２００９年１月２７日星期二
超級零零狗 (35mm菲林粵語版) (I)
97 分鐘
導演: 拜仁荷活, 基斯威廉斯
演員: 張學友 (配音), 王祖藍 (配音)
儆惡懲奸、維持正義的超級零零狗Bolt，大聲一吠令地動山搖、眼中怒火令壞蛋燒焦――這些全都是電視劇中的情節，在鏡頭以外，超級零零狗Bolt便變回一隻平凡小狗。一次意外，Bolt由荷里活片場被送到千里之外的紐約，最弊的是Bolt原來一直以為自己真的擁有超乎常人的力量，決定展開一場驚天動地的正義之旅！為了直擊邪惡核心，他先捉了大壞蛋「碧眼狐佬」的得力助手衰貓Mittens(衰，只是劇情需要)，再認識了一隻電視撈飯、經常幻想勇闖龍潭的倉鼠Rhino，展開一次撞板多過食飯、做英雄慘過做壞蛋的爆笑大冒險！
今日約細佬一家去睇戲
我地今日先決定睇乜戲呀！芍曈話要睇『超級零零狗』喎！
十一點零鐘上網Check Check邊間戲院有位先！
新元朗中心百老匯十二點九仲有四排位喎，好快ｄ出發喇！
雖然十五分鐘車程，但係我地未食早餐嘛！
十二點廿五分到達目的地，緊係去買飛先啦，好彩第四排仲有位，
跟住去咗聖安娜每人食個麵包醫住肚先！
套戲我地都覺得幾好睇，尤其是果隻貓貓，配音配得好生鬼，
我地估係劉玉翠配音，所以就去睇番張海報證實吓啦，
點知搵來搵去都無寫貓貓係乜水配音喎？
波仔去救主人果part好感人，搞到我同阿怡都眼濕濕！
好肚餓呀，快ｄ去搵野食先得！
跟住就去影貼紙相喇！
浩倫&芍曈好鬼鍾意影呀！影到唔願走！
我都唔記得自己幾多年前影過貼紙相囉！
