減磅前的最後豐富海鮮餐

2010年3月8日

今日真係食得好豐富, 午餐就同老細去食Buffet, 夜晚就約咗主持人芳芳, Mandy & 強哥兩公婆, 手作仔Joyce, 芳芳乖仔阿康, 當然唔少得死肥Ken啦~~ 去食海鮮大餐呀~~

如果今日唔係醫生打電話嚟通知出咗報告, 我一定會食得更多更開心呀!

無辦法啦, 鬼叫自己為食又唔願去做運動, 終於都出現3高喇~~ 膽固醇高、尿酸高、三酸甘油脂高, 高高高, 想唔認真去減下磅都唔得喇~~ 唔係以後乜都無得食呀!

因為芳芳比較熟悉呢度, 鴨脷洲大街鴨脷洲市政大廈裡邊間栢記, 所以就將海鮮交比佢地喇~~

先來點小吃, 韮菜豬紅夠入味~~

沙薑鳳爪, 正正正~~~

蒜蓉粉絲蒸扇貝, 好大粒呀~~~

枇杷豆腐, 脆脆脆~~~

死肥Ken話一定要飲湯喎~~ 豆腐豬肝西洋菜魚湯, 好咸呀~~

蒸XX魚, 因為芳芳唔記得賣魚佬話呢條係乜魚, 好UN呀~~ 要用較剪先剪得開呀~~

果皮蒸大連鮑魚, 好林呀~~

康仔最鍾意食蒸水蛋, 食咗3碗飯呀~~

椒鹽大蝦, I like it~~ 無奈唔敢食太多, 食咗兩大隻~~

Joyce至愛薑蔥蠔, 唔使預我喇~~

飽到上心口, 死肥Ken仲話要食蠔油撈粗麵, 不過真係好好味~~

七個人食咗咁多野, 真係誇呀! 呢度咁多野連工包料都係食咗$1080, 超抵食呀~~

之後仲話要去大佳B食甜品, 好彩搬咗去第二度, 我驚自己獲利回吐呀~~~

重慶麻辣火鍋@來來食坊

2010年3月7日

 

今日本來約Mingle & K仔返大陸搵野食, 點知氣溫突然下降又帶雨, 所以轉馱去咗元朗食重慶麻辣火鍋, Mingle仲約咗另外4位朋友一齊食, 每人都係$60, 非常抵食! 不過Mingle佢地就慘d, 加送牛肉乾一張$320, 變咗唔抵食囉! hahahaha!

 

 

舖頭裡面細細的, 所以大多數都是在舖頭出面放枱呀! 我地亦唔例外, 就坐大坑渠隔離! 仲有微雨相伴呀~~

 

 

先來一個麻辣鴛鴦鍋做湯底, 真係好麻呀~~~

 配雜錦火鍋料, 麻辣滾肉類, 清湯滾菜類, 絕配呀~~

再來一個重慶香辣雞煲, Yummy Yummy~~

還有三小吃, 拍青瓜、鳳爪&豬耳, good good good!!!

來來食坊
元朗裕榮徑好旺洋樓地下16號舖
2443 3980

團拜@深圳中心城 (光陽烤肉韓國料理)

2010年2月27日

今日本來約咗幾位姊妹團拜, 點知比其中3條友仔放飛機, 又係得番Resena & Amy, 難得約咗, 我地3個照去覓食吹吹水啦, 經Resena朋友介紹, 我地就決定北上, 去咗深圳中心城呢間【光陽烤肉韓國料理】, 我地順道逛逛【家樂福】。

 

下午先行行街, 中心城呢個商場好大好乾淨, 仲賣好多名牌野, 不過我地就揀咗行家樂福, 經濟實惠嘛~~
無啦啦都用咗RMB116買咗d無聊野~~

7點左右就去咗呢間光陽烤肉韓國料理食韓燒, 我地叫咗一個RMB258套餐, 包括調味牛排、牛里脊、開心烤牛肉、胸叉肉、牛舌、生牛排、五小碟、大醬湯、蔬菜拼盤及生果, 另再加了一個石頭鍋飯。結帳RMB306! 都算抵食啦~~

有專人為你服務!

 

光陽烤肉韓國料理
福田中心區福華一路3號中心城廣場

老豆舊曆生日@上水海港燒鵝海鮮酒家

2010年2月28日

今日係老豆舊曆生日, 邀請咗親戚朋友為老豆慶祝, 延開5席, 大人細路都好開心呀~~

老豆, 祝你福如東海! 壽比南山!

咁啱今日又係強少新曆生日, 在此祝你身體健康! 老婆年年都咁靚! 兩隻馬騮日日都聽教聽話!

 

公司團年飯@今年又抽到獎呀!

2010年2月12日星期五年廿九

 

今日係公司食團年午飯的大日子, 等咗成年就係等今日,
睇吓自己年尾可唔可以執個尾彩呀!

雖然唔係平面大電視機、超時尚手提電腦、多功能手提電話.....
抽中獎已經係LUCKY!

今年我抽到d乜野..........

兩頭鮑魚....唔係, 官燕棧兩件裝罐頭鮑魚一罐&鮮鮑汁一支

 

總好過Noel抽到果份由社企捐出嚟嘅社企產品, 舊年我都抽過呀!
http://hk.myblog.yahoo.com/wym1115carman/article?mid=479
哈!哈!哈!哈!哈!哈!哈!哈!

 

除咗我抽到獎, 同team同事都好lucky呀!
虎年我地有運行呀!

 

今年個菜單好似正過舊年喎, 唔通真係個市好咗?
不過甜品都係食番水晶包&紅豆沙湯丸好d囉!

 

例牌遊戲, 估重量, 今年都係估唔中囉!

 

今年到文迪攞15年長期服務獎呀, 仲比佢抽埋個枱獎添!
乜原來識咗文迪咁鬼耐喇! 老朋友嚟喎!

 

今年我地有點失策, 霸唔到一張枱同班好姊妹坐埋一齊呀!
最鬼衰都係Noel la!

 

最後嚟張CM大合照!

 

祝大家虎虎生威! 龍精虎猛! 心想事成! 得心應手!