2008年8月13日星期三 Day 1
約了Mingle搭早上七時左右到達上水火車站的A43機場巴士,
因為Mingle早了出門口等車,而車子在六時五十五分便到達了上水火車站,
還是滿坐的。我剛好送車尾啊!
我不能與她同坐一部車了,只好搭下班七時十五分到達的班次了,
我的班次並不人多,還有位置給我選擇呀!車程大概四十五分,
正是眠一眠的時候啊
!剛閉上眼睛,聞到一陣怪味,
原來係隔離有位“賓賓”呀!還開始傾電話,她不停的講呀講、
講呀講,
總共打了4個Call,成程車都在咕嚕咕嚕,搞到我都瞓唔著,
到站還問我 "This is the terminal?" 給她氣死!
XO與我們一起吃早餐
.
吃罷早餐就到31號閘口等候登機,航機準時起程,空姐先給我們花生小吃,隨後就有一位空姐來確定趙小姐是否選了高纖午餐(Mingle pet pet痕,話要試吓其他餐單,所以她早兩日就要打電話去CX,要求高纖餐),不到一小時,她的高纖午餐送到了,我們的早餐還未消化呀!點解咁早有得食呀,文迪仲話無咁早有得食,預算失敗了。高纖午餐都相當豐富,有咖喱魚+糙米飯、煙三文魚沙律、布丁、餐包+乾果小吃。我的正常餐也不弱,雞飯、冷麵、甜糕點+餐包,實在太飽了,我只吃了冷麵和一舊雞肉,真的吃不下去! 嘥晒呀,因為我都幾鐘意食飛機餐!
佢就係我地要坐果班機喇!
高纖餐
正常餐
咁長機程,緊係要睇番套戲啦!
到達千歲機場了,辦理入境手續的程序與我上次(2006)到大阪有一點不同,先把Passport交給職員核對資料,再打手指模(食指)及拍照才能過關,不過就好似快咗喎!
文迪兩公婆話先要到郵便局寄明信片回港,Mingle也不執舒呀!
Mingle真係為食,連張Post Card都要係壽司!
登記國際車牌及付款後,我們就檢查車子,因為還車時有乜損傷就要賠錢呀!
文迪,人家等緊你比個國際車牌佢辦手續呀!
車子比想像中細,好彩就唔係好殘!
佢就係我地導航小姐,點解係小姐,因為係女聲囉!
學好點用GPS後就可以出發喇!
途經道の駅輪厚休息站,緊係要抖抖去個
卡旻e:文迪快d過嚟睇吓正唔正?好似好平喎,¥780呀!
文迪:又唔係夕張出品,係會平d!
卡旻e:可以試吓其他出品,咁先有得比較嘛!
文迪:咁又係喎!
卡旻e:不如買一個今晚做宵夜囉!
文迪:好呀!
卡旻e:兩條友仔搞乜鬼,泊車泊咁鬼死耐呀?
文迪:係囉!
卡旻e: 唔係第一晚兩條友就自己去玩呀?
文迪:痴線咩!
卡旻e: 不如我地去check-in先?
文迪:等埋我老公先啦!
卡旻e: 我地唔可以check先咩?
文迪:我老公有野要問呀!
再過兩分鐘右左,佢地終於返來喇,快d去check-in先!
晚餐準備到“えびかに合戦”,這是90分鐘的任點任食,主打食
,差不多每個香港人都要必試的食店,店內還有會說普通話的侍應。我們沒有預約,侍應說要八時半才有位,我們先到狸小路逛街,因為就在隔離街,但是八時左右,他們都開始關門了,所以就回餐廳看看是否有座位。
我們本想要兩個A餐及兩個B餐,可以同時吃到三款
餐後狀況
食飽飽,回酒店休息前,先到便利店入一點水及小吃,準備明天的行程所需,文迪兩公婆一定要到Seic mart便利店,說是他們的至愛,而且比其他的便利店平一點,沒錯,2L的烏龍茶在這裡真的比7-11, Lawson平¥20-¥30。
我地都唔執舒,當然都會入d貸,最終果包文迪話好好味嘅蝦餅帶咗返香港!
仲有這個在休息站買嘅惠庭出產
呢間就係我同 Mingle住果間,好邪呀.......714,好彩唔係尾房呀!
沒有留言:
張貼留言