Dinner with Carrie @ 三河屋+松記糖水店

2016年3月30日

因為要幫姪仔借收音機考DSE，所以就約咗Carrie食晚飯！
今日黃生要出Trip，所以淨係帶兩個仔出埋嚟食飯！
佢介紹間平靚正日本小店
我叫咗鰻魚飯配面豉湯 ($88)、Carrie叫咗炭燒雞扒飯配面豉湯 ($48)、大仔叫咗天婦羅飯配面豉湯 ($58)、細仔叫咗吉列豬扒北海道忌廉飯 ($58)、再加一個天婦羅蝦 ($48)，唔使加一，價錢相當抵食，但味道只係一般！

鰻魚唔肥美，肉質好實、雞扒一D都唔似炭燒，似豉油雞多D、天婦羅粉漿太厚、吉列豬扒薄到呢..... 只得個面豉湯好飲！

失驚無神打邊爐@鍋心粥底火鍋

2016年3月29日

蛋撻今日晨咁早就問今晚打邊爐，諗住佢訂唔到位添！
佢話星期日睇咗 TVB 有個節目叫 "夜宵磨" 介紹呢間粥底火鍋好鬼正喎！
約埋周氏伉儷一行4人去試食囉！

分3個時段，6:00-8:30、8:30-11:00、11:00-03:00，比蛋撻訂到6:00-8:30！

未食之前，先來一小盤沙律，但我無見到係乜樣呀！因為我遲咗少少先到，所以比隻蛋撻同周生食晒喇！

跟住就送上一鍋粥水做火鍋湯底！

呢度食野要有步驟架！
先來每日時令海鮮 7 款，無得揀架，佢比乜就食乜！
今晚有蟹 2 隻、蝦 8 隻、鮑魚 4 隻、大蜆 4 隻、白蜆 32 隻、花甲 16 隻、多寶魚半條！

滾完海鮮就會幫你加入栗米、芋頭粒、南瓜粒

再送上自選 5 款配料，梗係要揀最貴果D啦！
自家製手打雞骨丸 12 粒、西班牙黑毛豬梅頭肉 12 片、西班牙黑毛豬腩片 16 片、美國肥牛16片、花膠仔 1 大碗！

最後加埋粥膽、芫荽、冬菜、菜甫、大頭菜成為呢個 "精華海鮮粥" 喇！

$198，唔使加一，不過飲品就唔包，但都算抵食啦！

一個人的午餐@車仔麵之家

2016年3月29日


易手後第一次食，酸齋實咗d，豬腸唔夠林，但份量多咗，雞翼大隻咗，魚蛋、蘿蔔保持水準，湯底無咁濃，辣亦淡了點，報告完畢，下次再食！

復活節假期的最後一天

2016年3月28日

今日約了細E陪我去睇戲！
現時睇戲好鬼貴，所以我揀了睇早場！
在鑽石山荷里活廣場，10:30 AM 又唔太早，$55都算合理啦！
揀了呢套由張學友與林嘉欣主演的暗色天堂！

(網上圖片)

故事簡介 (Yahoo電影資料)
 沒有事實之全部，只有零碎記憶拼湊出真實的部分。國際慈善機構香港區總幹事的杜牧師（張學友飾），靠其能言善道，成為星級牧師，廣受信徒和下屬歡迎。初入機構當助理的Michelle（林嘉欣飾），也被他魅力所吸引。兩人互相欣賞，但礙於身份關係沒有正式發展。後來杜牧師決定到英國出任亞洲區總幹事，二人單獨到餐廳餞行。隨後更駕車到山頂兜風，在兩情相悅下更熱吻起來，不過這一吻便改變了二人的命運。翌日Michelle到警署落案告杜牧師性騷擾，雙方對簿公堂，杜牧師最終身敗名裂，選擇遠離宗教，遁入俗世；Michelle則更沉迷宗教，並找到終生伴侶。五年後兩人在一場合重遇，以為告一段落的事情，卻在你一言我一語間，發現大家仍未放下，事情在大家零碎的記憶下「重審」，卻得到一個法庭也未能給予的答案。

電影一開首的文本是：

『真相一直都在，只是人發明了謊言。』

人性與社會真的很複雜！

* * * * *

睇完戲梗係去搵食啦！本來搵咗間在太子食素菜的素食媽媽，點知去到又無開門！
想起附近上次同學仔介紹過的餃子店不錯 - 美味餃子店，一於帶細E去試啦！佢都話唔錯呀！
最正係個湯，野葛菜生魚豬骨湯，清甜無味精，淡味的餃子配上自家製的豆豉菜甫辣椒油，真係好味到暈呀！ :D

白菜豬肉煎餃

雲耳椰菜豬肉湯餃

豬手

復活節大餐@橫濱日本料理

2016年3月27日

趁假期帶老豆媽子去食放題！大細妹3仔乸走嚟黐餐！

被開人潮，我地揀咗食最早個場，一分錢頁分貨，對我地嚟講食品唔多選擇！
但見到隔離枱一家4口食得好開心，剩係魷魚鬚都見佢地叫了5次，泡夫叫了20粒，汽水叫了12罐，佢地真係收回成本呀！ =))

