2008年12月28日星期日
今日姑姐&姑丈唔使湊孫，所以入嚟上水搵老豆飲早茶，
我見都兩個月無見過兩位老人家，
一於跟埋去歎茶，約咗十點鐘，老豆負責搵位（佢識得人嘛），
我好準時呀，不過姑姐&姑丈最勁，九點鐘就入到嚟，
佢地驚我未醒，所以都十點先到茶樓找我地！
期間姑姐講咗好多佢地細個果陣ｄ生活趣事（老豆好少講）！
笑到我肚痛，原來老豆咁鬼奀皮！不過就好有義氣！
唔知係咪年紀大就會喜歡懷舊呢？
飲到十二點零鐘，姑姐&姑丈話去粉嶺參觀"花鳥蟲魚展"，
反正我又得閒所以跟埋佢地去喇！
今年比往年的沒有太多東西好看，可能禽流感關係，少了"鳥"的部分，
"花"亦沒有什麼特別可觀，"蟲"亦是往年的東西，本人覺得較為特別的，
是"魚"的部分，"神州七號"你見過未？
怪怪的大魚，有點像中華鱘！
2008年12月27日星期六
Resena上兩星期打電話比我, 佢上深圳做野過關果陣見到有個鐵板燒廣告好吸引,
話帶我地(6個姊妹)上深圳試新野, 點知得我 & Amy得閒,
無所謂啦, 任食都係要比咁多錢, 三個就三個啦(不嬲都好難約齊人)!
約咗三點鐘上水港鐵站等, 過關再搭深圳地鐵!
點知個傻婆話無抄低地址, 過到深圳先再睇番個廣告喎!
比佢激鬼死, 出到深圳, 人家個廣告牌已經換咗第二樣喇!
Amy一心想試鐵板燒嘛, 無辦法啦, 為有去我地去過嘅"大漁"囉!
先到老街站(東門) Shopping, Resena帶咗我地去太陽廣場,
衫褲鞋襪無樣啱(因為好貴呀), 為有上頂樓書城行吓啦,
雖然幾蚊本, 咁都用咗我成舊水, 買咗d學習書比d姪甥睇喇!
(記得帶環保袋上去呀, 佢地d紙咁薄嘅膠袋要收錢嫁)
行到五點左右, 係時候過科學館站喇, 因為我地無訂位, 驚住無位呀,
五點半去到, 好彩無乜人(六點鐘就坐滿晒人, 好恐怖呀!),
我地得三個人, 一定唔會比房我地, 我地又無訂位,
所以安排我地坐大廳, 無得對住個鐵板, 真係好唔妥咁,
Order咗d野又亂晒龍, Order咗三四次都無得食, 有d燒烤食品仲有D凍!
足足食咗三粒鐘, 今次又唔覺得油膩喎, 唔通上次果個師父仔未學滿師?!
途經島之吉, 見到d賀年飾物又平又靚, 忍唔住又買咗幾樣喇!
米奇花燈RMB12.8(我估係上年貨尾, 所以咁平)
吉祥魚 & 發財魚各RMB2.8(手工都唔只啦)
行行吓見到d紙巾又幾靚喎, 又唔係貴, 又買埋!
Winnie the Pooh RMB5.2, 公主&米奇各RMB5.8
2008年12月26日星期五
暖暖頸巾
暖粒粒襪子
護膚之寶
護手之寶
溫暖牌頸巾
護手霜 + 自家製Cookie
香香玫瑰花
至靚 Mickey & Minnie 飛機3D砌圖
東京回來的電話繩
今年去旅行用咗好多錢, 所以只準備咗一份聖誕禮物比其中一位好友,
其他好友唔好意思呀! 出年補番數呀!
2008年12月25日星期四
今日在家搞大食會
迷你聖誕樹加迷你蛋糕
派禮物時間到喇! 小朋友們都收到喜愛的禮物!
開餐前每個家庭都影番張全家福先!
(大細妹老公要返工, 所以無佢份)
老豆煮嘅咖喱根腩煲, 配埋印度薄餅, 絕配呀!
肉醬意粉係我整, 個個食到讚不停!
大蝦薯仔雜果沙津係細佬老婆撚手菜!
試用飯煲焗鹽焗雞, 原來真係得! 不過唔係幾夠味!
元氣壽司拼盤, 又幾新鮮喎!
吉之島買咗松葉蟹腳 & 芝士黃金蠔, 蟹腳無上次咁好味!
細佬焗得d 蠔又真係好黃金喎! 雖然係細隻d, 不過味道又唔錯喎!
