墾丁高雄5天自由行@六合夜市

2010年9月16日

~~~六合夜市~~~

酒店休息一會, 又要出發去搵食喇~~

我地打算搭捷運到六合夜市, 所以先到附近新堀江及原宿玉竹行陣街,
呢兩條就好似旺角一樣, 好多後生仔女係呢度購物,
我地4條友梗係一d野都買唔到啦~~

跟住我地就到中央公園站搭捷運

呢度月同深圳鐵路差不多

連車票都係一樣, 似籌碼咁樣~~

到咗美麗島站就可以去到六合晚市喇~~
呢個站好鬼靚, 係由日本建築師高松伸所設計
車站內部之公共藝術作品 - 光之穹頂,
乃由義大利藝術家水仙大師（Narcissus Quagliata）親手打造，
以祈禱為主題象徵~~

搵到11號出口就到六合夜市喇~~

六合夜市就好似台北士林夜市一樣, 有各種各樣小食~~

人人都話去到呢度一定要食烏魚子, 我地梗係唔執輸,
又鹹又腥, 我就覺得麻麻地, 我真的不識欣賞囉~~

我唔鍾意食苦瓜, 但每次去台灣, 我都一定會飲蜂蜜白苦瓜汁,
食咗咁多熱氣野, 飲番杯清清佢就好嘛~~

仲有呢個胡椒餅又係我至愛~~

婷婷見到佢至愛, 又唔放過食粟米啦~~

涼圓就好似潮州水晶包~~ 不過一d都唔涼又無乜味~~

估唔到高雄都有葡京喎~~
搞到蛋撻手仔痕, 不過我地梗係唔會比佢入去啦~~

其實我地仲食咗好多野, 魚丸, 蔥餅, 香腸.....
掛住食都唔記得影相囉~~

食飽飽就坐打的返酒店休息喇~~