喜怒哀樂的一天

２００９年２月１０日星期二

喜：今日係老豆&柏晞西曆生日，又會咁啱同公公同月同日喎！祝生日快樂！身體健康！

怒：最討厭幫果ｄ同事做野，仲要去到會展咁鬼麻煩，時間又唔拖唔水，想唔返公司都唔得！

哀：幫佢地做野不特止，最慘係佢地頒獎比ｄ無良顧主，搞到百幾個記者到場戒備（往年得十個八個），又有人嚟抗議，又有人嚟遞請願信，容乜易殺錯良民呀！

樂：好彩！NatNat約我地去稻香打邊爐，一個病都要去食，一個放假都專登過海嚟食，一個好耐都無同我地去Wet都出埋嚟，咁就開心晒啦！

發現咗SaSa有"退休前坤人綜合症"！本來佢都要去會展做野，點知返工途中好唔C服，好想嘔又嘔唔出，又頭暈，又有兩聲咳，終於無去到，就咁返咗公司喇，叫佢返屋企又唔返，仲話睇完醫生就去打邊爐，你話係唔係病發喇！

文迪澄願放年假都唔想過會展做野，但叫佢去打邊爐就話好！好！好！

諗諗吓，上次阿Kit過開嚟，話有節目記得搵埋佢，就MSN佢睇吓佢得唔得閒先，佢就話放工即到，仲問Coey妹妹會唔會嚟，好可惜Coey妹妹要返學，唔係就更加高興啦！

稻香水準不嬲都好正，我地都係食例牌野，不過今次叫咗黃色粒粒（南瓜包心湯丸）嚟試，聽個名就好好味，食落就口都歪埋，跟住嚟個海鮮拼盤又有幾粒，搞到我地成碟都未食到呀！