２００９年４月９日星期四
聽日就復活節假期開始喇，已安排咗一ｄ節目係假期期間玩個痛快！
今日下午突然收到禮物喎，原來係威哥送上的１８４８朱古力呀！威哥佢好好人，佢係Ken哥ｄFan，幾年前已經認識佢，不過我地多數都係在MSN裡傾吓計果種Fan囉！估唔到在金融風暴下都可以收到復活節禮物，真係超開心呀！記得係０７年佢都有送過復活籃比我地呀！
威哥，搵日要請你食番餐先得！
2009年4月28日 星期二
自家煮@黑白軟心朱古力布甸
２００９年４月５日星期日
話咁快又到咗清明節，今日約埋舅母一家去和合石拜公公婆婆&舅父，拜完山無乜野好搞就返咗屋企喇！
返到屋企突然心血來潮想整蛋糕喎，上次整榛子芝士蛋糕果日都已經買埋黑白朱古力等有機會就整「黑白軟心朱古力布甸」！
大功告成！白朱古力超甜，不過連埋黑朱古力蛋糕一齊食OK喇！
因為我得６個蛋糕模，所以將淨咗果ｄ朱古力漿焗咗佢，聽日帶返公司比同事做白老鼠，我又估唔到，原來就咁焗仲好食過軟心喎！
2009年4月27日 星期一
台北捷運之旅 Day 1 貳兩炭火燒肉
２００９年３月２７日星期五
行咗半日動物園，成個人都散晒，個肚開始有SIGNAL，又係食飯嘅時候！
弍兩日式炭火燒肉
我地嚟喇！
本來我地預算行程係去食「紅蟹將軍」，這裡是北海道長腳蟹NT$550任食火鍋的，相當吸引！但出發前睇J2台其中一個節目『食尚玩家』剛剛介紹台北食肆，「弍兩炭火燒肉」NT$399任食放題亦非常吸引，叫文迪查吓係咪真係食得過，睇過食評尚算OK，所以決定改行程，向「弍兩炭火燒肉」出發！
我們乘捷運由動物園站到大安站再轉的士就到達目的地喇！這間舖面積細細的，只有８－１０張枱，燈光比較黑暗，服務員亦不錯呀！可能我們是第一次來，所以特別好招呼！雖然是任食放題，原來某些食品只可以要一次，例如我們覺得超好味的牛舌，想再Order，才知沒有的，不過老闆好好人，給我們一個例外，加送給我們，可能我們不是吃太多肉類才有這優惠啊！
這位就是為我們服務的帥哥，這個燒多春魚最令我們嘆為觀止呀！
燒海蝦亦是一絕，排得正正齊齊，色香味美！
如果是食肉獸一族，這裡是一個不錯的選擇啊！
下一站：五分埔
因為食得飽飽，所以我們決定步行到捷運大安站住捷運後山埤站，因為不知方向，為有問問路人甲，點知比個路人甲耍了我們一會才告知他是剛從外地回來，不是太熟識這裡，幸好我們再問其他人才可以找到正確方向呀！
台灣氣象局預測很準，到達後山埤站開始下雨了，雨勢不是很大，我們繼續前往「五分埔商圈」，這裡是成衣批發市場，貨源來自全省及港、泰、韓、新等各地，流行且物美價廉的服飾批發、零售，吸引不少年輕族群前來血拼。
（因為落雨，唔記得影相，所以上網搵到兩張有代表性的相作留念！）
我們這班中堅份子沒有收獲，只有SaSa購得兩件T-Shirt，SaSa話香港買要三四百蚊，在這裡只需半價（殺價後）就可以了！找不到心頭好，不如早點到「饒河街夜市」食宵夜吧！可惜雨勢越來越大，經商議後取消這個行程，早點回酒店休息吧！回到酒店根本不能早點休息，因為我地掛住睇台灣的綜藝電視節目呀！
