今日都係放假,約咗兩位細妹&佢地BB仲有細佬兩個化骨龍去Mega Box,見佢成日有電視廣告,又話有多啦A夢仲夏運動 Victory - 多啦A夢以各個鬼馬奧運選手造型亮相,好似好吸引,山長水遠都去八吓啦!
原來真係好鬼遠呀,轉車轉車再轉車先到目的地,如果自己去可能無咁辛苦,我地推兩架BB車由上水去到九龍塘,再由九龍塘再轉到去九龍灣,再由九龍灣再轉接駁巴士,終於去到,個商場又真係好鬼大同好鬼靚!
在九龍灣等緊接駁巴士
娟妹:做乜今日都咁多人呀?
婷But:乜咁多人唔使返工咩?
家姐:可能放暑假,所以d人好得閒,好似我地咁無聊去八吓囉!
娟妹:我去排隊先,柏緯、浩倫&阿妹跟我去。
在地面一層
柏緯:多啦A夢呀,我要我要!(沒有理會我們,自己就衝了過去)
芍曈:嘩!多啦A夢呀,好靚呀,姑媽同我影相!(拖著姑媽的手,走快兩步)
浩倫:我都要影!
再上二樓
芍曈:熊仔,好多,好靚呀!影呀!影呀!
柏緯:北京奧運呀,影呀!影呀!
再上五樓
芍曈:多啦A夢,影呀!影呀!
柏緯:多啦A夢呀,影呀!影呀!
浩倫:好多扭蛋呀!(話自己要界扭蛋的他,心思思又想扭)
姑媽:嘩!呢個好似新出喎!
浩倫:係呀,呢個新,我都無!
姑媽:你唔扭?
浩倫:我應承媽咪唔扭高達口喇,屋企好多呀!
姑媽:好呀!
浩倫:我去果邊睇吓!(忍不到了,己扭了兩個回來了,不過不是高達而已)
芍曈:長頸鹿呀,大笨象呀,我要影呀!我要影呀!
柏緯:長頸鹿呀,大笨象呀,影呀!影呀!
芍曈:福娃,影呀!影呀!
柏緯:北京奧運呀,影呀!影呀!(每次見到福娃,都說是北京奧運)
沒有留言:
張貼留言