釣魚樂@南丫島艇釣

2008年6月20日 天晴

  28-32度

 

人物：珞媽 - Kitty、館長 - 祥少、王子 - 威廉、館長細佬 - 阿年、王子朋友 - 阿Ken 、 卡旻 & 船家 - 添叔

 

早上8時如常帶芍曈回校上課，所以在屋苑的大門口等細佬車。

浩倫：「姑媽點解你今日著到咁樣返工呀？」

我心想

「與平日沒有多大分別，只是用了背囊就給他看穿了！」

姑媽：「係呀，今天約了朋友去釣魚呀。」

浩倫：「咁你要帶多ｄ魚回來呀！」

姑媽：「如果釣到的話就帶啦！」

 

 

 

8時20分乘港鐵由上水站到紅磡站再轉乘城巴107號，幸運的已有車到站， 大約9時30分到達香港仔海旁道近香港仔魚類批發市場，下車打電話給珞媽，她正在購買魚餌，我就在公園吃我的早餐 - 麵包一個。

 大約9時45分珞媽、王子&阿Ken都到達了，我看見王子&阿Ken的裝備給他們嚇了一跳

，如此的大陣象呀！？我們只是艇釣而已！

珞媽：「佢地有機會可能會上岸磯釣，所以準備定囉。」

卡旻：「原來上岸磯釣的裝備要這麼多東西。」

我心想

「王子&阿Ken兩個都咁鬼瘦，裝備都有他們的一半體重啦，兩個真的是釣魚發燒友呀！」

 落船後，我們先到榕樹灣接館長及其弟，再向南丫島沿岸出發。太陽伯伯可能好耐無出現，

所以今天他要晒命呀，青天白雲，我們也要做好防禦呀！太陽油、太陽帽、太陽眼鏡通通都要出動呀！

大約10時半大家都急不及待拋出魚絲，期待大魚上釣呀！等呀等、等呀等．．．

點解無魚咬呀

落了成個星期雨，太陽伯伯再次出現，擇了好日（珞媽話），又話休魚期（叻叻話），無奶油無魚咬呀

王子提議放誘餌，好！就試試吧！繼續等呀等、等呀等．．．兩小時了，仍然沒有動靜，我們決定轉轉位置，開船到另一處去，順便醫醫肚，當然都係食麵包啦。

在發電廠附近再次放絲吧！果然有魚上釣喇！不過係添叔，船家真的是船家這麼快就搞掂，石班仔呀！大家興奮起來，繼續努力

！為什麼都沒有魚咬的感覺呀！但添叔又再次上釣．．．火點呀、班仔呀、疏蘿呀、連芝麻班也釣到呀！勁呀

！我們繼續等吧．．．

 

有喇，珞媽突然大動作，知道有魚上釣喇．．．石班仔！

阿Ken也有失魂的石班仔上釣．．．因為魚鈎唔係在口裡，而在肚外呀！

祥少亦不甘示弱，亦有石班仔上釣！

跟著王子亦有魚獲！

點解我仲未有呀

大家都是用同一種魚餌在同一處地方．．．點解

 

好彩有阿年陪

不經不覺又到四點半，有喇

，終於等到有魚上釣喇！又係石班仔呀

，

我要釣多幾條呀！最後都係得個吉．．．

 

時間亦唔早，五點幾喇，魚獲不多，下次再努力吧！先送館長&阿年到榕樹灣碼頭，我們再回香港仔碼頭。

 

本來王子想把三條最大的拿回家，但佢諗諗吓又唔攞，因為佢當晚還約了朋友到西隧繼續釣魚，明日再到蒲苔島艇釣，傍晚再去踼波，嘩！後生可畏呀，釣魚足球發燒友呀！我已累得要命！

 

最後，三條大魚就由我攞回家吧！回程途中，魚仍然生猛，在巴士上，坐在我對面的先生看到我放在地上的膠袋在郁動，也有點奇怪！在港鐵上，因為太累，所以選擇了頭等車箱，把魚扣在椅柄上，坐在走廊鄰坐的一家三口看到膠袋在郁動，老公即時眼望老婆，表情有點驚訝！

回到家已八時了，魚留待明晚處理，爸爸說即時冰鮮吧！

 

魚獲 - 只把大的拍照留念！

 

過了一晚仍然好好味！