東莞兩天遊 Part 1

2010年7月17日-18日

大概一個月前, 老友Resena一句話『生日唔想喺香港過』

我地就商量返大陸玩兩日, 最後揀咗參加《達美旅遊美食之旅》嘅
【東莞五星級龍泉國際大酒店、東莞展覽館、黃河時裝城、虎門公園、威遠炮台、海戰博物館兩天團】

團費: 成人HK$458 小童HK$358(9歲以下, 不佔床位)
小費: HK$50/Day
保險費: HK$50 (蘇黎世兩天中國保)

除咗我地兩個, 仲有我姪仔姪女, 佢兩個寶貝女, Circle & 佢囝囝, 出發前佢姐仔又話要去喎, 仲帶埋囝囝&姪女, 就係咁樣, 我地個party就有11人, 剛好坐一圍檯囉~

呢個團係羅湖口岸集合, 我地去到集合地點真係比美食之旅嚇一跳呀~~
98%都係佢地d團隊, 真係人講我都唔信, 今次親眼見識到佢地幾利害~~
上旅遊車途中, 仲有職員舉牌提示旅客"請注意的士", 真係夠貼心~~

車程話長唔長, 話短又唔係短, 兩隻馬騮第一時間就攞部NDS出嚟玩啦~~

因為有團友係深圳灣口岸上車, 所以到此一遊, 順道去過方便啦~~

第一站就係參觀東莞展覽館
東莞展覽館建築面積26397平方米，展覽面積10000平方米，是一座以展示東莞名

城風採為目標，運用宏大的場景，翔實的資料，藝術的構思，高科技的手段，生動形象地再現東莞發展歷程、發展成就和發展圖景，濃縮東莞過去、現在、未來的精華，集宣傳、教育、咨詢、娛樂功能于一體的現代化展覽場館。
展覽館正展出的大型展覽《歷史鴻篇 盛世華章──東莞文明發展大觀》包括歷史篇、經濟篇、城市篇、文化篇和獨立展區五部分。

呢個就係我老友Resena喇, 有幾老友? 識於微時囉~~

跟住就係食午飯時間喇, 今餐係食客家菜 - 農情農家菜
去到門口就見到個水牌, 好hard sell呀~~

8餸一湯+湯渣+五穀飯, 仲有豆花&西瓜, 想唔飽都唔得啦~~

下一站,黃河時裝城, 呢度多數都係做批發, 亦都有零售, 男女老幼, 衫褲鞋襪乜都有, 不過我地就買唔到野喇~~淨係係門口麥當努買咗兩杯雪糕梳打&一串唔知乜肉串燒, 不過浩倫話好好味喎~~

食飽飽行完街, 跟住梗係返酒店啦, 呢間酒店深係大堂已經好吸引呀~~

最諗唔到係, 竟然有兩個大魚缸係度, 仲要有幾隻大海龜呀~~

上到房間仲驚喜呀, Upgrade咗我地住套房, 一廳一房超豪呀~~
浩倫&芍曈：姑媽, 我地可唔可以住係呢度呀?
姑媽：梗係可以啦, 一晚咁多囉~~

今晚我地3個就係瞓呢張床呀~~