北上尋歡．．．樂@覓食(中信城市廣場)

2008年11月28日星期五

 

今日目的地就係大漁鐵板燒喇！

 

 

 係"金光華"行咗一陣，都係發覺ｄ野唔係幾啱睇，不如早ｄ去中信城市廣場，

起碼有吉之島，應該會好ｄ掛！（原來深圳物價仲貴過香港呀！）

再搭地鐵到科學館站D出口途經"中信地鐵商城"，呢度都有ｄ野啱睇，

仲發現有間"芳芳"店鋪，芳芳開舖都唔搵我地班姊妹去剪綵，真係有ｄ嬲！

 

穿過"中信地鐵商城"，見到吉之島就係"中信城市廣場"喇！

 

未開檔先搞搞震！

"飲食男女"內有廣告，帶埋張Coupon就有澳洲和牛壽司卷一客，

和牛包住舊飯，上邊就有ｄ生洋蔥，和牛入口即溶，

生洋蔥又唔辛口，又真係幾好味喎！

未有燒烤食品，更係要食吓刺身、天婦羅、壽司、爐端燒等啦！

羊扒好味無羶味，扇貝甜美，不過細粒咗ｄ！

虎蝦鮮甜又爽口，Order咗兩次呀！

洋蔥爆牛肉粒好正！強哥再Order，食埋我地果份都無問題呀！

魚夠滑流！食咗兩大舊，正！

蔥爆牛舌薄如紙，香煎生蠔夠肥美！炒蒜芯就老咗ｄ！

蟹子鵝肝蒸蛋好鮮好滑，不過就食唔到鵝肝囉！

呢ｄ乜嚟呀？就係煎香蕉，原來好好味呀，我食咗三件呀！

 

最後仲送埋"哈根大師"做甜品，不過就快過期呀！

 

 

最後同師父仔影張大合照！

 

 

食後感：其實仲食咗好多野，不過掛住食，所以唔記得影相。基本上食物質素係OK，環境乾淨，如果唔係用太多油烹調，咁就更加一流喇！佢會用好多生油加牛油處理！

 

廁所編：臨走前，緊係要去一去廁所啦，好彩廁所都算乾淨，仲有嬸嬸清潔，但係就發生一件另我對大陸的習慣仲係不能適應的事！我去完小小，開門右腳踏出，左腳還未踏出門，有個８－９歲女孩即火速進入，就算係急都要ｅｅ出咗嚟先得嘛，即刻除褲就開始發出"唔唔"聲，開都唔關就進行

便便喇！點解？點解？以前就話無書讀，無文化，現在的深圳都算大城市，小朋友無理由會無書讀呀，這個商埸消費又高，點解仲要有咁嘅事發生呀？？？

 

 

人民幣150放題，真的超值！

深圳中信城市廣場美食大世界負一樓 0755-25941700

深圳羅湖區人民南路佳寧娜廣場一樓 0755-61317955

深圳福田區福民路福民佳園2樓 0755-88307658

蛇口太子路海上世界酒吧街1-4號 0755-26695782

 

準備回港時，發現這處，廣場設有這服務又幾好喎，不過唔知另收錢喎！？