江門金凱悅酒店豪華自助晚餐純玩二天團@鴿中寶

2011年6月25日

今次與3位初中同學去旅行, 識咗咁耐都係第一次~~

舊年同朋友慶生日跟過美食之旅都OK, 今次又睇吓有乜團啱使~~

阿燕話要住好d食好d又要平, 左揀右選, 最後揀咗呢個

江門金凱悅酒店豪華自助晚餐純玩二天團

認住E1旗仔呀~~ 我地領隊就係揸住呢支旗呀~~

呢3個就係我同學仔~~

左：May (占Mi), 中：Ling (佩玲), 右：Alfee (燕)

以前我地係用括孤個名叫對方架~~

我地架專車車尾, 唔記得映車頭~~

必到景點大排長龍呀~~

唱完歌仔就係隔離生果檔買咗兩種香港好少見到的蕉~~

黃色：過山香, 好香好甜好滑~~

紅色：蘋果蕉, 沒什麼特別~~

午餐的地方~~

大熱天時打邊爐都唔緊要, 至慘係無冷氣嘛~~

葯膳鴿做湯底~~

湯幾甜, 鴿好韌~~

清遠雞好好味~~

鮮腐竹~~

鯪魚球好多骨, d肉又淋, 完全食唔落~~

豬肉丸好鬼正~~

鮮淮山好鬼粉~~

臘味鴿煲仔飯~~

最好味都係呢一個, 可惜一枱得兩煲, 每人都分唔到兩碗~~

什菜~~

莧茜好鬼香~~