墾丁高雄5天自由行@旗津單車一日遊

2010年9月17日

~~~ 旗津踩風之旅 ~~~

因為酒店唔包早餐, 我地約好930出發去搵野食
睇睇酒店至捷運站附近有乜食肆地方就開始搵食喇~~
中途就發現呢間食粉麵舖頭喇~~ 對面仲有Mingle至愛鹵味呀~~
貢丸冬粉好好味, 蛋撻果碗肉燥冬粉肥到死呀~~

食飽飽就去搭捷運向旗津出發
中央公園站→ 美麗島交匯站→ 西子灣站→ 再坐旗津渡輪就到達喇~~
出咗西子灣站步行約8分鐘就會到達輪渡站

途中見到有架電單車拖住隻狗仔~~
特訓? 虐畜?

 坐呢架渡船收費NT$15一位船程大概5分鐘~~
上層載人, 下層電單車

抵步第一件事, 租單車！原本無計劃過, 諗諗下好似好玩d喎~~
NT$100 可以踩成日, 咁鬼抵, 又唔使按金, 淨係交抵本Passport就搞掂~~
最衰電動車咁貴啦, 唔係就試玩囉~~ 

踩風大道景點地圖~~

Go! Go! Go!

第一站, 旗津海水浴場, 原來係黑沙灘呀~~

~~旗津星空隧道~~

「旗津環島海景觀光自行車道」路線中的一個招牌景點
木棧道的隧道內有夜光彩繪及漂流木、蓄光石等素材裝飾
搭配12星座，頗有星空光廊的感覺~~

搵到我個天蠍座嗎~~

~~高雄燈塔~~
去高雄燈塔先要行一條長命斜(對於我地)
再上幾十級階梯(攞我地命咩)

最慘係上到嚟先知無乜特別囉~~
比起墾丁鵝鑾鼻燈塔細好多呀~~

係呢度望高雄港, 相比起墾丁,
呢度個天空真&空氣都不及墾丁好呀~~
可能始終係市區啦~~

落山第一件事要幫襯靚哥, 消下暑啦~~
跟住Mingle話要去砲台, 問過老闆話無乜野睇, 最後放棄~~

唔上砲台就去搵食啦~~
好多人嚟旗津多數都係食海鮮
我地好另類, 見到呢間越南舖, 二口同聲要食呢間~~

雖然舖頭簡陋, 又估唔到咁鬼好味喎~~

食飽又繼續行程, 時間無多呀仲有幾個景點未去呀~~
先去買手信, 嚟旗津梗係要買魚鬆啦~~

~~海岸公園&貝殼館~~

~~戰爭與和平紀念公園~~

 

~~風車公園~~

終於去晒要去景點喇~~
回程時天色灰暗, 仲要行雷呀~~
要快d交車呀~~ 真係唔好彩, 落出雨呀~~
搞到我地變晒落湯雞~~

雨細咗好快d去交車喇~~ 原來已經4點幾喇~~
跟住搭番船過西子灣, 食埋呢度好出名嘅大碗冰先~~

~~海之冰~~

已經營15年, 12年前研發出用「大碗公」裝冰,
從最小的大湯碗「2倍冰」、「3倍冰」、「5倍冰」、「6倍冰」
到超級雞尾酒缸裝的「10倍冰」都有呀~~
我地叫咗個 「2倍冰」NT$140
揀咗珍珠, 芋圓, 水果, 椰果, 牛奶冰
確係幾好味, 一滴都無淨, 飽飽~~

成間店的牆壁、柱子及天花板都有人簽名, 我地當然都要到此一遊啦~~