網頁

2009年11月26日 星期四

越南之旅~第一天

2009年11月18日星期三

~~~ 第一天:Diamond Plaza - 古董自由街 - 夜遊西貢河 - 海上夜總會 ~~~

XO:今次我又有份跟埋去旅行呀!超開心呀!不過噚晚卡旻e上YAHOO check天氣話胡志明果邊唔係幾好天, 日日都烏雲盍頂, 真係要祝佢地好運喇!



12:25到達機場, 第一時間向領隊報到, 等齊人之後, 領隊就安排我地去寄行李, 跟住就自由活動, 但緊記14:20要登機呀! 14:50點起飛, 雖然上到機都有飛機餐食, 但肚仔又有d餓喎, 都係搵d野食吓好d, Mingle本來話去食麥記, 點知原來已經執鬼咗, 換咗呢間Délifrance, 咁啱又有機場職員專享優惠(Mingle有證件), $10就可以食到指定三文治, 梗係唔好放過啦! 三文治在手, 原來時間無多, 為有邊行邊食啦!



經過Disney Store發現又有特價短T, $240/3件, 第四件都係$80, 買滿$300又有禮品, 拿拿淋揀咗4件, 唔好蝕抵啦!



第一次坐越南航空, 因為細機關係, 所以就要搭多程巴士先可以上機喇!



起初諗住飛機餐唔慌好食, 但又出乎意料喎! 牛肉螺絲粉&北菇魚柳, 起碼好食過香港航空啦!



唔使兩粒鐘就到咗越南上空喇! 天氣好好呀, Yahoo天氣信唔過呀!



胡志明市呢個機場比我想像中靚&大! 越南比香港慢一小時。



呢架就係我地架旅遊巴喇, 成團人有39人, 咁細架, 一定無位淨啦!



康泰都幾細心喎, 每日每人一支水, 唔使日日煲水啦!



電單車隊呀! 真係比佢地嚇親, 半條馬路都係屬於佢地呀! 我地唔識過馬路呀! 導遊要我地提防電單車劫匪, 他們會覷準掛在遊客身上的財物, 然後以高速駛過搶走物件 。雖然不是十分常見, 但還是小心為上。



呢度d電話線, 又係一奇景呀!



Diamond Plaza: 呢間百貨公司與Sogo差不多, 國際名牌, d野超貴呀! 係香港四百蚊左右波鞋, 呢度一個Double呀! 我地淨係去咗超市買咗d零食!



古董自由街: 以前就係買賣古董, 現在已變成手信街了, 買的都是工藝品、刺繡等, Mingle就在此買了一對飲鞋喇! 在街邊發現這個用鋁罐製成的手工藝, 只是US2-US3, 超抵買呀, 雖然平都無買到!



行到街尾見到LV, 這個廣告超吸引, 可惜影得唔靚囉! 對面街就係藝術館, 係唔係好有法國風味呢?



越南的士, 多是七座位呀! (的士:價格便宜,起錶價VDN12,000(約 HK$5.9), 每次跳錶價 VDN1,000。不過也可直接與司機議價,司機一般會說簡單英語。若擔心被濫收車資,可先向酒店查詢大約車費,再與司機議價。)



豪華遊輪海上夜總會晚膳 (乳豬席), 一面品嚐特色美食, 一面夜遊西貢河, 其實就無乜夜景可言, 黑媽媽的兩岸加上船上嘈吵的歌聲, 跟本不是味兒呀! 大概一小時船程快此過吧!



回酒店前, 導遊請我們食這裡出名的法國麵包, 外皮脆脆的, 內裡有豬肝醬、火煺、札肉、青瓜、生菜等等, 好味過遊輪上果餐呀!



薀莎酒店 Windsor Plaza Hotel (5星級), 雖然有點舊, 但算OK啦!



HK$500在這裡就可以換到過百萬盾, 我地終於做到百萬富翁喇!
HK$100對220,000盾, 好多零呀, 好彩有Mingle, 我真的計唔掂呀!



每日都有溫馨提示, 唔驚唔記得啦!



2009年11月17日 星期二

準備出發喇!

2009年11月17日星期二


今期與Mingle跟團去越南













































康泰旅行社嘅胡志明(古芝地道、頭頓、美拖) 5天超值豪華團

團號:SGN05-091118-SPC
出發日期:18/11/2009回程日期:22/11/2009
航班(去程):VN763 14:50航班(回程):VN762 10:10
團費:$2988機場稅:$263
簽證費:$450保險費:$189
燃油附加費:$142代收機票徵費服務費:$40
員工折扣優惠:$99  
    


上網CHECK CHECK天氣, 香港就凍到死, 胡志明市果邊就熱到死, 仲要烏雲加閃電, 年頭去台北又係落雨, 唔通今年我不宜去旅行?


















香港五天天氣預報
11月18日 (三)11月19日 (四)11月20日 (五)11月21日 (六)11月22日 (日)
大致多雲,早上天氣寒冷。





10-14 C
60-80 %

大致多雲,早上天氣寒冷。 北至東北風4至5級。
短暫時間有陽光,早上天氣寒冷。





12-17 C
60-80 %

短暫時間有陽光,早上天氣寒冷。 北至東北風4級。
部分時間有陽光。




間有陽光