Lunch@Italian Tomato Cafe

2016年3月27日


以前灣仔果間都好得，但上水呢間唔得！
環境差，有蚊滋、冇冷氣！
食物差，無味道，牛無牛味，薯條好似冇炸過！
得個意粉可以接受！蛋糕我整得好味過佢！

是日3點3@自家製綠茶奶醬厚多士

2016年3月26日

之前在網上見過用好簡單的方法就可以整到類似韓國熱賣的綠茶醬，
而Blog友samwei整過，今日經過烘焙店就買包日本綠粉整下先！

真係好簡單，只要練奶與綠茶粉拌勻，味道份量就調校到自己喜歡的就完成喇！

配上一件烘過的厚多士，Yummy! Yummy!

Lunch with 大細妹@橫濱日本料理

2016年3月26日


兩隻馬騮坐底就打架，每日都要比阿媽鬧過先安樂！=))

復活節大餐@獅子樓

2016年3月25日

假期第一日就約咗兩位舊同事聚餐，大細妹知道又話要跟埋去！
因為佢都認識呢兩位同事，所以唔怕羞跟埋嚟囉！ :))

復活節前茶聚@富臨酒家

2016年3月24日

本來今日只係約咗 Bingi & Peggy 去食西餐架！
KenKen突然問我今日去飲茶好唔好，我話約咗人啦！
佢話叫埋佢地一齊去囉！
你地真係好，驚佢唔夠飽，就佢去飲茶！

飲茶@金灣漁港火鍋

2016年3月23日


本來5個人，所以叫12樣野，點知Pandora突然被老世傳喚，想唔打包都唔得啦！
with Natalie, Kitty & Candy

一個人的午餐@大慶燒味飯店

2016年3月22日


$35雙併+湯，好似好耐無食燒味飯喇！
不過今日D燒味唔係好得囉！
叉燒太瘦，鴨又無味！
每樣食兩件已經無胃口啦！

一個人的午餐@大頭蝦東南亞料理

2016年3月21日


$45有5條春卷+熱飲，係咪抵食先？

今晚食乜餸

2016年3月20日


葡汁雞翼
花甲豆腐粉絲鍋
香煎三文魚扒
香煎豬肉腸

新鮮出爐@粟米手撕豬肉絲包 (低溫冷藏法)

2016年3月20日


都好耐無整包喇！

本來係想整魚柳包架，不過今日係759見到呢隻手撕豬肉絲，加罐粟米粒整包包！
不過豬肉絲就唔係幾夠味，下次要加d味先得！

Lunch with 姊妹花@滇川雲南小鍋米線

2016年3月20日


好似好耐無同兩位靚女食早餐喎！

食飽路過呢度，執咗喇！

大約一年前開張，我已經預言唔做得耐，唔係我咒佢呀！新年前仲將半個舖位買咗華香雞，唉！我都未有時間試食呢隻雞就玩完！

在上水開半熟蛋糕店(諾亞半熟蛋糕)喎！

記得第一日開張好巴敝，每人限買2個，排晒長龍！

但我聽到好多街坊問：

1. 中年夫婦：係唔係要返屋企用焗爐整熟佢架？

2. 中年男人：幾好喎！可以氹老婆話係我自己整！

3. 婆婆：半生熟點食呀！

4. 後生女：好野唔使出九龍城買喇！

一星期後已經唔見有人排隊啦！

！

下午茶時間@櫻之匯素食料理

2016年3月19日


得閒食吓素，人都精神d！

同學仔介紹，成個月之前已經問有冇人陪我去試，好彩呢班為食Blog友又有興趣喎！
確係無介紹錯，尤其個腰果露值得一試！

增值@英記食店

2016年3月19日


今日在駱克道街巿熟食中心搵食，$29呢個價錢比較合理啦！
而且仲好好味添呀！ :D

一個人的午餐@漁川米線

2016年3月18日


$36，淡淡的魚湯，新鮮蝦卷，下次試下泡飯先！
跟住去麥當奴試埋個紫薯雪糕，都唔錯呀！

Happy birthday to雀雀@Felicita 1929 - Italian Restaurant and Bar

2016年3月16日


with芳芳、文迪、波兒、Joyce、KenKen & 周小姐。由於餐廳太有情調，未能影大合照！

乒乓友@王家沙

2016年3月15日


在城大打完乒乓球，梗係要去醫肚啦！

路過 @超人x蝙蝠俠

2016年3月15日

Lunch with ADA@群眾小廚

2016年3月15日

ADA呢個傻妹對電腦係白痴喎！因為叫我幫佢買團購，所以就約佢Lunch交收啦！
其實佢一D都唔白痴，係懶唔想搞啫！

一個人的午餐@Cat's Eye

2016年3月14日


見同事食過，賣相幾吸引！因店舖只得20個座位，經常大排長龍，上星期約好都未能試食。 今日路經見得5個人排隊，拿拿林去試食啦！唔使5分鐘就有位喇！不過就賣晒手打和牛漢堡囉！ 叫咗忌廉雞肉x慢煮蕃茄牛肉蛋包飯，真係好好味呀！白汁香，蕃茄甜，正！

