釜山首爾賞櫻豪食5天自由行 - Day 1 機張松葉蟹~~

酒店搞掂check-in, 跟住就去搵食喇~~
釜山第一餐要食好d~~

酒店隔離就係釜山地鐵站8號入口喇~~ 十分方便~~

地鐵站有晒中英韓文, 唔使驚唔識買飛啦~~

我地買全日通用飛, 每位 W3,500, 搭得3程就回本啦~~

先到釜田地鐵站再轉釜田火車站~~
釜田地鐵站1號出口就見到好靚士多啤梨呀~~ W10,000一盤, 好抵呀~~
不過我地無買嚟食呀~~

向前行就會見到警局, 隔離就係釜田火車站喇~~

買咗3 Day KR-PASS 先要去換飛至可以搭車架~~

好殘舊的火車呀~~

釜田去機張, 大約半小時~~

車上得意妹妹~~

原來第3個站就係機張站喇~~

因為班次唔多, 我地可以係火車軌影相~~

我地仲要經過路軌先可以去到驛站候車室呀~~

Mingle見到佢至愛炒年糕, 即刻要食啦~~

呢條就係機張海鮮街喇~~

呢舊好似牛脷物體, 唔知係乜東東??? 最衰唔識火星話啦~~

成舊豬紅又唔知係乜??

好生猛八爪魚呀~~

怪怪的海菠蘿呀~~

呢度好多食蟹舖頭, 都唔知揀邊間好~~

呢間好熟面口喎~~ 原來就係我地睇人地個 Blog食果間呀~~ 一於呢間食啦~~

我地揀咗3隻松葉蟹 (W45,000), 比人地個Blog寫貴咗成皮野呀~~
阿朱媽話紙水高咗喎, 已經計平咗我地喇~~

先嚟前菜~~

我地3隻蟹係21號箱蒸梗~~

兩位阿朱媽唔使3分鐘就拆晒3隻蟹喇~~

呢度d松葉蟹真係好鮮好甜, W30,000/1kg, 我地3隻1.6kg, 收我地W45,000~~

蟹膏點整好, 見人地個 Blog用嚟炒飯, 我地又試吓囉~~

蟹膏加紫菜再加上蟹子, 又真係好好味喎~~

炒飯加送麵豉湯~~

唔好睇少佢, 原來都食得我地飽飽飽飽~~

W45,000 蟹, W2,000蒸蟹人頭費, W2,000蟹膏炒飯, 呢餐食咗 W61,000 (~HK455)

呢間舖原來上過電視喎~~

仲有明星幫襯過~~ 不過我地唔係好熟悉韓國明星囉~~

食飽飽走人~~

周街都有米通買~~

下一站：海雲台海水浴場

釜山首爾賞櫻豪食5天自由行 - Day 1 出發喇~~

第一天：香港機場 > 仁川機場 > 機場巴士 >首爾火車站 KTX > 釜山火車站  > 釜山東橫 Inn Check-in > 釜山地鐵站 > 釜田地鐵站 > 釜田火車站 > 機張火車站 > 午餐機張食松葉蟹 > 海雲台火車站 > 海雲台海水浴場 > 海雲台地鐵站 > 廣安地鐵站 > 廣安大橋 > 西面地鐵站 > 西面樂天百貨 > 晚餐西面帳篷 > 釜山地鐵站 > 釜山東橫 Inn Check-in

2011年4月3日凌時三十分乘搭韓亞航空 OZ 724航班往首爾仁川機場~~

航班準時起飛~~

大約3個半小時航程, 最佳節目梗係打機啦~~

係時候食飛機餐喇~~ 佢地食雞飯~~

我食炒麵~~ 唔掂~~

呢舊甜品賣相好唔得, 婷婷試食之後話好唔掂, 所以我都無食到~~

食飽又係時候眠一眠, 估吓佢係邊個......... 開估....... Mingle呀~~
閃光燈閃親佢, 比佢鬧咗兩句~~

3個半鐘好快就過去喇~~
我地d行李係20號Line出梗嚟呀~~

過完海關, 第一時間去換錢, 聽其他Blog友話KEB呢度個Rate最好喎~~
HK$1 : 134 Won, 嘩~~~ 好貴呀~~~

呢包係蛋撻家姐叫買, 我地買包試食先~~

跟住就去5B出口搵6015機場巴士去首爾火車站 (10,000 Won)~~

我地係網上 Download 咗 Coupon, 慳番 1,000 Won呀~~
http://hk.myblog.yahoo.com/maytso/article?mid=4952