14-19 C
55-75 %

部分時間有陽光。 北至東北風4至5級。
部分時間有陽光。




間有陽光
13-18 C
50-75 %

部分時間有陽光。 北至東北風4至5級。
部分時間有陽光。




間有陽光
14-20 C
55-75 %

部分時間有陽光。 東北風4級。


 












越南胡志明市11月17日(二)















27°
20:30 ICT
未知


未知
 31°
 22°























濕度:89%
有風:東南/10 公里/小時
能見度:9.99 公里
Dewpoint:25°
氣壓:未知
日出:5:50
日落17:27














<-10-10-505101520253035+




















11月18日 (三)
11月19日 (四)
11月20日 (五)
11月21日 (六)






未知
未知






未知
未知






未知
未知






未知
未知
高 32
低 22
高 32
低 22
高 32
低 22
高 32
低 22


天氣資料來自YAHOO天氣


 


2009年11月16日 星期一

2009生日飯@皇悅33西餐廳 Lunch Buffet

2009年11月16日星期一


今天是最不想參與的生日飯, 如果唔係比面芳芳, 我一定唔會出席囉!


雖然近幾年同事G都有請我食生日飯, 但每次我都唔係好想出席, 因為不喜歡這個人在公司做事的作風, 口事心非, 十分討厭, 如果唔係工作上有求於她, 真的不想與這人有交流囉!


很久沒有到這裡食 Lunch Buffet喇, 因為我對這裡印象不太好, 記得上次來食的時候, 要面對自由行人士惡劣的行為, 真的難以忍受啊!


今次雖然沒有自由行, 成間餐廳只得兩三枱客, 一枱兩位, 一枱四位, 而我地就七位, 唔使爭食啦! 但係食物方面就唔係幾得囉, 選擇少, 質數差, 只有皮蛋瘦肉粥最好食, 可以食飽囉!


最後今餐都唔係同事G找數, 咁啱比佢地碰上酒店經理, 因為花姐在公事上需要為探訪團Book房, 因而與這位經理熟絡, 這位經理知道她們是為我與芳芳慶祝生日, 給我們結了賑, 同事G話遲d再請我地食egg tart喎, 我心諗"唔使客氣喇"! 


 


 


皇悅33西餐廳 Cafe 33
灣仔軒尼詩道33號灣仔皇悅酒店地庫1層
3692 2165


2009年11月14日 星期六

2009生日飯@敘榕軒

2009年11月13日星期五


今個月是同事們最多人生日的月份, 十幾位要好的同事裡有1/4人是壽星!


我們當然會約食Lunch慶祝一番啦, 今次揀了公司對面衛蘭軒酒店內的敘榕軒 , 這算是區內高檔酒樓啊! 點心是相當不錯的, 我最愛吃菠蘿义燒包, 可是服務不是一流囉, 可能是人手不足關係啦! 平日的Noel姐在我們的心目中是上等人嘛, 激得她也發火呀, 大渴一聲, 嚇得我們也O咀!


 


 


敘榕軒
灣仔軒尼詩道22號衛蘭軒一樓
2528 1288


2009年11月13日 星期五

有人請都唔會再去@Fresh Dining Concept

2009年11月12日星期四


阿蘇未介紹之前, 我見睇到"飲食男女"廣告覺得價錢好給引, 已經成日都話要去試吓, 今日終於有時間喇, 約咗大細細妹兩家人去試, 咁啱Mingle又話有興趣, 一於約埋一齊去啦! 未有阿蘇介紹, 只係$88, 比阿蘇搞一搞就加價到$120, 有冇搞錯呀?


四點鐘打電話去Book位, 聽電話果位小姐話Booking已Full咗, 叫我地Walk-in, 我話Walk-in無位咁點算呀, 我地十幾人喎, 去到無位咁點搞呀? 果位小姐就話幫我照Book位喇! 不過去到都係搵唔到我地個Booking囉! 裡面超多吉位!


去到真係好失望, 原來呢度係一個好大的Canteen, 食完野仲要自己拎開d碟,完全冇人幫你執野, 最重要係d食物完全唔掂囉! 燒烤食品要配給, 每人每次限攞兩件, 你好彩就有得分囉! 唔好彩就要等佢半粒鐘才會燒第二樣過你囉! 熱盤又唔熱, 甜品又係要配給, 沙律就比較食得落, 但係其中煙三文魚香芒沙律又係要配給, 我地好多野都分唔到, 究竟我地係嚟食自助餐定係食監獄餐呀?



入場購票就比條手帶作記號, 因為可以唔食Buffet叫散餐!



幸運地攞到燒豬仔骨, 剛燒出來都會唔熱囉, 真奇怪?
千島汁明蝦球, 攞果陣都唔知係蝦
唔食炒飯幾難飽



乾真真的芝士焗青口



燒焦的青魚



燒唔熟的鱔



最好食的菠蘿



配給的Tiramisu



配給的心太軟, 得1/4杯, 心點軟呀?




 


沙田科技大道西8號香港科學園尚湖樓地下


2210 7022


www.freshdiningconcept.com