2009年10月4日星期日
為迎接國慶六十周年，北區民政事務處及北區區議會將於星期日，舉行「慶賀建國六十周年北區大巡遊暨回歸紀念園開幕典禮」，歡迎市民一同參與，分享國慶的歡樂氣氛。
起點就在我家隔離的北區運動場, 我都唔執書梗係要去八一八啦! 的確好精彩, 尤其是果隻巨獅, 平時見到果d多數都係2個人去舞, 呢隻巨獅淨係個頭都要6-8個人去舞, 條尾就有十幾廿人呀! 真係好勁囉!
新落成的回歸紀念園位於上水馬會道，鄰近龍琛路體育館，由北區區議會透過地區小型工程計劃撥款興建，紀念九七回歸時，解放軍駐港部隊途經馬會道進駐香港的重要時刻。園內擺放了回歸當日居民向抵港駐軍送上的「威武文明之師」牌匾、士兵人像雕塑及回歸時新界各區慶祝活動的資料及相片，讓市民回顧當年慶祝回歸的盛況。
2009年9月14日星期一
今日Maria在公司最後一日上班, 佢部門同事約咗食午餐, 由於我&Ken哥都同佢地都有密切關係, 所以就跟埋去食喇!
距離公司有三個叮叮站, 本想步行去的, 因臣爵迫近所以都要搭叮叮啦!
每位$80, 2位起, 包括: 小菜(有48款任你揀)、老火靚湯、白飯(可以加添)或白粥、清菜、甜品, 我地6個人, 所以點了6味小菜喇!
先來一碗話無味精的章魚節瓜湯,
我唔係好知有冇放味精, 同事們都話無, 好香好清甜!
今日清菜: 白芍油麥菜, 原來咁樣都幾好食喎!
鮑汁鵝掌煲: 鵝掌夠淋, 不過就得4隻, 鮑汁味唔係好重!
羅定豆豉雞煲: 好香, 雞滑, 不過勁多油!
名門秘製骨: 用陳皮醃製後酥炸, 超好味, 雖然要減梗磅都食咗兩舊呀!
順德煎釀鯪魚: 魚肉好鮮, 不過個豆豉汁就濃左d!
順德焗魚腸: 焗得漲卜卜, 魚腸洗得好乾淨, 無肥膏, 香而無腥味,
焗得好乾身, 因怕膽固醇高, 只試了一小匙!
麵醬肉鬆蒸豆腐: 呢個第二好味, 一定叫老豆試整過我吃!
今日甜品係木瓜雪耳糖水, 普普通通啦, 都係金源糖水好食d!
整體嚟講味道都唔錯, 不過我就感覺唔到係私房菜囉!
灣仔灣仔道93-97號聯泰大廈二樓
2573-2668
天 文 台 傍 晚 六 時 或 之 前 改 發 八 號 熱 帶 氣 旋 警 告 2009-09-14 HKT 16:03 天 文 台 說 ， 預 計 在 傍 晚 6 時 正 或 以 前 發 出 八 號 熱 帶 氣 旋 警 告 信 號 ， 本 港 風 勢 將 會 加 強 。 政 府 提 醒 返 家 路 程 偏 遠 、 轉 折 或 居 住 離 島 的 市 民 ， 應 啟 程 回 家 。 政 府 已 通 知 屬 下 此 類 員 工 下 班 。 教 育 局 宣 布 ， 所 有 學 校 今 日 停 課 。 學 校 應 實 施 應 變 措 施 ， 確 保 學 生 安 全 ， 並 在 安 全 情 況 下 ， 安 排 學 生 返 家 。
公司宣布4:45-5:00可以準備放工!
