三五成群澳門兩天遊@第一天上半場

2008年10月24日星期五

 

自從睇過阿蘇&蔡瀾在節目裡介紹過的澳門美食之後，同事們都顯得十分雀躍，有見及此，大家便決定來個吃喝玩樂兩天遊，今次成員有文迪、SASA、芳芳、Joyce & 卡旻ｅ。不過就分兩組出發，我、文迪&SASA就約咗九點鐘係信德中心食早餐。

 

第一站 - 美心快餐食個豐富早餐，期間有個女人坐咗係文迪隔離，唔係咁邪呀，文迪咁都撞到熟人？

唔係！原來想sale船飛，七十蚊去氹仔，嘩！使唔使咁平呀！最衰我地已經買咗套票（係中旅社買，格蘭酒店＋二人來回Turbojet船飛，再送咀香園蛋卷一盒、漁人碼頭懷舊一條街刨冰兩杯及博物館入場劵兩張，不過入場劵送晒，所以今次無份，升級豪華客房，都係HK$1042，超值！）

 

$21

 

我地搭十點鐘船，食飽飽就即刻去攞位，過海關，向澳門出發！SASA就好啦，上船無耐就已入睡，我同文迪傾傾講講都好快到達咗澳門喇！

 

辦好入境手續，先到澳門旅遊詢問處攞張地圖，睇吓有乜車去我地目的地

東望洋炮台(包括聖母雪地殿聖堂及燈塔)，

搭12號巴士途經二龍頭公園，公園入口有觀光纜車直達松山山頂。

（纜車票價：單程 3 元，雙程 5 元。）

澳門巴士超抵搭，$2.5就可以走勻澳門島咁滯，真係搭到我地頭都暈！

 

天文台又話轉涼，呃人呀！點知上到山熱到我地死死吓，你地睇吓有幾熱！

 

搞到SASA猛話要飲汽水，順返條氣先可以繼續上山，終於上到山頂喇，又真係幾靚喎！

  

行咗一個圈就落山坐纜車去睇吓二龍公園隻黑熊，可能晒得滯，緣慳一面！

去片睇精華照片啦！

  

 

係時候食晏，發現對面街就係阿蘇介紹鬥辣果間咖喱文，一於就去試吓，

我地有勁辣王SA姨，怕你咩！

牛根米及牛腩米各$16，魚蛋、魷魚、菜$50，汽水$7

 

原來ｄ辣係自己加上去，對於我地SA姨來講，濕濕碎啦！

期間個伙計昅住我地部相機，又問我地好唔好用，影得靚唔靚，易唔易操作，

要幾多錢，見佢個樣咸咸濕濕咁，真係唔係好想啋佢！

埋單找數去搵禮記雪糕，問個伙計點去，竟然話唔識，都唔知係唔係我地唔多啋佢，所以唔話我地知，好叻咩，我地自己唔識搵咩！

，好彩個老細好人，走出嚟教我地點去！

 

行咗成十五分鐘右左，終於搵到禮記喇，終於可以食我細個果陣至食過嘅雪糕三文冶呀！

加埋杯菠蘿冰，消暑晒囉！

雪糕三文冶$8.5、紅豆冰&菠蘿冰各$11

 

收到Jocye短訊，佢同芳芳已上了兩點鐘班船，我地係時候去碼頭等埋一齊去酒店Check-in，諗住搭的士，等極都等唔到，為有一路行一路搵的士或巴士啦，經過一間內衣店，SASA話要買Barbar喎！比佢買埋先啦，終於搵到巴士站喇，點解兩三點時間都咁鬼多人搭車呀！迫鬼人咩！

 

 上半場完

    

李柏緯個人畫展@自家人

自畫像

媽咪

爸爸

細佬

公公

婆婆

我地一家人都係同一餅印！

新秀歌唱大賽2008@李柏緯

錄製於2008年6月21日

十月份生日會@蓮香樓

2008年10月29日星期二

 

 

 

因為有兩位主角，所以要有兩個Happy Birthday，

我代表埋海銅、苑晴恭喜晒兩位主角 - 美珍 & 米雪

 大家都好忙，有的忙工作、有的忙湊仔女、有的忙社交活動，

終於約到今日喇！

傾咗好耐先至決定到去蓮香樓，係我提議的，話說有一次，

同事N帶過我去食一次，好回味果隻八寶鴨，咁啱其他人又未食過喎，

叫佢地上openrice.com睇吓人地ｄ食評，個個都話正正正！

 

 

食具好靚呀，印晒ｄ蓮花係度呀！

 

醬燒骨，睇個樣以為"鞋十十"，食咗一啖就停唔到口喇！

 

八寶鴨好搞笑，有隻匙羹插係個肚度，肚入邊有ｄ蓮子、栗子、蛋黃......

炆到淋晒，入口即融，如果多ｄ汁仲正呀！

 

煎藕餅，香口，無油淋淋感覺！

 

上湯浸豆苗，清甜！

 

雞蛋焗魚腸，N年前食過，我覺得麻麻，海銅就非常欣賞！

 

附送綠豆沙，唔掂，超甜，我煲得好食過佢！

 

焗西米布甸 (蓮蓉餡)，布甸味道沒有過甜而且有強勁的椰香味，

口感順滑，如果能把面層焗至焦香，就更加好！

不過太大碟，我地只食了四分一，其他就叫海銅攞返屋企同佢老公慶祝生日！

 

仲有一味薑汁炒芥蘭，掛住食唔記得影相，唔夠薑汁味！

 

我地五條友竟然可以食六餸兩甜品，雖然份量唔係好大碟，

但碟碟清倉，想唔肥都唔得啦！

埋單HK$509，唔收加一，比夠HK$520 (用普通話讀音就知點解)，Happy！

 

p.s. 同事N叫我記得試食辣椒油，又正係好香喎！

自家煮@鮑汁鳳爪

2008年11月2日星期日

 

上星期五Lunch去咗某酒樓飲茶，叫我我地必食嘅【鮑汁鳳爪﹞，

咁我就口多多話要試吓自己整番餐，見今日有時間就開工喇！

預咗同事們做白老鼠，睇吓今次有幾多分先得！

 

 

以下為本人認為係咁樣做！

材料：鳳爪二十隻、花生半斤、鮑汁一支

做法：先將鳳爪修甲加薑汆水後過冷河再浸冰水

花生浸水後煲淋

開水加雞粉、糖煮開後加入鳳爪煮至鳳爪淋身

再加花生鮑汁再煮二十分鐘左右，搞掂！

 

 

鳴謝老豆從旁指導