網頁

2009年1月21日 星期三

小飾物@東京迪士尼

2009年1月21日星期三


今日Ken哥回到公司,比我發現佢個背包有d野掛咗係度,


好鬼靚呀,佢個朋友去完東京迪士尼送比佢嘅手信呀!


文迪你今年去日本的話,記得幫我買呀!




新年食品@炒米餅

2009年1月17日星期六


 


仲有一個星期多就新年喇!舊年阿媽買咗d炒米餅番嚟,攞咗d返公司比同事食,


個個都話好鬼正, 果個NatNat仲要我幫佢買埋比佢d親戚朋友!


你又問, 佢又問, 今年係咪無炒米餅呀?


有有有, 我未得閒去買啫, 又唔想好似舊年咁, 要阿媽攞到死死吓!


前幾日已經叫咗阿媽買咗十包喇!好重呀!



 


我有備而戰呀, 帶定旅行袋, 問清楚阿媽店鋪正確位置, 出發!



卡旻e:婆婆有冇三十包炒米餅呀?


婆婆:有有有,多多都有!


卡旻e:計平d啦!


婆婆:邊有得平呀,五十包都無得平呀!已經好平啦,仲想平!


註:我估計婆婆有八十歲,中氣十足,我咁惡都唔夠佢嚟呀!


楊小B快將與我們見面@Mingming

2009年1月16日星期五


奶头仔 奶瓶子
奶头仔 奶瓶子
奶头仔 奶瓶子
奶头仔 奶瓶子
奶头仔 奶瓶子


Mingming同老公去完產前檢查,上咗我公司,


因為我有dBB衫比楊小B,佢順便嚟攞囉!


原來仲有一個月就到預產期喇!


Mingming個肚又真係大咗好多喎,醫生話佢知楊小B現在有3.3kg呀!


睇怕要生巨B,佢都驚到時要開刀呀!



祝楊小B快高長大!身體健康!精靈活潑!


 


2009年1月20日 星期二

一月份生日會@Ken哥

2009年1月13日星期二


happy birthday


今日部門+NatNat請Ken哥食生日飯,Ken哥話要食小菜,


本來話去"榮興",但又覺得佢依家失水準,唔係好想喎!


原來食家肥康未去過"金源",一於帶佢去評吓分先得!


食家雖然病病地,都話有料到喎,食得過!價錢又實惠!



2009年1月14日星期三


今日先至係正日,弟兄姊妹們緊係會為Ken哥慶祝一番啦!


蘑菇点点


佢話自己叫炯祥,所以揀咗"祥記",佢又真係好識揀喎!


輪到佢今日病病地,唔多願出聲,成個飯局即該唔夠生氣,




悶到要扮神探!



悶到未齊人都要影相!



悶到d野食都麻麻地!至愛紅燒排骨都唔夠味!



好彩有另一話題!


蘑菇点点
NatNat已有男朋友?
蘑菇点点


 


話說上年聖誕節,隻衰婆同我講收到一份聖誕禮物,


NDS遊戲機一部,我即刻問佢邊個咁大手筆,係唔係男性?


衰婆係都唔講係乜水送,淨係笑笑口!


姊妹們,你地話係唔係事有QK!


 


2009年1月19日 星期一

屬於自己@新相機

2009年1月11日星期日


頂唔順喇,終於有屬於自己嘅相機!


一直我都無屬於自己嘅相機,以前用嘅都真細妹換機,我就用佢部舊機,


用得唔好嘥嘛!但係部舊相我真係搞佢唔掂,都唔明自己點解會咁樣,


傻瓜機一部,都唔知點解會影到d相鬆郁蒙?


最重要係身痕囉,知道今個月會有Bouns嘛!


大头柑



係唔係好熟面口呢?!


係呀,我之前問我細妹攞部新相機用過,我覺得好好用,


d相又影得靚,所以就買咗同一款喇!


今次仲係去兩張4G咭,不過個相機套就無原裝,比咗個LX3 ,太多空位喇,


都保護唔到部相機,為有問細妹攞個套啦,點知佢就比埋個靚靚Mickey套過我!


多謝晒!


PUCCA中国娃娃



卡旻e:請問有冇Panasonic TZ15呀?


豐澤:有,HK$2,700


卡旻e:有乜野送呀?


豐澤:相機套裝、8G咭


卡旻e:都出咗咁耐,可唔可以平d呀?


豐澤:最平喇,靚機好難會咁快跌價呀!


卡旻e:咁我諗諗先,唔該!



卡旻e:請問有冇Panasonic TZ15呀?


百老匯:我地無Display, 等我Check Check先,有HK$2,780,不過要訂貨!


卡旻e:咁,唔該晒!



卡旻e:請問有冇Panasonic TZ15呀?


國美:無喎,斷咗貨,唔再生產喇,介紹第二部你啦!


卡旻e:唔使喇,唔該!



卡旻e:請問有冇Panasonic TZ15呀?


中原:有


卡旻e:幾多錢呀?


中原:HK$2,680


卡旻e:有乜野送呀?


