北海道賞花美食自駕遊2008@ Day 5 金森赤レンガ倉庫 & 函館山

2008年8月17日星期日（再再續）

 

 

下一站到隔離的金森赤レンガ倉庫，我們先到明治內的百年郵局寄張Post-card留念。

 

 

Mingle寫ｄ乜野比周生呀？XO都要寄一封！

 

 

百年郵筒及郵箱

這裡是一群的Shopping Mall百貨飲食應有盡有，而且還有以船形的無料足湯，貼心服務啊！

 

 

點解會有咁多啤酒桶？函館水渠蓋有五陵郭標誌！

 

船形的無料足湯，幾多人，唔知乾唔乾淨呢？

 

行到咁上吓，我地兩個為食鬼緊係唔放過啦！

鮮製蝦餅及魷魚餅，麻麻地啦！

Shopping完，都係時候到函館Hotel KIKUYA (菊屋) check-in喇，休息一陣再上函館山睇世界三大夜景之一！

（世界三大夜景 - 香港維多利亞港、日本北海道函館全市、義大利那不勒斯灣）有興趣可以Click入去睇睇！

 

 

噚晚住咗間超大房間，今日就要住間超細，連門口都矮過人！ 

 

酒店送嘅自製麵包，本來係細路哥先有得食，不過文迪有Coupon，大人都有得食囉！

係時候上山霸頭位睇日落及夜景，因為我同Mingle上次都有上過去，吹風吹到無晒知覺

，所以叫文迪記得帶埋件風褸，個傻婆仲問我使唔使呀，你諗你喇

，我盡咗義務提咗你，到時你就知味道！

 

 

 

 

 

函館由日落到夜景17/8/2008

 

欣賞完世界三大夜景之一，又係時候醫醫肚，文迪提議去函館ひかりの屋台 大門横丁龍鳳食最出名嘅黃金鹽味拉麵

，立即通知Miss GPS出發，Miss GPS又發脾四喇

，又唔知帶咗我地去邊，好似入咗民居咁，但係又黑蚊蚊又無人喎

，搞到我地亂晒龍，係真比佢激鬼死

，為有再次輸入資料返回函館駅附近再搵過，幾經辛苦先去到！

 

黑嘛嘛，好似無乜人咁！

 

淥麵肥仔，每人一碗麵緊係唔夠食，加多客煎餃子！ 

 

我地三個食黃金鹽味拉麵

，Mingle就食味噌辣味拉麵！

 

食飽飽，返酒店，今晚間酒店真係麻麻地，張床又硬，冷氣又唔夠

，仲要比張羽絨被你用，最慘就係．．．．．

Mingle：卡旻我沖涼先？

卡旻：好呀！

兩分鐘左右．．．

Mingle：卡旻，ｄ熱水好慢呀，有排沖呀！

卡旻：唔緊要啦，咁都無辦法，你慢慢沖啦！

十分鐘之後．．．

Mingle：終於沖完喇！你小心ｄ呀！

卡旻：沖個涼都咁多野講！到我沖喇！

兩分鐘左右．．．大叫

卡旻：Mingle，點解無熱水呀？我洗頭未過水呀，點算呀？

Mingle：頭先同你講咗啦！

卡旻：你話慢，唔係無喎！

Mingle：你扭返去凍水會好ｄ！

卡旻：凍水好猛呀，不過去到熱水就無熱水出喎！

Mingle：你等一陣就會有喇！

卡旻：作死咩，文迪咁好介紹呀？

沖唔到個靚涼，張床又咁鬼硬，聽朝都唔知會唔會腰酸背痛呀！