2010年2月12日星期五年廿九
今日係公司食團年午飯的大日子, 等咗成年就係等今日,
睇吓自己年尾可唔可以執個尾彩呀!
雖然唔係平面大電視機、超時尚手提電腦、多功能手提電話.....
抽中獎已經係LUCKY!
今年我抽到d乜野..........
兩頭鮑魚....唔係
總好過Noel抽到果份由社企捐出嚟嘅社企產品, 舊年我都抽過呀!
http://hk.myblog.yahoo.com/wym1115carman/article?mid=479
哈!哈!哈!哈!哈!哈!哈!哈!
除咗我抽到獎, 同team同事都好lucky呀!
虎年我地有運行呀!
今年個菜單好似正過舊年喎, 唔通真係個市好咗?
不過甜品都係食番水晶包&紅豆沙湯丸好d囉!
例牌遊戲, 估重量, 今年都係估唔中囉!
今年到文迪攞15年長期服務獎呀, 仲比佢抽埋個枱獎添!
乜原來識咗文迪咁鬼耐喇! 老朋友嚟喎!
今年我地有點失策, 霸唔到一張枱同班好姊妹坐埋一齊呀!
最鬼衰都係Noel la!
最後嚟張CM大合照!
祝大家虎虎生威! 龍精虎猛! 心想事成! 得心應手!
2010年2月17日年初四
今日約咗班姊妹去米雪家拜年
佢仲係住愉景灣，因為佢搬咗大屋，所以今次又去打搞佢囉！
舊屋果陣個VIEW已經好正好靚，新屋更加正，
迪士尼就係對面，日日都有煙花睇呀～～
我地使出大家的本領，每人都整一款食品
我梗係整至愛甜品木糠布甸雪糕啦～～
蝦仁炒蛋係米雪嫞人姐姐炮製
珞媽嘅蒜蓉炒什菜，因為自己尿酸高，所以無食到～～
呢個最精彩，因為係苑晴話自己超水準之作
日式蟹籽粟米鰻魚飯
之前我地話唔想食飯，但佢堅持要整，話我地一定食食過番尋味
我地就比個機會佢啦（佢好少煮野架）
都佢煮果陣，大家都噓聲四起囉！
全部都係預先食品，只係要煲飯，把材料放上去就搞掂～～
米雪自從生下妹妹之後就做全職煮婦，梗係要整幾味啦～～
牛蒡瘦肉湯超正，佢話我地平時食食埋埋咁多垃圾，
飲呢個湯一定可以清清腸胃呀！
芝士焗薯蓉，恰到好處呀～～
法式焗羊架，超超超超正正正正正正正正正正
味同汁都同樣精彩，好食到唔食形容呀～～～
開飯前來張大合照先
夜景好靚呀，不過我影得唔靚囉～～
2010年2月8日星期一
今日又同文迪兩公婆去咗食野, 自從在北海道試過"海商"之後, 一直都好掛住佢, 在雜誌上看到呢間廣告類似的東西, 就叫文迪搵日去試下, 知道一定無北海道咁正, 止下痕都好啦! HK$198+10% (8:00pm前離座, 任食兩小時)
入座經過兩邊的廚窗擺設相當吸引呀!
一坐低就會送上一碟豬肉類、一碟牛肉類及海鮮類的燒烤食品
小試牛刀, 都係海鮮類最吸引
起初求其地燒, 把海鮮類的食品都燒焦了, 後來得到店員指點,
應把海鮮類食品放於爐的中央燒, 就不會出現燒焦的情況呀!
花竹蝦係最好食, 肉爽彈牙, 所以Encore了兩次,
安格斯一口牛細細粒容易食, 脂肪比例OK, 所以不會太UN呀!
後來點了牛舌&雞腎, 亦是不錯的選擇呀! 羊鞍就好鬼"穌"!
除了燒烤食品, 還有刺身、壽司、天婦羅等一些日本熟食呀!
