卡旻e ~ 每天都要過得開開心心 ~

2009年7月16日星期四

爆汁牛肉飽 @ 清真牛肉館

2009年6月1日星期一

講咗好耐話要去九龍城清真牛肉館食爆汁牛肉飽, 點知文迪話前幾日佢同強哥買咗外賣返屋企食喎, 我更係鬧鬼佢啦, 話咗一齊去食嘛! 佢話食完可以再食啫, 我就叫佢即刻約人去食喇! 反應又係麻麻地, 淨係得SaSa去, 樂樂就話要做完GYM先JOIN我地喎!

起初文迪堅持要到正舖, 驚住另一間所謂分店係借正舖名義開, 經過劉生明查暗訪後, 呢間真係分店嚟, 所以就到咗分店喇, 分店又新又潮又乾淨, 文迪都話舒服好多!

呢個就係坊間流傳嘅爆汁牛肉飽喇

果然爆得勁! 一口咬吓, 汁就向下流, 一定要快手快腳食呀,
唔係個皮就會變淋, 咁就唔係幾好味囉!

嚟到更係唔止食爆汁牛肉飽啦, 仲有鍋貼, 無乜特別

我至愛蔥油餅, 爭少少鹽, 咸一點會更好

鹵水三併, 牛脷、牛肚、牛筋, 三樣我都鍾意

咖喱牛腩都OK, 文迪&強哥話咖喱牛脷正好多

雞絲粉皮芝麻醬唔夠味

跟住再去甜蜜居食甜品, 文迪話經過呢到, 見到有台式雪花冰, 所以好想嚟試試,
但強話話一定無台灣咁好食, 加上又好飽, 所以就唔去喇!

文迪 & Me 就揀咗藍梅味嚟試, 買相雖然靚,
但就無咗我地係台灣食果種似龍鬚糖感覺囉!

因為SaSa唔想食凍野, 樂樂就揀咗焦糖燉蛋,
點知嚟到原來係凍嘅, 味道仲麻麻囉!

清真牛肉館
九龍城打鼓嶺道33-35號地下
2382 1882

甜蜜居
九龍城南角道4-6號地下
2716 1489

2009年7月11日星期六

端午節@綠茶芝士蛋糕

2009年5月28日星期四

今日終於忍唔住買咗電動攪蛋器, 所以就順便試整綠茶芝士蛋糕喇!

點解會揀呢個嚟做? 因為覺得易做囉, 係台灣又買咗綠茶粉返嚟, 咁就最啱用嚟做呢個蛋糕啦!

做咗出嚟都算成功, 係唔夠綠茶色囉, 應該係包綠茶粉問題, 比平時見開果D係淺色少少, 又揾同事做白老鼠, 同事食過都讚好!

2009年7月8日星期三

意想不到的貴價漢堡包店

2009年5月22日星期五

今日又係得番我同文迪去食LUNCH, 我就提議去試吓合和附近果間漢堡包店, 我淨係知道係貴值野, 唔知叫乜名, 就叫文迪上網CHECK CHECK, 佢就話CHECK咗食評唔錯, 所以就決定去試喇!

無呃你呀!有單為証, 真係好貴呀, HK$65/SET

雖然貴, 但係D漢堡包都只係用嘉頓生命麵包

我要咗SET原汁牛肉漢堡+秘制洋蔥圈+22oz可樂

文迪就要咗SET原汁牛肉漢堡+粗薯條+22oz可樂

用上廉價包也算了, 最慘是漢堡扒毫無肉汁, 比麥記出品更乾爭爭,
而且真的是丁點牛肉味都無喎, 十分之難食,
好彩有咁大杯可樂呀, 唔係都好難哽得落勆個包囉!
反而配角洋蔥圈&粗薯條就好味好多喇!

我地仲要多份特色雞翼, 廿蚊得果三隻中翼!
食落真係好鬼特色囉, 炸到乾爭爭, 雞肉完全無味,
只係靠表面果d又甜又酸又辣嘅汁, 又係超難食呀!

食食吓發現咗d嘔心野囉, 下圖肥仔係負責煎漢堡扒, 當唔需要煎果陣,
佢就會去洗吓用具咁, 我突然聽到一吓打嘖嚏聲, 隨著聲響方向望過去,
原來就係呢個肥仔發出呀, 重要的是, 他只手紙巾抺手, 並無去洗手,
跟住其他員工叫出口號(每當有客人落完ORDER, 佢地就會叫出口號,
我唔係聽得幾清楚叫乜), 他就回去繼續煎扒囉!

呢間仲係標榜喻為洛杉磯及拉斯斯維加斯最佳漢堡

唔通鬼佬口味特別d

返到公司, 文迪話佢再上OPENRICE睇食評, 原來係超唔掂,
仲話頭先唔係睇呢間食評囉, 文迪真係比你激鬼死呀!

FATBURGER
Unit 2, QRE Plaza, Queen's Road East, Wanchi, H.K.
28918855

2009年7月7日星期二

牛肉火鍋放題專門店 @ 牛陣

2009年5月18日星期一

某日同事Kitty講開話去咗太子始創中心果間牛陣食牛肉火鍋放題, 我都聽過係APM果間新開張果陣成日排長龍, 我都好想去試食, Kitty話佢食最平果種澳洲牛肉(火鍋HK$100/位; Sukiyaki HK$120/位)都已經唔錯, 值得一試!

就係咁樣, 我就約咗文迪今日去試食, 佢梗係會預埋佢老公啦! 佢地仲話新開張好似有優惠價HK$88喎!

湯底方面分兩種: ShabuShabu (日式湯底、鐵觀音或豆乳湯底) or Sukiyaki (壽喜燒), 本來我&文迪想試豆乳湯底, 不過強哥比較傳統, 唔係幾喜歡試新產品(食方面), 所以我地就揀咗日或湯底! 都係食最平果種! 食完第一碟牛之後, 發現隔離枱食日本和牛(HK$240/位), 搞到我地都好想試吓兩種有乜分別, 如果中途轉又好似蝕咗比佢地, 所以都打消念頭, 留番下次再試!