釜山首爾賞櫻豪食5天自由行 - 戰利品

去旅行少不免都要買d手信啦~~

Resena個女知我去韓國, 就叫我記得幫佢買 SS501產品~~
唉! 我都唔知邊個打邊個, 為咗唔令細路女失望, 去到明洞見到有專買韓星Poster店舖, 拿拿淋問有冇啦~~ 好彩比我買呀~~ 佢收到之後超級開心呀~~

係明洞見到有XO袜第一時間買啦~~ 雖然唔會著, 要嚟睇都好呀~~
粉紅色手袋一見到就好鐘意喇~~
4盒Skin Food眼部精華, 兩盒幫人買, 兩盒送比兩個妹啦~~
TheFaceShop面膜咁鬼平唔買唔得啦~~
Laneige Water sleeping pack_EX不嬲都用開, 雖然唔係平, 心理上韓國係正貨嘛~~
GEM MIRACLE Black Pearl O2 Bubble Mask, 比個姐姐sale到好好咁, 幾十文買嚟試吓囉~~

韓國袜都幾出名, 買比姨甥就最啱啦~~

魷魚絲, 人買我又買囉~~

呢d全部都係贈品, 係明洞, 只要你肯入店舖睇睇野, 佢地都會送比你架~~

櫻花餅, 淨係4月份中原路軍港祭先有得買架~~

最唔想買, 但又買咗~~ 唉! 好似鼓勵佢繼續食咁~~

原來係超市買手信仲平d呀~~
最特別係綠色的牙籤, 聽聞會自然分解架~~

係明洞搵咗成晚, 傳說中超正護手護腳霜, 1000won一支, 做手信一流呀~~

最後衝刺, Laneige 咁好用, 都係買多少少存貨先~~
Skin Food 蜂蜜泡泡洗面, 人家話好用, 又買嚟試吓囉~~

又係贈品~~

釜山首爾賞櫻豪食5天自由行 - Day 5 東大門Doota + Lotte Mart

2011年4月7日

終於到咗最後一日喇~~

本來係去清溪川遊覽, 再去惠化站食三層肉架, 天氣報告真係好準呀~~

落雨呀~~

為有改室內節目啦~~ Shopping是也~~

因為1000就要check-out, 所以我地先把行李放於大堂, 由酒店幫我地保管~~

佢地3個第一時間就要在Facebook報告：最後一天唔好落雨得唔得呀~~

換來的回應是：算你地好彩啦, 最後一天先至落雨~~

食過輕便早餐就開始我地最後一日行程喇~~

先到附近 Doota行陣先, 睇睇晏d會唔會出陽光~~

由於時間尚早, 我地要等開門呀~~

行完Doota, 跟住行埋 Hello apM, 雨依然很大, 清溪川都係去唔成喇~~

為有轉戰Lotte Mart, 坐地鐵到首爾站再 Shopping~~

呢間大型超市乜都有得買呀~~ 新鮮水種蔬菜、韓國泡菜, 甚至連韓國十蚊店都有呀~~

Shopping真係會唔知時間, 搞到唔夠時間去惠化站食三層肉呀~~ (呢個我好想食架 )

最後都係過番東大門是旦搵間食肆搞掂~~

真係又會咁鬼啱, 呢度又係食凍麵架, 不過就無咁齋, 有燒牛肉做餸架~~

食完碗麵都好似唔係幾飽咁, 見到呢個南瓜魚魚三文治又咁鬼吸引喎~~

最重要係領隊都話想食嘛~~

好彩機場巴士6001就係我地酒店門口, 準時趕得到1345班車~~

大概個半鐘頭車程, 就到咗機場喇~~

等咗成半粒鐘都仲未見到我地要搭班機出現, 後來先知呢個牌壞鬼咗囉~~

攞咗登機証, 準備去41號閘口, 點知聽到又話廣播要改去33號閘口喎~~

嚟到33號閘口, 一個職員都無喎, 會唔會我地聽錯呀?

廣播又嚟呀~~ OZ 723航班要延遲呀~~

本來1950起飛, 變咗係咗先可以登機囉~~

準備起飛喇~~

魚飯又幾好味喎~~

三個幾鐘到達香港喇~~

行李唔該你快出d出嚟啦, 我地要趕搭2400尾班巴士呀~~

好彩今次順順利利~~

5天行程告一段落~~

釜山首爾賞櫻豪食5天自由行 - Day 4 南山N首爾塔

行完南大門, 睇過地圖, N首爾塔就係附近, 所以我地決定唔搭車, 行路過去~~

行都咁上下在遠遠見到首爾塔喇~~ 目標在望呀~~

越行越唔對路, 點解搵唔到目標方向架~~

好彩有位好心阿朱媽帶路, 終於由小徑出番大路,

首爾地標南山N首爾塔就係對面呀~~

行落隧道就可以過到對面, 再向山方向行~~

好快就到咗搭玻璃升降機上纜車站喇~~

搭纜車需要 7,500 WON 來回~~

幾分鐘就到達山頂喇~~

我覺得日頭的首爾塔無晚間的首爾塔漂亮呀~~

係首爾塔廣場仲有泰迪熊博物館呀~~

展望台套票 (泰迪熊博物館 + N首爾塔展望台) 需要 12,000 WON, 領隊話咁貴唔值得睇喎~~  

呢度仲有好多好多鎖, 估計都係用嚟呃情侶的把戲啦~~

根本唔使上展望台都可以觀看到首爾全景~~ 如果可以留到夜晚, 呢度個夜景應該都唔錯呀~~

又係夠鐘搵食時間, 因為落番山就係明洞, 擺明就係比時間我地再次 Shopping 啦~~ 領隊話比多兩個鐘 Shopping 時間, 跟住就去食晚飯~~

我同領隊經過呢間食肆好吸引, 咁啱又見到有香港人幫襯, 決定就食呢間啦~~

呢度只有幾款食品選擇~~

我地揀咗海鮮燉雞, 有少少辣, 底部的粉絲吸滿美味汁, 十分之正呀~~

韓國無理由唔食人蔘雞呀~~

食飽飽就返酒店喇~~

看看酒店附近的夜景都唔錯喎~~

 

第四天行程完畢