北上覓食(品村料理 D21西餐)+Shopping

 2010年7月25日

今早悶悶地問Mingle有冇節目, 冇就北上覓食+Shopping,
真係財散人安樂! 哈!哈!哈!

行完羅湖商業城, 就坐地鐵去大劇院站, 到"品村料理 D21西餐"食放題~~
記得舊年勞動節同Resena去食埋西餐都係168人仔,
今次只係食日本料理就要同一價錢喇~~
質素好似無上一次咁好添~~

今年d人仔匯率仲貴過上年, 北上消費越來越貴呀~~~

原來我地3條友食咗咁鬼多野呀~~

復活節喪行一天遊@Spaghetti 360

2010年4月5日

趁復活節假期加上又唔揀今日去拜山, 我地幾兄弟姊妹決定搞個喪行一天遊! 點知兩位妹夫都要返工, 難得約好, 一於照原定計劃出發~~

去到山頂, 我地揀咗呢間Spaghetti 360食Lunch~~

至正都係呢個海鮮墨魚汁石頭鍋飯

記得舊年生日, 到沙田果間食好唔掂, 份量又少, 服務又差, 山頂確係唔同d~~

 

Spaghetti 360

山頂廣場2樓20號舖

2849 7901

雲泉仙館+摘士多啤梨

2010年3月28日

每年新年之後都會搵日約埋伯父伯娘、姑姐姑丈同我地一家人去雲泉仙館食齋, 佢地話呢度d白粥又綿又滑喎! 每次都起碼食3碗呀~~

今年仲過埋隔離士多啤梨場, 順道遊一遊!

 

除咗白粥, 炸春卷也是必食~~

左上: 翡翠排骨, 似魚肉多d 右上: 蟹柳扒豆苗, 好有蟹柳味呀~~

左下: 椒鹽花枝片, 好有質感, 真係好似食梗墨魚呀~~

右下: 粟米紅燒豆腐, 無乜特別囉~~

左上: 荔芋卷又係我至愛 右上: 椒鹽生蠔, 其實係茄子, 炸得好~~

左下: 豉椒田螺, 仿真度99% 右下: 五柳石斑, 我都係鐘意荔芋卷多d~~

食飽飽, 一定要遊園啦~~ TVB好多古裝劇都係呢度拍架~~ 今日就撞唔到明星喇~~ 記得有一年, 撞正陳豪同蔡少芬係度拍戲, 蔡少芬仲要比人推落魚池呀~~ 果個魚池, 睇到都驚啦, 真係替蔡少芬慘呀~~

跟住老人家就返家打牌, 細佬一家就要返外家,

我同兩個細妹兩家人就過咗隔離【阿方有機士多啤梨自摘園】

可能唔係幾當造, 士多啤梨唔係多, 一有發現, 小朋友就超高興呀~~

唔好睇佢細細粒, 又紅又甜喎~~

減磅前的最後豐富海鮮餐

2010年3月8日

今日真係食得好豐富, 午餐就同老細去食Buffet, 夜晚就約咗主持人芳芳, Mandy & 強哥兩公婆, 手作仔Joyce, 芳芳乖仔阿康, 當然唔少得死肥Ken啦~~ 去食海鮮大餐呀~~

如果今日唔係醫生打電話嚟通知出咗報告, 我一定會食得更多更開心呀!

無辦法啦, 鬼叫自己為食又唔願去做運動, 終於都出現3高喇~~ 膽固醇高、尿酸高、三酸甘油脂高, 高高高, 想唔認真去減下磅都唔得喇~~ 唔係以後乜都無得食呀!

因為芳芳比較熟悉呢度, 鴨脷洲大街鴨脷洲市政大廈裡邊間栢記, 所以就將海鮮交比佢地喇~~

先來點小吃, 韮菜豬紅夠入味~~

沙薑鳳爪, 正正正~~~

蒜蓉粉絲蒸扇貝, 好大粒呀~~~

枇杷豆腐, 脆脆脆~~~

死肥Ken話一定要飲湯喎~~ 豆腐豬肝西洋菜魚湯, 好咸呀~~

蒸XX魚, 因為芳芳唔記得賣魚佬話呢條係乜魚, 好UN呀~~ 要用較剪先剪得開呀~~

果皮蒸大連鮑魚, 好林呀~~

康仔最鍾意食蒸水蛋, 食咗3碗飯呀~~

椒鹽大蝦, I like it~~ 無奈唔敢食太多, 食咗兩大隻~~

Joyce至愛薑蔥蠔, 唔使預我喇~~

飽到上心口, 死肥Ken仲話要食蠔油撈粗麵, 不過真係好好味~~

七個人食咗咁多野, 真係誇呀! 呢度咁多野連工包料都係食咗$1080, 超抵食呀~~

之後仲話要去大佳B食甜品, 好彩搬咗去第二度, 我驚自己獲利回吐呀~~~