東莞兩天遊 Part 2

係房間休息咗一陣, 又到晚餐時間, 今晚係酒店內餐廳食自助餐

呢個自助餐, 無想像中豐富, 不過d凍海鮮都唔差, 新鮮!!
雖然係五星級酒店, 但入住的不一定是五星級呀~~
當Resena攞三文魚刺身時, 比一名大陸人嚇親~~
因為人多, 主要的凍海鮮or刺身必定排長龍, 補貨又比較慢,
廚師準備放低一碟三文魚刺身時,
這個大陸男人即時說：「 成碟就比我得喇！」
Resena就係呢個時候嚇傻咗囉！！
雖然我地都唔係五星級, 但都唔會做出d咁嘅事啦~~

食飽就準備下一個節目, 小朋友就係去泳池游水喇, 大朋友就去足沐按摩,
因為我對足沐按摩都無興趣, 所以陪班細路去游水~~
游完水, 足沐按摩完, 就係過對面街"不夜天"食宵夜為Resena慶生日,
食飽就回酒店覺覺豬喇~~


~~第二天~~

昨晚食過自助晚餐, 都預咗自助早餐都唔會好多野食~~

呢個團主要在酒店活動, 所以12點先會離開酒店繼續行程
食飽早餐, 大人就返房再瞓繼續义電,
細路精力充沛, 當然會繼續玩啦~~
幸好房間夠大, 佢地點玩都得啦~~

第一站虎門公園

天氣實在太熱喇, 團友們都不願落車到公園行,
成團人決定去食午飯~~

午餐就係食安舖雞10餸一湯, 問你驚唔驚, 邊可能食得晒呀!!
搞到個經理問我地係唔係唔好食定唔啱食, 我地都唔係幾好意思囉~~

下一站威遠炮台, 乾晒呀, 熱死人咩~~~

位于虎門鎮的威遠
島，是鴉片戰爭古戰場遺址之一、虎門海口防務的主要陣地，也是我國保留得最完整、最有規模的古炮台之一。炮台雄偉壯觀，平面呈月牙形，全
長360米，高6.2米，寬7.6米，底層均用花崗岩壘砌，頂層用三合土夯築，非常堅固。全台有券頂暗炮位40個，沿台面上還有4個露天炮位。著名導演謝
晉拍攝的電影《鴉片戰爭》曾將威遠炮台作為實景拍攝地之一。

下一站海戰博物館, 以為有冷氣會舒服d啦,
點知導遊小姐話, 國內唔係用冷氣呀, 係用空調, 空氣調節咁解, 明唔明?
諗住都唔會差得去邊啦, 點知真係好唔掂, 幾百人係館入邊,
又熱又悶又汗味, 問你死未~~
仲要係入面係唔比影相囉~~

位于虎門海口威遠炮台附近，是一座專題性與遺址性相結合的博物館。占地面積20.4萬平方米，建築面積約1萬平方米，由陳列大樓、宣誓廣場、觀海長堤等組成建築紀念群體。《鴉片
戰爭海戰陳列》和《虎門海戰》半景畫是該館的基本陳列。海戰博物館是虎門炮台愛國主義教育基地的重要組成部分，也是全國三大禁毒教育基地之一。
《鴉片戰爭海戰》陳列和《虎門海戰》半景畫是該館的基本陳列，前者形象地表現了鴉片戰爭時期中英軍事力量的對比，及中國軍隊英勇抗擊英國侵略者的故事；後者以寫實的繪畫、逼真的地面塑形，與現代聲、光巧妙結合，生動地再現1841年2月26日虎門海戰的悲壯場面。

行完海戰博物館, 跟住就係返羅湖口岸喇, 兩天遊完滿結束!

呢個就係導遊小姐~謝平霞, OK la~~