Lunch@Délifrance

2017年2月22日


今日與Bingi去食平民法國餐！
$165二人套餐，好飽呀！
個餐最後有個甜品，我揀了原定的雲呢拿雪糕配蝴蝶餅，Bingi就揀了今日特別推介法國皇帝餅（Galette des Rois），因為太飽，所以她留待下午茶慢慢享用，咁就出事了，變成了今日的幸運兒呀！

以下是在Bingi's Facebook內容：

今日同Carman 去平民法國餐廳食晏，佢個餐包一個甜品，咁我叫了個餅。咁因為太飽咪打包留返遲d食，點知一食，覺得咬落去硬硬地，心諗［唔係嘛，又比我食中啲衰嘢]。跟住望下舊餅，我喺見到個白色底，心諗[大鑊啦，唔係假牙或鼓油蓋吓？！]戰戰競競咁拿佢出嚟，見佢係個公仔，第一時間好反胃，之後即拿住個餅返去投訴。

我［唔該我想搵你哋經理]
經［我係，有咩幫到你]
我［你哋件餅入面有個公仔喎……]
經［嘩！！恭喜你！]
我[吓！！？！！]
經［這個係幸運公仔，一個大餅入面只有其中一件有，恭喜你]
我[咁你哋仲咩唔預先講可能有個公仔呢，我第一次食，我完全唔知喎。我食咗點算？我差d要去食環投訴的了😑]
經[吓，同事冇講聲你知呀，唔好意思呀。但其實支旗仔後面都有寫]
我[我冇留意，我都有疏忽，但坦白講，我深信好多人都唔會留意支旗寫咩。你哋真係要記得每一次都要同個客講囉]
經[好嘅，我哋會留意。我使唔使換過件餅比你]
我[唔使啦]

#驚喜有分好多種
#唔係你比對方就會開心
#我只覺得係驚嚇
#仲要個公仔勁唔靚
#咁我係咪要去買六合彩
#個餅其實幾好食
#佢解釋完我繼續食返
#我都好配服自己可以食返個餅
#完美演繹食得唔好浪費精神
#六合彩唔見我中
#成日比我在食物QC到有嘢
#我係咪應該轉行去做QC

維基百科：國王餅（法語：galette des Rois），又稱「國王派」，是法國人在每年1月6日天主教主顯節前後食用的一種圓形餅狀蛋糕，由千層酥加上杏仁奶油內餡烤制而成，名義上為了紀念基督教《聖經》記載的東方三博士朝見襁褓中的耶穌的事件。 國王餅的歷史可以追溯到古羅馬時代的農神節，當時羅馬人在節慶的宴會上在糕點中放置蠶豆，分給奴隸，吃到蠶豆者成為「一日國王」，享受一天的特權。基督教統治歐洲之後，教會將這一傳統與東方三博士聯繫起來，並將蠶豆換成幼年耶穌的瓷製小像，但在法語中仍稱為「蠶豆」（fève）。如今的國王餅中往往藏有小瓷像，題材不一，並通常與硬紙王冠一起售賣。儘管宗教色彩已經淡化，大部分法國人在1月初的親朋聚會中仍會分食國王餅，吃到「蠶豆」者成為幸運兒，得到他人的祝福。 國王餅在其他西方國家也有不少變種，統稱國王蛋糕。