2010年3月28日
每年新年之後都會搵日約埋伯父伯娘、姑姐姑丈同我地一家人去雲泉仙館食齋, 佢地話呢度d白粥又綿又滑喎! 每次都起碼食3碗呀~~
今年仲過埋隔離士多啤梨場, 順道遊一遊!
除咗白粥, 炸春卷也是必食~~
左上: 翡翠排骨, 似魚肉多d 右上: 蟹柳扒豆苗, 好有蟹柳味呀~~
左下: 椒鹽花枝片, 好有質感, 真係好似食梗墨魚呀~~
右下: 粟米紅燒豆腐, 無乜特別囉~~
左上: 荔芋卷又係我至愛 右上: 椒鹽生蠔, 其實係茄子, 炸得好~~
左下: 豉椒田螺, 仿真度99% 右下: 五柳石斑, 我都係鐘意荔芋卷多d~~
食飽飽, 一定要遊園啦~~ TVB好多古裝劇都係呢度拍架~~ 今日就撞唔到明星喇~~ 記得有一年, 撞正陳豪同蔡少芬係度拍戲, 蔡少芬仲要比人推落魚池呀~~ 果個魚池, 睇到都驚啦, 真係替蔡少芬慘呀~~
跟住老人家就返家打牌, 細佬一家就要返外家,
我同兩個細妹兩家人就過咗隔離【阿方有機士多啤梨自摘園】
可能唔係幾當造, 士多啤梨唔係多, 一有發現, 小朋友就超高興呀~~
唔好睇佢細細粒, 又紅又甜喎~~
2010年3月8日
今日真係食得好豐富, 午餐就同老細去食Buffet, 夜晚就約咗主持人芳芳, Mandy & 強哥兩公婆, 手作仔Joyce, 芳芳乖仔阿康, 當然唔少得死肥Ken啦~~ 去食海鮮大餐呀~~
如果今日唔係醫生打電話嚟通知出咗報告, 我一定會食得更多更開心呀!
無辦法啦, 鬼叫自己為食又唔願去做運動, 終於都出現3高喇~~ 膽固醇高、尿酸高、三酸甘油脂高, 高高高, 想唔認真去減下磅都唔得喇~~ 唔係以後乜都無得食呀!
因為芳芳比較熟悉呢度, 鴨脷洲大街鴨脷洲市政大廈裡邊間栢記, 所以就將海鮮交比佢地喇~~
先來點小吃, 韮菜豬紅夠入味~~
沙薑鳳爪, 正正正~~~
蒜蓉粉絲蒸扇貝, 好大粒呀~~~
枇杷豆腐, 脆脆脆~~~
死肥Ken話一定要飲湯喎~~ 豆腐豬肝西洋菜魚湯, 好咸呀~~
蒸XX魚, 因為芳芳唔記得賣魚佬話呢條係乜魚, 好UN呀~~ 要用較剪先剪得開呀~~
果皮蒸大連鮑魚, 好林呀~~
康仔最鍾意食蒸水蛋, 食咗3碗飯呀~~
椒鹽大蝦, I like it~~ 無奈唔敢食太多, 食咗兩大隻~~
Joyce至愛薑蔥蠔, 唔使預我喇~~
飽到上心口, 死肥Ken仲話要食蠔油撈粗麵, 不過真係好好味~~
七個人食咗咁多野, 真係誇呀! 呢度咁多野連工包料都係食咗$1080, 超抵食呀~~
之後仲話要去大佳B食甜品, 好彩搬咗去第二度, 我驚自己獲利回吐呀~~~
配雜錦火鍋料, 麻辣滾肉類, 清湯滾菜類, 絕配呀~~
再來一個重慶香辣雞煲, Yummy Yummy~~
來來食坊
元朗裕榮徑好旺洋樓地下16號舖
2443 3980
2010年2月27日
今日本來約咗幾位姊妹團拜, 點知比其中3條友仔放飛機, 又係得番Resena & Amy, 難得約咗, 我地3個照去覓食吹吹水啦, 經Resena朋友介紹, 我地就決定北上, 去咗深圳中心城呢間【光陽烤肉韓國料理】, 我地順道逛逛【家樂福】。
下午先行行街, 中心城呢個商場好大好乾淨, 仲賣好多名牌野, 不過我地就揀咗行家樂福, 經濟實惠嘛~~
無啦啦都用咗RMB116買咗d無聊野~~
7點左右就去咗呢間光陽烤肉韓國料理食韓燒, 我地叫咗一個RMB258套餐, 包括調味牛排、牛里脊、開心烤牛肉、胸叉肉、牛舌、生牛排、五小碟、大醬湯、蔬菜拼盤及生果, 另再加了一個石頭鍋飯。結帳RMB306! 都算抵食啦~~
有專人為你服務!
光陽烤肉韓國料理
福田中心區福華一路3號中心城廣場
2010年2月28日
今日係老豆舊曆生日, 邀請咗親戚朋友為老豆慶祝, 延開5席, 大人細路都好開心呀~~
老豆, 祝你福如東海! 壽比南山!
咁啱今日又係強少新曆生日, 在此祝你身體健康! 老婆年年都咁靚! 兩隻馬騮日日都聽教聽話!
