喜怒哀樂的一天

２００９年２月１０日星期二

喜：今日係老豆&柏晞西曆生日，又會咁啱同公公同月同日喎！祝生日快樂！身體健康！

怒：最討厭幫果ｄ同事做野，仲要去到會展咁鬼麻煩，時間又唔拖唔水，想唔返公司都唔得！

哀：幫佢地做野不特止，最慘係佢地頒獎比ｄ無良顧主，搞到百幾個記者到場戒備（往年得十個八個），又有人嚟抗議，又有人嚟遞請願信，容乜易殺錯良民呀！

樂：好彩！NatNat約我地去稻香打邊爐，一個病都要去食，一個放假都專登過海嚟食，一個好耐都無同我地去Wet都出埋嚟，咁就開心晒啦！

發現咗SaSa有"退休前坤人綜合症"！本來佢都要去會展做野，點知返工途中好唔C服，好想嘔又嘔唔出，又頭暈，又有兩聲咳，終於無去到，就咁返咗公司喇，叫佢返屋企又唔返，仲話睇完醫生就去打邊爐，你話係唔係病發喇！

文迪澄願放年假都唔想過會展做野，但叫佢去打邊爐就話好！好！好！

諗諗吓，上次阿Kit過開嚟，話有節目記得搵埋佢，就MSN佢睇吓佢得唔得閒先，佢就話放工即到，仲問Coey妹妹會唔會嚟，好可惜Coey妹妹要返學，唔係就更加高興啦！

稻香水準不嬲都好正，我地都係食例牌野，不過今次叫咗黃色粒粒（南瓜包心湯丸）嚟試，聽個名就好好味，食落就口都歪埋，跟住嚟個海鮮拼盤又有幾粒，搞到我地成碟都未食到呀！

五十二年來@最圓最大的元宵節月亮

２００９年２月９日星期一

放工回家途中，突然收到NatNat來電，以為佢明天會請我食飯呀！

原來佢叫我留意今晚的月亮！

今年元宵節不僅是五十二年來最圓最大的元宵節月亮，也適逢「半影 月食」天文現象。

拿拿淋攞部相機出嚟影幾相留念先！

 

真係難得一見又大又圓的月亮呀，但係我就無留意到「半影 月食」喇！掛住睇電視，都唔記得要睇埋「半影 月食」！

二月份生日會@老豆

２００９年２月８日星期日

 

老豆佢係正月十五生日，因為就親戚朋友，所以今日宴客。

老豆原來都６８歲喇，自從擺完６０大壽之後，跟住幾年都係ｄ親戚朋友叫老豆繼續搞，新年期間可以當團拜咁喎！老豆又要面喎，又話要ｄ親戚朋友食好ｄ，其實就搵我地嚟搞，收收埋埋ｄ禮都唔夠找數，要我地幾兄弟姊妹夾埋一份！不過至緊要係老豆開心啦，使多少少錢都無問題啦，佢日日都煮飯過我地吃，今日比佢威吓啦！

p.s. 今日好鬼慘，打麻雀輸咗我成千蚊呀！

二月份生日會@自家煮

２００９年２月７日星期六

今日為柏晞慶祝兩歲生日，１０號先係佢正日，邀請咗表哥表姐表妹朋友仔一齊嚟飲飲食食玩玩，好開心呀！

齊齊唱生日歌！

柏晞：明明係我生日，點解拆禮物唔係我專利呀？哥哥&表姐做乜幫我拆呀？

玩到四點左右，芍曈&柏緯話想去睇崖上的波兒，打個電話去粉嶺戲院睇睇有冇得做啦，點知仲有喎，仲要開４點１０分，拿拿淋著鞋，本來５分鐘路程，我、芍曈＆柏緯用咗３分鐘就到達目的地喇！時間啱啱好等開場！

雖然唔係好多人嚟睇戲（三四十人啦），但係都好熱鬧，可能係大部份都係小朋友啦，整場戲都會聽到小朋友問大人問題，我帶果兩個亦不例外，波兒點算呀？宗介見唔到波兒呀？點解波兒變咗隻雞？點解波兒係金魚？．．．．一路睇就一路問，好多大人都叫自己ｄ小朋友細聲ｄ啦，但係小朋友又點會理會，睇得好緊張又照樣繼續問！

崖上的波兒
101 分鐘
導演: 宮崎駿

故事發生於一個仍然憧憬有魔法及奇蹟發生的世界，場景是位於海邊的小鎮及懸崖上的小屋。小魚波兒一次偶然機會下遇上男孩宗介，成為好友。為了要跟好友一起生活，波兒不惜冒險，離開熟悉的海洋，希望成為人類。而宗介，亦一諾千金，為好友保守著一個承諾。

這兩張相都係網上搵到，唔係我自己影呀！

在北區，淨係得番呢一間粉嶺戲院，這間戲院歷史久遠呀！我諗我都有廿幾年無係呢度睇戲喇，自從迷你戲院的出現，這樣大的戲院真的不知還有多少？

她亦要隨著時代轉變，雖然外貌沒有改變，門口位置改了，由一間大戲院變為兩間小戲院了，但又不至於迷你果種喎！每間我估計都有二三百個座位！戲票依然係由人手用紅筆寫上你選購的坐位編號（哎呀，唔記得影張戲票呀！）

神機妙算@優子姓名學

今朝睇到個BLOG友Post咗這個玩意，我都唔執輸走入去玩玩，好似都幾鬼準喎！有興趣都去玩吓啦！得個笑字都好呀！

真係唔怕生壞命，至怕改壞名！

 

神機妙算@優子姓名學

http://www.fatemaster.tw/fname.php?n1=&n2_1=&n2_2=&button=%E9%80%81%E5%87%BA&nword=all

整體命格

 

機運好、貴人多，易得到重視、欣賞，女孩易嫁入豪門。

 

個性分析

內在想法(女)

*頭腦反應快，模仿學習力強
*個性主動積極，但也急性子
*在不如自己意時會搞小團體，或者做一些挑撥的事
*性格比較激烈急躁，是個耐心不足的女孩子
*對自己要求比較嚴格，在團隊中也不甘願認輸，比較好強

外在行動(女)

*喜歡以和為貴，不喜歡衝突場面
*對於他人的意見都會聽，學習新的事物也很認真
*態度溫和、好溝通
*生性樂觀比較沒有危機意識，習慣把煩惱留給明天
*由於個性很好，老中青三代都會很喜歡

感情運(女)

*初戀通常會傷得很重，而從此害怕再談戀愛
*重視對方的經濟、生活能力，才會對另一半放心
*無法忍受另一半的不忠，一旦被懷疑就無法原諒
*要交男友前會有一段比較長的觀察期，來測試對方是否真心
*婚後會沉浸在家庭生活中，用心經營家庭

工作運

只要有一份薪水過日子、可以安穩的享受人生就足夠了，生性較被動。

財運

財運比較弱，可以訓練靠嘴賺錢，主動、不可懶惰，錢才會賺得多賺得快。