卡旻e ~ 每天都要過得開開心心 ~: 台北捷運之旅 Day 3 @ 小人國主題樂園

2009年6月3日星期三

台北捷運之旅 Day 3 @ 小人國主題樂園

２００９年３月２９日星期日

雨！繼續下不停！四日台北之旅已進入第三日了，我們一定要到“小人國主題樂園”呀！為什麼？為什麼？因為要去尋找《哆啦A夢》呀！

人人期望可達到我的快樂比天高
人人如意開心歡笑跳進美夢尋獲美好
爬進奇妙口袋裡你的希望必得到
離奇神化不可思議心中一想就得到
想小鳥伴你飛舞雲外看琴譜【嗯!係竹蜻蜓呀!】
多喜愛誰都知我真喜愛DORAEMON!!
想小鳥伴你飛舞雲外看琴譜【嗯!係時光機呀!】
多喜愛誰都知我真喜愛DORAEMON!!
多喜愛誰都知我真喜愛DORAEMON!!
想小鳥伴你飛舞雲外看琴譜【嗯!係隨意門呀!】
多喜愛誰都知我真喜愛DORAEMON!!
多喜愛誰都知我真喜愛DORAEMON!!

由酒店到小人國主題樂園預計車程需要個半小時，所以今日我們要早一點出發，先由市政府捷運站到景安捷運站再轉台聯客運就可以到達小人國主題樂園喇！

明明話要早一點嘛，都唔記得搞乜鬼去到景安捷運站已經９點半，先去搵咗台聯客運個站係邊先，原來就係景安捷運站出口，已見到有幾個人排緊隊，先睇吓時間表我地有幾多時間食早餐先得，個牌細到死，我地都睇唔清楚，又唔知係邊度買車飛喎，後來見到個著住台聯客運制服阿伯，就過去問吓佢下班車幾點到，阿伯淨係話就到，我地想知幾點嘛，因為我地要食早餐呀，佢先話大概１５分鐘就有車喎，再問佢再下一班係幾點，阿伯話要成個鐘先會有車，我地就拿拿淋係附近買早餐上車食喇！

開咗車成廿分鐘都無人要我地買飛喎，抓晒頭唔明點解，究竟我地有無搭錯車呀？不過我地都無理咁多，瞓番陣覺先至算啦！再過廿分鐘左右，有個男人嗌咪，我地又聽得唔清楚喎，好似係要去小人國或者六福村就要落車去買飛咁上下啦，我同文迪就落車睇睇係咪囉，如果你唔係喺松山機場買飛上車，就要去到龍潭總站先再有飛買，但係中途又有幾個站比你上車喎，又會咁得意喎！係龍潭總站仲會有套票買呀，來回車程加小人國入場劵只係NT$700，文迪話抵呀，深係入場費都要NT$499，車票好似要NT$250左右呀！緊係買套票啦，其實我地都唔知仲有乜野車可以返台北市，想唔買都唔得啦！

坐咗個零鐘頭車終於到達喇，雨勢更加大更加密，天公不造美呀！吉祥物Lucky龍仔就在門口歡迎我地，點解唔見佢女友Funny妮妮？

先來睇睇微縮影區先啦！

小人國是國內首座以比例縮小方式呈現世界知名建築物的多功能文化主題樂園，建築及人物都只有實體的25分之1，主要以台灣、中國大陸、美洲、歐洲、亞洲、非洲等地知名建築為主要呈現對象。從台灣總統府、大陸紫禁城、日本大阪城到歐美洲比薩斜塔、自由女神像及非洲獅身像，共130組知名建築模型。此外，美洲的西部小鎮、非洲歷險及中國式庭院，更以原尺寸展現另一種風貌。小人國的每一粒沙中，都建造了一個世界，讓你的視野無限的擴大。同時，小人國為了讓全家大小能不受天候的影響盡情遊玩，特別增設了東南亞最具規模的室內遊樂場「世界樂園」，樂園內有室內雲霄飛車、狂飆幽浮、荷蘭風琴馬車、碰碰車、小小歐洲、幼兒夢幻樂園、地心之旅、親子益智樂園、等多項遊樂設施。