卡旻e ~ 每天都要過得開開心心 ~: 2009台北捷運之旅

顯示具有 2009台北捷運之旅 標籤的文章。顯示所有文章

2009年6月16日星期二

台北捷運之旅 @ 手信編

台北捷運之旅終於寫到最後一編喇！

差不多用咗兩個月先搞掂！

我都唔係好想呀！有賴『好好生活』做成囉！

四日三夜行程都比我寫咗十五編，痴痴地呀！

去旅行唔多唔少都會買ｄ無聊手信，睇吓今期又買咗ｄ乜野無聊野先得！

Day 1 - 酒店 --> 鼎泰豐 --> 木柵動物園 --> 弍兩日式炭火燒肉 --> 五分埔 --> 酒店

臺北市立動物園Taipei Zoo 木柵動物園（NT$60）
臺北市11656新光路二段30號
http://www.zoo.gov.tw/

弍兩日式炭火燒肉（NT$３９９任食放題）
台北市松山區建國南路一段324號
http://www.ipeen.com.tw/shop/shop.php?id=8625

五分埔
後山埤站下車1號出口, 步行2分鐘至永吉路即達

Day 2 - 酒店 --> 瑞芳 --> 九份 --> 瑞芳 --> 菁桐 --> 平溪 --> 十分 --> 士林夜市 --> 酒店

九份
http://www.jioufen.com.tw/

平溪鄉魅力商圈
http://www.pingshi.com.tw/all.htm

阿媽の天燈（NT$120）
台北縣平溪鄉十分街109號
(02) 2495-8422
http://yangesther.tripod.com/

士林夜市
劍潭站1號出口
http://1112.travel-web.com.tw/

Day 3 - 酒店 --> 小人國主題樂園＆哆啦A夢樂園 --> 台灣故事館 --> 統一元氣館 --> 西門町 --> 港記酥皇店 --> 台北１０１ --> 酒店

台聯客運總站
桃園縣龍潭鄉大昌路2段172之2號
龍潭服務專線：(03)480-3885
台北服務專線：(02)2796-5668
http://ord.e-go.com.tw/aps07.htm

小人國主題樂園
桃園縣龍潭鄉橫岡下60-2號
電話:(03)4717211 FAX:(03)4717654
http://www.woc.com.tw/

台灣故事館

台北市中正區忠孝西路一段50號B2 ( 統一元氣館地下二樓，台北火車站正對面)

電話：(02)2388-7158

營業時間：每天10：30 ~22：00 ( 最晚進場時間是21：00 )
http://www.taiwanstoryland.com.tw/

統一元氣館
http://www.kmall.com.tw/hotnews.asp

港記酥皇店
台北市漢中街6號之2
訂購專線：02-2375-1967
傳真：02-2370-7660
http://www.twkongkee.com.tw/action.php

台北１０１
台北市信義路5段7號
http://www.taipei-101.com.tw/index.htm

Day4 - 酒店 --> 西門町 --> 鴨肉扁 --> 天仁茗茶 --> 東區地下街 --> 洪師父麵食棧 --> 八方雲集 --> 明曜百貨 --> 酒店 --> 台北桃園國際機場 --> 香港國際機場

鴨肉扁 (捷運西門站6號出口沿中華路直行)
台北市中華路一段98-2號/武昌街二段2號

東區地下街
忠孝復興捷運站至忠孝敦化捷運站之間

四日淨台北遊都算OK，有機會一定要去吓宜蘭、高雄、墾丁

或者好似《食尚玩家》咁，食晒台灣十夜市美食！

2009年6月10日星期三

台北捷運之旅 Day 4 @ Shopping Day

２００９年３月３０日星期一

咁快就到咗最後一日喇！WHY?WHY?WHY?今日點解咁好天呀？係唔係玩我地呀？唔好亂講野！唔係就落雨比你睇，等你SHOPPING都行得唔舒服！

今日無乜特別行程，而且又最後一日，所以就揀Ｄ舒服行程喇！咁多日我地都無搭過台灣巴士，我就提議不如去試搭啦，不過只係搭一個站咁大把，由１０１去到市政府捷運站！不過我有點不明白，點解我見到人地落車先去嘟張悠遊卡？

我覺得台北捷運十分舒適，又乾淨企理，最重要係Ｄ台北人好有禮貌，上落電梯時一定係左行右企，排隊上車又一個一個的排隊又好有規矩逐一上車，絕不會爭先恐後，就算無位坐亦不會霸佔預留比有需要人士的坐位，我地就蒙盛盛的坐下去！不過亦有點不明白，點解會咁少人搭捷運，差不多每次都有坐位給我們的！不像香港的要面貼面啊！

嚟到西門町，又見到好多牛牛呀！

今朝又係去西門町，噚晚咁夜去到，好多店舖都已經關門大吉，同埋我想帶佢地去食鴨肉扁，上次食過都唔錯嘛！

去到鴨肉扁一坐低就有位俊男問我地要一隻鵝定半隻鵝，雖然呢度淨係賣鵝，使唔使咁心急呀？商糧後就要了半隻鵝、一碟腎、３碗米粉和１碗麵，今次無上次咁好食，好鬼死UN，不過SaSa一樣食得咁開心，文迪&強哥就拎晒頭！埋單要成NT$780，最豪的早餐呀！

