北海道賞花美食自駕遊2008@等待、失望、GO!GO!GO！

2008年4月初，文迪話７月會與

再去北海道旅遊，聽到都興奮！因為舊年已與要好的同事們講好話將買假期的錢用作去日本之旅，即刻問文迪介唔介意帶埋我地去，她說沒所謂，我就叫她給我們Budget，看看是否夠錢實現此計劃。

文迪給我們的９天行程預算差不多把我的積蓄用光，心想我原本就是將買假的錢用作旅行，最多再慢慢儲使費吧！

卡旻ｅ：丹丹整親腳唔去得，陳太個女又就嚟生，SaSa & NatNat，你兩個係唔係去？

SaSa：嘩！乜要咁多錢，諗諗先啦！

NatNat：係啦，咁多錢，我無錢呀！諗吓先啦！

卡旻ｅ：未出Back-pay果陣又話出咗就一齊去旅行，依家又話要諗諗！

SaSa：諗諗先啦．．．

NatNat：諗諗先啦．．．

日子一日一日的過，某天我看到報章廣告某銀行申請VISA CARD可以免息分期貸款，就與兩人說不如申請就可以每個月比幾百就去到旅行啦，佢地都係話要諗諗先．．．

！就係咁樣，拖到４月尾，兩條友仔都係縮沙唔去！

無辦法啦，我為有叫文迪唔好預我地啦，叫佢兩公婆玩得開心ｄ啦！

今年無得去日本玩！

４月２６日上午電話嚮起了

文迪：

唔該卡旻？

卡旻ｅ：文迪乜野事呀？有乜幫到你？

文迪：我

問你係唔係真係好想去北海道？

卡旻ｅ：係呀，果兩隻野又唔肯去，唔通要我"痴"住你兩公婆

，我唔鍾意做電燈膽喎！

文迪：我有個fan都好想去，不如我搵佢陪你啦！

卡旻ｅ：吓！我唔係好習慣同ｄ我唔識人

喎！

文迪：唔怕啦，佢都係我去旅行識番嚟！

卡旻ｅ：你等我一陣，我試吓打比個fan，睇吓佢有冇興趣自駕遊先！

卡旻：

Mingle，我知你唔係好鍾意去北海道，不過今次我同事同佢

係自駕遊，有冇興趣呀？

Mingle：自己揸車又唔同喎，都想試吓！幾時去呀？

卡旻：７月份！放唔放到假呀？

Mingle：OK，無問題！

卡旻：咁我打比佢先，叫佢訂機位喇！

卡旻ｅ：

！文迪，我個fan話好呀！

文迪： 好野！我叫

打去國泰Book機票先！

文迪：

！卡旻ｅ，７月份無機位喇！

８月１６日你個fan得唔得呀？

卡旻ｅ：我要問吓佢先！

卡旻：

Mingle，７月份無晒機位，佢地話改８月１６日，你有冇問題呀？

Mingle：OK，無問題！

卡旻：咁我打比佢先，叫佢訂機位喇！

卡旻ｅ：

！文迪，我個fan話咁早請假應該無問題喎！

文迪： 好呀！我叫

再打電話去Confirm！

文迪：

！卡旻ｅ，又有問題呀！

卡旻ｅ：又乜事呀？

文迪： １６號有機去，但２４號無機返呀！１３號就有位，不過就要請多幾日假囉，有冇問題？

卡旻ｅ：我無呀，我都諗住放７日連續假啦，不過都要問一問我個fan嘛！

卡旻：

Mingle，８月１６日又話唔得喎，唔知乜野有得去無得返咁囉，改１３號你有冇問題呀？

Mingle：OK，無問題！

卡旻：咁我打比佢先，叫佢訂機位喇！

卡旻ｅ：

！文迪，我個fan無問題喎！

文迪： 好呀！我叫

再打電話去Confirm！

文迪：

！卡旻ｅ，訂咗位喇，過兩日就會去交錢，到時問你攞錢呀？

卡旻ｅ：

幾經波折，終於搵到人陪我去今次《北海道賞花美食自駕遊2008》

EGL J-Mark ＠ 北海道限定薯條

2008年8月28日

 

10時左右收到EGL J-Mark來電，早兩日訂了的北海道限定薯條有貨，叫我隨時去取貨，即刻MSN文迪，問佢今晚得唔得閒去取貨啦，因為佢老公返中班，會夜回家，她說沒問題，就今晚去取貨。

6點放工與文迪準備前往尖沙咀，叻叻話佢要到加連威老道睇鞋，所以就一齊乘隧巴出發喇！擇日不如撞日，今晚就一齊食埋晚餐啦！

 

紅磡隧道口落車上天橋．．．

卡旻：我都唔記得問佢地幾時收工添！

文迪：無咁早啦，起碼8點啦！

叻叻：中環就話早收，尖沙咀應該唔會咁早呀！

卡旻：佢地仲會有茶會開掛！

文迪：係囉，好多時都會有！

繼續向水車屋方向行．．．

叻叻：間野喺邊度呀？

卡旻：喺水車屋附近囉！

文迪：我去過呀，係喺水車屋附近呀！

叻叻：水車屋喺左手邊喎！

卡旻：我知水車屋係喺果邊，但係我唔知正確地址喎，文迪話知係邊嘛！所以無抄低地址呀，繼續搵吓望吓見唔見囉！

文迪：好似喺右手邊喎！

卡旻：咁過果邊搵啦！

叻叻：成條街都唔見喎？

卡旻：見到喇，就喺前面呀！原來其士大廈！

文迪：係呀，就係呢度喇！

叻叻：文迪，問吓管理員邊層啦！

文迪：一樓呀！

卡旻：唔好意思，請問想買野係唔係呢度？

EGL小姐：係13樓！

卡旻：唔該！

準備上13樓時，EGL小姐走出來看著手上的錶．．．

EGL小姐：上面好似收咗工，不過你地都可以上去睇睇先！

文迪：咁都得，點解唔幫我地打個電話上去問吓呀？

卡旻：算把啦，上去睇睇囉！

上到去黑媽媽，以為真係收咗工，好彩發現入面仲有燈喎！（真係環保！

）

入到去睇吓仲有冇其他野要買啦，比文迪發現有ｄ特別食品，又話想買來試吓，又嚴貴，所以叫我夾份買，見佢咁想食，就夾份啦，又要用多每人HK$40！

 

呢袋就係我地要買嘅北海道限定薯條，點解會多咗盒鹿兒島鮮蛋醬餅？

因為要買薯條就一定要搭單買埋佢囉！HK$130一套

 

呢兩樣就係文迪見到話想試吓果兩樣，

黑豚果包諗住係脆脆豬肉乾，點知原來係豬味蝦餅，

果包Wasabi芝麻魚條，諗住會好辣，點知又失望，甜味多過辣味囉！

 

跟住就同叻叻去搵妙麗鞋舖，

但係就買唔到鞋喇！跟住去搵地方食晚餐，

見到有間“金水壽司”

，點解金水開咗舖都唔叫我地去剪綵呀？最後揀咗厚福街間“椰林越南小館”，味道一般啦，

我地三個都好懷念公司附近果間“濱海”，不過執咗幾年喇！

現在好難搵到好味的越南菜館了！

 

 

 

食飽就各自回家，趕住返去睇「家好月圓」嘛！叻叻就行去碼頭搭船過海，

我就陪文迪去搵巴士站後就搭東鐵回家去！