今晚食乜餸

2016年3月13日


韓式麵豉醬焗三文魚扒
蒜蓉豆豉排骨蒸南瓜

布袋澳炭火年糕

2016年3月13日


終於輪到食布袋澳炭火年糕，煎得外脆內糯，甜度適中，怪不得發哥都讚賞！

朱古力拉花

2016年3月13日

因為柏緯今朝一早要去坑口參加劍擊比賽，所以柏晞尋晚係我度過夜呀！
在上野多慶屋發現這東西，好香焦糖味，只要將它放在熱飲上便可。
今朝諗住整個愛心早餐佢歎啦！點知佢話朱古力苦唔飲囉！

今晚食乜餸

2016年3月12日


鮮茄燴紅衫魚
冬瓜炆燒肉
香蒜薯角炒牛仔粒
香煎鯖魚

增值@檀島咖啡餅店

2016年3月12日


因為報咗個Course要到灣仔上課，所以就在附近食埋早餐先去上堂啦！
點解咁鬼貴架！承惠$35！最慘仲要唔好食嘛！

一連8個星期都要在附近搵食，要認真搜尋其他食店先得喇！

祥少生日飯局@星記海鮮飯店

2016年3月11日


祥少提早退休後第一個生日，多謝佢山長水遠來同我地飯聚！ With 叻叻、小玲、波兒

Lunch with Bingi and Peggy@Veygo Cafe

2016年3月10日

今日叫 Bingi 帶我去食蛋包飯，咁大雨諗住唔會咁多人啦！
點知有十幾人排隊等位，為有過對面Cafe食啦！

Lunch with大哥&阿姐@Le fleur Too

2016年3月9日

放假前大哥話要約我同阿姐食Lunch，我地都好耐無一齊食飯喇！
梗係啦！大哥咁鬼忙，真係好難約架！難得佢出聲，我地點會唔出席喎！ :D

三八婦女節@金源小館

2016年3月8日


多謝 KenKen為我們慶祝三八婦女節！ 唔記得幾時開始，佢每年3月8日都會請我地食餐無餸飯架！ :D
With Christine , Joyce , Coey  & Noel.
雀雀約咗人、芳芳放咗假、文迪唔舒服，佢地3個無口福呀！ :P

Lunch with KenKen@明記及寶海鮮飯店

2016年3月7日

遊完東京第一日返工Lunch就要去食香港特色粥粉麵飯啦！

Dinner with Anita@simplylife BAKERY CAFE

2016年3月7日


Anita呢隻傻豬，因為在旅行時我借個袋比佢，但寄倉回港時整爛咗，佢專登買番個靚袋賠比我，真係比佢激死！無下次呀！又唔係名牌袋，話咗唔使賠架啦！傻豬豬豬…

同學聚@Heart Cafe

2016年3月6日

因為去東京幫同學仔買咗D野，拿拿林約食飯做交收，ADA介紹呢間在大角咀的隨心小館！
店舖雖細，但食品質素好得，價錢又合理，真的好介紹！

東京之旅@埃塞俄比亞航空 (2016/2/28-2016/3/4)

Anita每年都會回港探親，亦會抽幾日去旅行，今年佢預埋我，好多謝佢受埋我玩！

2015年10月Anita，佢搵到一間平的航空公司 - 埃塞俄比亞航空，機票HK$1600，加埋其他稅項、燃油費都唔使HK$2000，還有30KG寄倉行李，拿拿林問人有冇興趣，LingLing第一時間答覆。Anita、雀后、LingLing & 我，4個傻豬就開始這個旅程喇！

朋友們知道我係坐埃塞俄比亞航空都好好奇，包括我自己都有疑問，見識少，完全無聽過呢間航空公司，只會聯想起戰亂同飢荒，安唔安全架？

坐完之後都覺得非常唔錯同舒服，如果安排到靚時間更加會加分！

飛機係全新的波音787-8 (ET-ASI)
準時起機，與前座的空間相當寬敞，起機相當穩定，我完全在不知不覺中到了上空，沒有什麼耳嗚之類發生，十分舒適。

娛樂系統都好多選擇，如果港產片唔係普通話配音更好。起初對飛機餐沒有什麼期望，明明登機前已經幫襯咗翠華啦！但還可以將整個餐放進肚內，真係講都無人信囉！

回程是晚上7:45起飛，要我們7:00登機，由42閘口改到35閘口，而且7:20還未見有飛機到閘口，以為會Delay，點知又可以7:45起到飛喎！

呢間航空公司真係唔錯，我覺得好過CX，廉航價錢，優質服務，有機會可以再幫襯！