西門町行咗成條街都無乜戰利品，為有轉戰東區地下街！

東區地下街位於台北東區精華地帶忠孝復興站至忠孝敦化站間，連通SOGO崇光百貨與明曜百貨，全長七百二十五公尺，共有七個廣場、三十五間店鋪，其中包含了知名大型連鎖書店、咖啡館與服飾店等。當然唔少得阿蘇介紹果間洪師父麵食棧啦，不過唔係食麵，係買牛肉乾囉！我覺得獨立包裝果隻最好食！YUMMY！

文迪話香港八方雲集普普通通，我話嚟到台灣就試吓本土出品又如何！文迪話分別不大，正明處方一樣囉！

食完餃子仲有少少時間，我地就上去明曜百貨的NT$39店行個圈，跟住就返酒店執埋行李就準備去機場LU！

雖然我地係搭七點半航機，點解三點半就要準備到機場？因為要預留時間去第二航廈嘅HELLO KITTY候機室。因為國泰係第一航廈，我地CHECK IN完就搭電車過第二航廈，先可以去到HELLO KITTY候機室，但我突然有個疑問，侯機室要辦理好出境手續先可以去到喎？咁我地點會去到HELLO KITTY候機室呀？

都已經坐咗無人駕駛列車到咗第二航廈，仲有大把時間先上機，為有係度食埋野啦，行咗一個圈，都係覺得點水樓食物吸引Ｄ，雖然上次跟團食果間印象麻麻，可能團體餐係會差Ｄ啦！痴咗線，公數有錢淨都唔使食咁多呀！無法啦，SaSa樣樣都話要食喎，我地緊係會就下老人家啦！最好味係果個芝麻餡餅，SaSa仲要打包兩個比佢個女做宵夜呀！

本來七點半起機，點知又DELAY，搞到八點先至起機，激鬼死！

呢個滷蛋滷肉飯飛機餐又幾好味喎，雖然頭先食得咁飽，我都可以成個食晒呀！

四日三夜大玩（為食）之旅完滿結束，因為落雨搞到我地PLAN咗Ｄ行程都去唔晒，為有等下次有機會補數啦！

下一站：手信編

鴨肉扁 (捷運西門站6號出口沿中華路直行)

地址：台北市中華路一段98-2號/武昌街二段2號

2009年6月5日星期五

台北捷運之旅 Day 3 @ 台灣故事館

２００９年３月２９日星期日

文迪對呢個台灣故事館好有興趣，我就成日搞錯台北故事館，兩個係唔同地方嚟嘛，激到文迪死死吓！本來佢安排第四日先嚟呢度，因為落雨搞到我地又再次改行程，取消淡水＆漁人碼頭之行喇！

呢度就係台北車站對面，新光三越＆凱撒飯店隔離，都好容易搵到呀！

成人門票有兩種，分別係NT$200淨係包入場，另一種NT$280係包入場之外，仲有NT$150Coupon係裡面比你消費，比多NT$80就可以有NT$150用，有著數喎，我地緊係買NT$280套票啦！（點知好辛苦先至用得完果NT$150呀，因小失大，做人都係唔好咁貪心！）

好喇我地就用叮噹百寶～時光機進入時光隧道，去到五六十年代嘅台灣玩下喇！

地方都好大，全個街頭都係室內，分成好幾個地區！唔理得咁多，見路就行啦！

呢隻蕉仔應該係呢度代言人，每個各落都會有大大小小的蕉仔出現！

以前ｄ青少年都有好多地方唔去得喎！

係第０７７號防空避難室，定係第７７０號防空避難室？

白雪公主好似肥咗ｄ喎！

上圖：有錢人子女揸嘅三輛車

下圖：富豪子女揸嘅電動三輛車

我都要試吓地踎街邊檔風味！

台灣比日本統治過，幾有日本Feel!

真係有戲睇呀，當日做緊Disney卡通卡呀！

老豆都有一部咁上下嘅相機呀！

SaSa要揸老爺車返酒店喎！

套水手裝好靚呀！

呢間補鞋舖都幾大間喎！

我小學果陣都係坐呢個位置呀！

當然唔少得有個紅A水壺啦！台灣唔知用乜牌子呢？

參觀完畢，我都係鍾意香港歷史博物館多ｄ，好Feel D嘛！

跟住又係搵食時間，我地順道係統一元氣館Shopping，然後就到五樓銀座和幸食晚餐，因為見到有個相撲火鍋想吓嘛，諗住同SaSa兩份食，原來都唔係好大啫，相撲手點夠食呀？！同埋呢間野有每人最低消費，所以我地都要叫咗４個餐！

今日行程好鬼死攰，本想早ｄ返酒店休息，又無落雨喎，諗諗吓聽日就係最後一日，都係去埋西門町買咗手信先得，快手快腳搭捷運去西門站，我地要搵港記酥皇店，文迪話呢間好食過維格烘焙喎！無所謂呀，又可以試吓喎！

係港記買完野，文迪想搵埋佢阿媽介紹果間豬肉佬買杏仁黑豬肉乾，又係紙咁薄果種，明明話係附近，但係我地左搵右搵都搵唔到，唔知係咪黑得滯見唔到呢？最終要放棄，跟住就搭的士返酒店，在途中先醒起SaSa無去過台北１０１，返酒店放低手信再去１０１，點知原來收十點，店舖九九十十都已關門，觀景台9:15之後就無飛賣喇，仲諗住趕得切睇晚景添，無計啦，為有返酒店執行李，準備聽日返香港啦！