檸檬蜜糖 & 檸檬醋

2016年5月30日

有時又要浸定喇！

試新店@鴛鴦口味 Yuan Yang Cafe

2016年5月30日


今日約埋 Bingi & Peggy去利東街試新店，但入口在春園街方向，這裡摩登得嚟又有d復古！ 食物方面好OK呀！如果價錢平番少少就好啦！

稻鄉食物文化博物館

2016年5月29日

今日約咗大細細妹去火炭參觀稻鄉食物文化博物館，要成個月前在網上預約架！
http://www.taoheung.com.hk/tc/museum/museum_p/index.html

先在林德記食個午餐，今日等咗半小時先有位呀！不過好味自然唔怕等啦！

跟住就坐東鐵到火炭後，步行到稻苗學院，上1樓就係稻鄉食物文化博物館喇！

馬騮們在這裡玩得很開心，又可以增廣見聞，是一個不錯的親子地方！

參觀完就去細細妹屋企黐餐，今晚由細妹夫做大廚，他炮製上湯大蝦燴烏冬我地歎，個個食到舔舔脷呀！

新鮮出爐@紫菜三文魚包 (直接法+冷藏法)

2016年5月28日


早前在759買咗2樽鮭魚鬆，鹹鹹地用嚟整包都唔錯！

加餸@鹽焗雞髀

2016年5月28日


跟雀后的食譜，好脆呀！Yummy!

3點3@比利時窩夫

2016年5月28日


今次粉糰加了蜜糖，香好多呀！

試新店@喜遇Hay!

2016年5月27日


今日約咗叻叻 & 小玲去利東街試新店，呢間上海菜館原來係金滿庭的Young Line，裝潢懷舊，很有老香港feel。

我地誤會有私房特餐，原來星期一至五要晚上先提供，星期六、日先在午市供應，為有散叫啦！

排骨擔擔麵，麻醬湯底不錯，麵軟硬適中，豬扒外脆內軟

傻佬炒飯，看圖很得，實物有點失望，德如的家鄉炒飯正好多

榨菜肉末叉子餅，肉苿唔夠味，叉子餅外脆，但內都好硬，可能是翻焗出問題

紅油抄手，中規中矩

呢餐約$300有點貴

Lunch@浪人日本料理

2016年5月26日


多謝Joyce為我製作靚靚相架！ 順便提早為大秘書慶祝生日！

又呃一餐@波士頓餐廳

2016年5月25日


有人想 Farewell 同事，但要人陪囉！

Lunch@北方餃子源

2016年5月24日


好似好耐無食，約埋叻叻&小玲，天氣太熱了，過埋夏天先會再去！

叻叻至愛豬扒菜飯

與Tiger有個約會@Never Too Late Dining

2016年5月22日


Tiger話仲有兩日就返美國，佢上午時間做埋少少野好得閒，晚上悶悶地想搵人食飯傾偈，但得我有時間陪到佢，佢就話近近地去元朗二人世界，Tiger仔介紹咗呢間小店，食物真係唔錯，價錢亦唔算貴，值得推介！

試新店@金泰皇泰國菜館

2016年5月22日


大細妹話有人介紹呢間泰國小店係幾位泰國女子主理，而且午市套餐好抵食，咁我就約埋細細妹嚟試下。

不過去到已經好多野都晒，可能新屎坑多人嚟八下，所以買得咁快啦！

想試咖哩買晒，想試豬手又買晒，想食豬頸肉又買晒，為有要兩個海南雞飯、泰式炒飯、香茅雞翼飯、炒金邊粉，海南雞飯個油飯&炒飯都唔錯呀！金邊粉就唔係幾夠味！香茅雞翼就燶咗D囉！不過三十零蚊包青檸冰又真係幾抵食！

跟住帶班馬騮打咗小個鐘乒乓球！

又呃一餐@德記茶餐廳

2016年5月22日

大細妹話下午帶我去食好野，咁我梗係晨早去黐餐先啦！

肥仔好鬼大食，食完自己成份早餐後，見到我個豬扒包又話想試食半份！

與Tiger有個約會@Cafe Je T'aime

2016年5月21日

Tiger話想買個鞋櫃，但行咗好多間都唔到啱心水，問我上水有冇傢俬舖！

上水除咗水貨多，仲有一條傢俬街架！

就係咁，佢就話要入嚟上水搵，皇天不付有心人，好彩比佢搵得到！

所以佢話呢餐唔係佢請都唔得喎！咁又比我呃一餐！ :D

佢食野都幾咀刁架，佢又鍾意飲咖啡，所以就帶咗去呢間小店！

新鮮出爐@花生醬馬芬

2016年5月19日


今次用孟老師的液體拌和法！

與Tiger有個約會@潮味居潮州海鮮菜館

2016年5月17日


Tiger回港又食一餐，因為Tiger鍾意食潮州菜或京滬菜，經路人R上OpenRice搜尋之後，就係揀咗呢間，但係呢間麻麻地！大家都覺得大圍生昌平靚正！呢餐食咗$12xx