刺身種類不多, 三文魚、赤身、希靈魚、八爪魚、墨魚、劍魚, 希靈魚最好食!
海膽壽司可以不試吧! 軟殼蟹卷就吃不出軟殼蟹來呀!
天婦羅&吉列蠔的炸皮太厚了!
如我們所料, 真的不能與"海商"比較, 差不多的價錢, 在"海商"還可以吃到毛蟹呀!
好掛住北海道呀! 努力儲錢, 再戰北海道!
燒魂一
金馬倫中心2樓
23666072
2010年1月31日星期日
一月中收到大哥Anthony的一封電郵, 提及他看了前天文台台長林超英先生的一編網誌(http://tiandiyouqing.blogspot.com/2010/01/blog-post.html)而促使他搞今次活動, 本來相約好友們30日到大嶼山行山, 因某些人某些事我相信會搞不成, 所以我第一時間就回覆了出席這個很有意義的活動了! 然後第一時間亦通知好友們行不成山亦可以參與這個活動, KY很快回覆亦有興趣(不知是否之前因某些事我給了她一點壓力?
8:45am - 先約KY在新元朗中心食個早餐
9:30am - 乘西鐵到達集合地點: 錦上路站
9:40am - 等齊人坐專車出發!
非專業導賞員Anthony大哥為我地介紹有什麼候鳥在山貝河經常出現
9:50am - 到達目的地: 南生圍山貝河
(係唔係好熟呀? 係呀! 呢度就係小灣鱷貝貝被發現的地方呀!)
龍友們已帶齊大炮捕捉他們所需的獵物呀!勁呀!
大家都被白鷺、小白鷺、黑嘴鷗、黑臉琵鷺、勺咀鷸等等吸引了!
多謝大哥為我地指指點點, 那隻是什麼, 這隻又是什麼!
還有他帶來的望遠鏡, 真的不想交給其他同事呀!
在望遠鏡鏡頭下更為壯觀呀!
10:30am - 上車去下一站
下一站亦有非專業導賞員Vienna為我地介紹濕地對生態有什麼影響
11:00am - 到達河上鄉
參觀居石侯公祠
【居石侯公祠是河上鄉的地標建築，是為紀念侯族明十七世祖侯居石公(1554-1628)而建。據懸於祠堂正門的牌匾年份推測，居石侯公祠約建於清乾隆廿七年(1762)。 居石侯公祠是傳統的三進兩院式建築，中進為擺放供奉歷代祖先的神龕。前院兩旁各有廂房，其中右廂房則用作廚房。後進樓高兩層，曾作學校用途，地下房間為老師的寢室，一樓則用作課室，學校約於二次大戰時停辦。居石侯公祠既用作村民祭祖及舉行傳統儀式的場所，亦為村民日常聚會議事之地。居石侯公祠的屋脊及山牆均有精緻的裝飾，祠堂內的橫樑及斗栱的吉祥圖案雕刻亦極為精緻。居石侯公祠於二○○三年十二月十九日列為法定古蹟。】
11:20am - 開始濕地之旅
在這裡還看到我居住的大廈啊!
12:45pm - 到達松柏塱客家圍
建成於十九世紀初, 為黃氏族人世居, 是新界現今保存得最完整的圍村之一。客家圍屋以花崗石為牆基, 上以堅硬的青磚砌成護牆, 高達十尺, 用于防禦盜賊。
松柏塱由黃、劉、陳、鄺及簡姓五個宗族建立, 在村前建有五間族人的祠堂。
我梗係搵番自己宗祠留個倩影啦! (呢個門面係最靚呀!)
這位嬸嬸正在準備80圍的盤菜呀!
這個旅程增加我的知識, 謀殺了我地不少菲林, 不是! 應是記憶咭的位置啊!
我與KY的全部傑作 (不過多數都係KY影的)
還有其他同事的傑作:
Vienna, Anthony(人), Anthony (景), Tony, Maggie, Naomi, Autumn