弍兩日式炭火燒肉（NT$３９９任食放題）
台北市松山區建國南路一段324號
http://www.ipeen.com.tw/shop/shop.php?id=8625
五分埔
後山埤站下車1號出口, 步行2分鐘至永吉路即達
Day 1完結
2009年4月22日 星期三
台北捷運之旅 Day 1 木柵動物園
２００９年３月２７日星期五
食飽飽！團團圓圓
台北市立動物園約定您呀！
忠孝敦化站到忠孝復興站轉木柵線（文迪話呢條線係無人駕駛列車，佢唔講我都無留意，唔怪得之得幾卡車啦）就可以去到動物園站喇，千奇唔好係木柵站落車呀！廿分鐘左右就到達目的地，點解星期五都會有咁多人嚟呀？
第一站諗住係去探國寶團團圓圓，點知佢地話嚟到台北咁遠使乜探佢地呀，香港海洋公園無得你睇咩！比ｄ台灣人睇先啦，最重要係條龍好鬼長呀！
唔探國寶，咁可唔可以去搵樹熊先呀，香港無得睇啦！成個樹熊館原來得果三四隻，仲要比玻璃隔住，幾難先至望到佢地一眼呀！佢地ｄ動作好搞笑，又慢又傻好鬼死Cute，我淨係影到Q弟（佢地話係Q仔個細佬喎），隻隻都係咁樣，都唔知有乜分別？參觀完機熊館，繼續行程！經過一輪磋商，我地決定用NT$5坐小火車上山頂鳥園站，因為行上山都幾辛苦呀！
整個動物園好大，分咗１２區，我地行咗九成，起初諗住半日實行唔晒，咁多動物有排比你睇，點知就有點失望，ｄ動物大部份都係得果一兩隻，差不多每隻都係用個PatPat"得"住我地，有ｄ仲無影無蹤，唔知係咪我地嚟得太晏啦？
為咗歡迎團團圓圓係２００８年１２月２３日抵達木柵動物園，園裡就多咗好多有關熊貓的副產品，連列車也要裝飾一番啊！
終於見到團團圓圓喇！好失望呀！兩隻野沒精打彩，好像香港海洋公園年老的安安佳佳，與我們Say個Hi也沒興趣，我還是喜歡盈盈樂樂多一點！
大陸一直都係叫「熊貓」，嚟到台灣又話應該係「貓熊」，搞到我都亂晒龍！
據台灣工商時報報道：團團圓圓抵台，台媒原本對外界沿用大陸說法稱其為「熊貓」，但台灣「總統」馬英九日前要求媒體應「正名」為「貓熊」。
媒體日前私下詢問小馬對這次熊貓來台有何看法，馬糾正記者「不是熊貓是貓熊！你想想看那是貓還是熊？當然是熊嘛！依據中文的用法，既然是熊，熊就應該放在下面，稱作貓熊才對，你們媒體能不能拜託正名一下，讓貓熊回復牠真正的名字」。
馬英九強調，他這樣說是有根據的，當年國民黨政府在大陸的時候，就是叫貓熊，宋美齡曾推動熊貓在重慶展示，場上掛的牌子從右到左寫就是「貓熊」，但當時西化已在進行，很多人誤稱為「熊貓」，錯用至今，但貓熊既然來台，就不應再將錯就錯，而應正名為貓熊。
農委會林務局也表示，貓熊所以會有這樣的名稱，是因為牠的臉形像貓一樣圓圓胖胖的，中文的用法，形容詞要放在名詞之前，在動物分類上，大貓熊歸屬於熊科動物，稱牠為貓熊，較能符合中文以詞尾為名的習慣，也較不易混淆貓熊是一種「熊」而不是貓的事實。
除咗熊貓外，這裡還有好
黃金藝術喎！不過又幾得意喎！
臺北市立動物園Taipei Zoo 木柵動物園（NT$60）
臺北市11656新光路二段30號
訂閱：
文章 (Atom)