑娘嘛！下次早ｄ，陪你唱個夠！