又呃一餐@明記多寶海鮮飯店

2016年5月17日

容姐話要多謝我地上星期的幫忙，所以要請我地食個Lunch喎！

Lunch@三六九上海飯店

2016年5月16日


叻叻話尋晚發夢食燻魚，所以今日約埋我與小玲要去三六九囉！

今日煮乜餸

2016年5月15日


今晚媽子有節目，得我與老豆撐枱腳！
係咁易整兩味啦！
黑蒜炒馬齒莧
鹿兒島味噌醬洋蔥炒黑豚肉

Lunch@橫濱日本料理

2016年5月15日

今朝自己在家整早餐，熊仔窩夫煎雙蛋配檸檬醋！
我真。唔識煎蛋架！點解會無人信我架？

下午茶@Burger King

2016年5月14日


雖然返工或放工多數會經過紅磡站，但唔會有時間上嚟搵食！

早幾日得知除咗執淨機場果間，在紅磡車站都新開一間呀！

今日去黃埔探完朋友經紅磡站返屋企就有機會歎個Burger King鱈魚堡啦！

不過就覺得貴咗好多囉！價錢貴咗！個包細咗成半囉！魚柳都薄咗呀！

試新店@生生社企餐廳

2016年5月13日


Bingi & Peggy發現有間社企新店，還有兩張$50 Coupon，所以約埋Kenneth & 我去Lunch試下掂唔掂！

地方整潔，空間寬闊，食物質素中上，價錢合理，為獨人手不足，上菜慢及有漏單情況，可能員工還在陪訓中啦！

新鮮出爐@蜂蜜核桃蛋糕

2016年5月12日


跟孟老師整的蛋糕，點解會爆得咁肉酸，又有漏出象腳，只得一杯見得人，都唔知請唔請同事食好呢！

母親節@鉄一燒

2016年5月8日

今日正日母親節，老豆同朋友北上玩兩日，我就同媽子撐枱腳！

媽子話要食日本菜，佢就揀咗呢間，食完就話個滑蛋豬扒飯好唔掂，唔食睇個樣都知啦！

勝在夠平囉！呢餐只係$130

母親節@打邊爐

2016年5月7日

唔想同人逼，大細妹提議在家打邊爐！

唔係化？咁熱仲打邊爐？開住冷氣打都唔係好熱啫！好過你一個人係廚房煮仲熱啦！ :-bd

大細妹幫手買一些材料，我就約細細妹佢地食完Lunch再買些海鮮及雞啦！

是日早點@XO Pancakes

2016年5月7日

今晚約好細佬妹在家打邊爐慶祝母親節，下午先去買野，先整個早餐醫下肚先！

TI飯聚@金銀泰國美食

2016年5月6日

每月一次聚會，下次要改名為月經會先得！ :D

多謝靚太介紹美食！

雖然要走到去保安道市政大廈，但係值得，不過都係天氣涼涼地去會好D，因為呢度仲未有冷氣呀！事頭婆已經申請梗裝冷氣喎！我地話等佢裝好先再嚟幫襯呀！ :D

天氣實在太熱，所以我地要去有冷氣地方再吹水，見麥記出咗新甜品，梗係要去試試啦！

試新店@和食居

2016年5月6日


在大頭蝦隔離開咗間新舖，約埋叻叻、小玲去試食！
咖喱豬扒飯$50、 汁燒雞扒飯$48、 汁燒牛肉飯$50
新張期內送汽水 平平地，好過食飯盒啦！

CB7@富臨酒家

2016年5月5日


有人話要慶祝母親節，特意邀請飲茶聚一聚喎！多謝 KenKen！

試新店@Blue Brick Bistro

2016年5月4日

灣仔利東街 (囍帖街)，發展商曾經想命名為囍歡里，好似話好多人唔LIKE呢個名，最後都係用番原名利東街！

現在有商場、食肆及高級住宅囍匯，仲有綠化林蔭大道都幾靚架！

約埋 Bingi, Peggy & Kenneth，我地呢D為食鬼梗係去搵食啦！

一個月前就睇中咗呢間Blue Brick Bistro，真係痴鬼線，BOOK位時話要一個月後先有位囉！

仲要明明一個月前睇到 Set Lunch 係 $118，但今日係 $138 囉！

唔好睇佢細細碟，由頭盤食到去甜品真係好飽架！價錢都算合理啦！

是日3點3@抹茶蜜豆馬芬

2016年5月2日

仲有半包抹茶係度，拿拿林去埋佢先！

5.1勞動節

2016年5月1日

趁今日假期，和合石又無封路，所以揀今日去探太公、太嫲、爺爺、嫲嫲、伯父！

早上陪老豆去買雞、鵝、燒肉及祭品，約好其他親戚，浩浩蕩蕩去拜山！

拜完山例牌去飲茶，飲完茶就可以自由活動老豆佢地梗係順便打番8個東啦！

我同大細妹就去細細妹度黐餐！