大約一個鐘就到落車點喇~~
原來唔係停係首爾火車站門口, 仲要向前行多8-10分鐘先到呀~~

前面就係首爾火車站喇~~ 我地就係呢度搭 KTX 去釜山喇~~

係香港要網上訂定飛, 嚟到就去比錢換車飛~~
如果淨係買 KTX 去釜山要 51,200 Won, 來回就要 102,400 Won~~
但係買 3 Day KR Pass只要 76,100 Won, 持有KR Pass可免費搭乘KORAIL營運的所有列車一般席位, KTX、新村號、無窮花號等自由選擇, 梗係買 3 Day KR Pass啦, 第3日我地要返首爾嘛~~

搞掂車飛仲有成粒鐘時間, 去食個早餐先啦~~
車站3樓有個 food court, 但係全部都係火星文, 又無圖片睇喎~~
我地唔識睇, 唔識講, 都唔知點算好, 為有睇吓人家食梗乜啦, 見OK就指比收銀果個阿朱媽知, 又攞旅遊書d圖片比佢睇, 問吓有冇我地想食嘅野~~

討論完, 大家都話唔係好肚餓, 決定叫3個餐4人食~~
婷婷點的伴飯, 完全唔係我地想要咁樣, 不過都好味~~

卡旻e點的炸醬麵~~
睇韓劇成日都見佢地食呢個麵, 梗係要試吓啦~~ 都幾好味喎~~

Mingle點的凍米粉, 睇番相先知我地原來食過3餐類似呢碗粉, 不過呢度最唔好食~~

4個人食3個餐, 估唔到大家原來咁肚餓喎~~

食飽夠鐘搭 KTX 喇~~

估唔到星期日都無乜人搭車, 成卡車箱比我地包晒~~

夠鐘開車~~ 兩個鐘頭四十分鐘就會到達釜山火車站喇~~

遲咗5分鐘到達釜山~~

釜山火車站隔離就係我地要住的地方 - 橫東INN喇~~

釜山首爾賞櫻豪食5天自由行 - 行程計劃

一個月前
Mingle：卡旻ｅ今年諗住去邊度旅行？
卡旻ｅ：未諗喎！！

Mingle：不如去韓國啦，我未去過呀~~ 舊年有朋友去完返嚟話好正喎~~

卡旻ｅ：首爾我去過兩次喇~~ 不過都係跟團去~~

Mingle：去釜山賞櫻食海鮮呀~~ 4月頭出發，你去搵料，我去訂機票~~

卡旻ｅ：OK~~ 4月可以去賞櫻喎~~

一個月後終於搞咗個行程出嚟喇~~ 韓文我地唔識睇、唔識寫、唔識講，今個旅程一定好難忘啦~~

~~ 泡菜國4月3日見啦~~



第一天: 香港機場 > 仁川機場 > 首爾站KTX往釜山 > 釜山東橫Inn放行李 > Lunch Time (海雲台湯飯/烤肉店/機張食松葉蟹) > 海雲台市場 > 海雲台海水浴場 > 迎月路賞櫻 > 海月亭 > E-mart > 南浦洞PIFF > 龍頭山公園 釜山塔 (睇夜景) > 札嘎其水產市場Dinner >釜山東橫Inn

第二天: 東橫Inn早餐 > 釜山站往沙上站西部巴士站 > 鎮海市 > 帝皇山公園> 海軍仕官學校紀念公園及博物館 > 中原路軍港祭攤檔小食Lunch  > 北原路忠武銅像 > 海軍基地司令部 > 余佐川橋賞櫻 (“羅曼史”拍攝地) > 中原路軍樂表演 > 西面帳蓬Dinner > 釜山東橫Inn

第三天: 釜山東橫Inn早餐 > 釜山KTX往首爾 > 首爾東大門東橫Inn Check-in > 鷺梁津水產市場Lunch > 汝矣島 > 南山N首爾塔 > Lotte Mart > 東大門Doota >東大門東橫Inn

第四天：東大門東橫INN早餐 > 德壽宮(換崗儀式) > 三清洞Lunch > 景福宮(國立古宮博物館+國立民俗博物館)  > 明洞教堂 > 明洞購物 > 樂天免稅店 > Dinner > 南大門 > 東大門東橫Inn

第五天：東大門東橫INN早餐 > 清溪川 > Lunch > 仁川機場 >香港機場