中原:保護貼、相機套、迷你腳架、電池、4G咭,仲有哈哈笑精品


卡旻e:有冇得平d呀?


中原:最平喇!


卡旻e:隔離送8G咭喎!


中原:(按計數機)我可以送兩張4G咭,不過就要HK2,700


卡旻e:好,我要一部



我覺得中原有誠意d,所以都係幫襯佢!(細妹果部都係中原買)

本來哈哈笑精品係送地毯,我唔想要,所以屈佢送兩個水樽囉!

大日子@快樂小蜜蜂

2009年1月10日星期六


小马


今日係黃芍曈大日子,正式成為"快樂小蜜蜂"喇!


 



呢度就係黃芍曈每天上課嘅地方



咁啱黃浩倫今日又係家長日,佢阿媽唔可以兩頭走,


所以由我呢個姑媽去參加芍曈成為快樂小蜜蜂宣誓儀式喇!


今日咁鬼凍,又要晨早起身,


仲要去到青衣咁鬼遠,雖然話有專車接送啫,其實都係唔係好想去!


鬼叫佢係我姪女咩,唔去就無人同佢影相留念喇!



誓 詞


我是快樂小蜜蜂
我愛我的家庭
我喜歡我的朋友
我愛大自然
I am a Happy Bee.
I love my family.
I love my friends.
I love nature.


 



小马


2009年@第一個工作天

2009年1月2日星期五


春节QQ表情


唔好以為老細放假就可以放鬆吓,原來唔係!


佢放假前就交低晒要做呢樣要做果樣,呢樣又話要出,果樣又話好趕!



如果唔係張6仔唔生性,我就唔使咁慘啦!



好彩今日有人請食Lunch,心情都好D!


本來訂咗去富臨飲茶,點知去到先知我地個Booking No.唔係我地喎!


問個阿姐咁點先,我地五個人明明有訂位,依家又變咗無位喎!


個阿姐忙到七彩,淨係叫我地等等,大姐呀!Lunch Time九百幾人等位,


要等到幾時呀?我地為有轉馱啦!阿Ken以9.8秒跑去喜萬年,


叫佢個契妹比張枱過我地,嘩度又係鬼死咁多人,好難有位喎,


最後佢個契妹比咗員工尾枱食飯個位置過我地,如果唔係都唔知等到幾時!


好似文迪佢地咁,訂咗枱都等咗成半粒鐘先有位,到時好多點心都無啦!


花姐仲搞野,訂咗枱又遲到喎,人家緊係比唔到枱佢地啦,


叫芳芳幫佢地攞定蛋撻仔先,唔攞定真係會無得食!



叫咗第一輪點心,想食果d都食唔到,不過有得食都好彩喇,


SaSa都不知食得幾開心,祥少話食得差不多,要去B仔記球場練射籃,


都唔知有乜好練,班後生仔都唔練,你d老將練得咁辛苦為乜?!


Ken哥好似唔夠皮,仲想叫個炒飯食,我地齊話唔好預我,搞到佢都唔敢叫!



最後都要講句


多謝

感谢道歉
NatNat!


2009年1月16日 星期五

年尾午飯@又係金源小館

2008年12月31日星期三



2008年最後一日喇,Ken哥話要同我地姊妹們去食餐好,當然係AA制啦!


上次祥少帶過我去食,覺得呢度唔錯,姊妹們又話好想試,所以決定去金源喇!


Ken哥,文迪,芳芳,SaSa,Coey & 卡旻e,點解得咁少人,


因為好多人都放咗假囉,所以得番我地6個囉!



今次唔食手撕雞,試吓隻炸雞,都係手撕雞好食d,其他小菜都係好好味,


最重要係海底椰南瓜露加湯丸

强佩服厉害



有Ken哥同我地食飯係最開心!


五隻嘩鬼@雲泉仙館

我唔係停Blog,只不過一月份係我最忙的月份,又要出"社情",又要出"職業博覽",又要出"人間熱線周年報告",全部都話要農曆年前做好喎!幾乎屎尿都唔得閒去痾呀!就大家見諒呀!




2008年12月14日星期日


媽子話呢期雲泉有菊花展,見今年新年無去到食齋(我地好多時農曆年都會去果度食吓齋),所以就約吓細佬妹有無興趣喇!


個個都話好好好,淨係得老豆同強少要開工去唔到!



呢度d齋菜都唔錯嫁,其實我地最鍾意都係d白粥,又滑又綿,


最重要係任食,掛住食唔記得影相!(每款都係$65)



食飽飽就去睇菊花喇!今期條龍好勁呀,仲有隻鳳呀,隻翅仲會郁郁下!



嚇人的花仙子,柏晞見到掉頭走!



荷花池無荷花,只得凋謝了的荷葉,突然發現釣魚翁,


我亦給他發現,只影得一張相!



表妹你去咗邊呀,快d過嚟一齊影相啦!



見到石雕發晒癲,係都要同'隆隆'影相!



影這個最搞笑,用了4部相機都影唔齊5隻嘩鬼的樣子!


實有一個唔聽駛!


悠嘻猴
悠嘻猴
悠嘻猴